Independent Mama :

أم جقوري أسأل الله العظيم رب العرش العظيم ان يشفي ابنك اتذكر لك موضوع تقولين ان عند طفلك توسع في المعده وقالو لازم عمليه اختي انا من رأيي استخيري ربي انتي وزوجك وتوكلو على الله واعملو له العمليه انتي تقولين كل ماله ينحف ويرجع الاكل كله ... والطب اللحين تطور وان شاء الله يستفيد من العمليه وبالنسبه للشيب .. اكيد من نقص الفيتامينات اتذكر وحده اعرفها جاها شيب في الثانوي وعطوها فيتامينات ورجع شعرها طبيعي وقومته في الليل وخوفه ورعبه .. من الارتجاع .. مرررره متعب للكبار مابالك بالصغار اللي بطبيعتهم يرتعبون من اي شي يأذيهم علشان كذا يقوم مفزووع وخايف من اللي يحس به ومن كثر ما يرجع الاكل صار يكررره الاكل والسوائل .. الاطفال اذكياء بسم الله عليهم ويعرفون يربطون بين الاشياء ولدك يعرف انه اذا اكل راح يرجع فصار يخاف استخيري وادعي ربي يدلك على اللي فيه الخير وتوكلي على الله وسوو له العمليه علشان يرتاح حبيبي ويثبت الاكل في معدته .. لاتقولين بصبر عليه الما تقوى العضله .. سوء التغذيه موب كويس له اخاف يتسبب عليه بأشياء ثانيه غير انحراف العين ولاعاد تودونه لمشايخ .. انتي ارقيه بنفسك .. وتووووووكلي على الله سبحانه ومن توكل على الله فهو حسبه كلنا نخاف من العين بس انتبهي لاتوصلين لدرجة الوسواس كذا انتي تلغين التوكل على الله .. وكأنك تقولين ما اثق في تحصين ولدي حصنيه قبل تطلعون وتوكلي على الله ماعليك من اللي يطالعون نصيحه اللي يقوله لك الطبيب سويه .. هم اخبر بحالته مادامهم عملو اشعه .. وترى اطفال كثيييير جاهم توسع مثل ولدك .. وعملو التضييق وارتاحو .. شوفي اسألي وابحثي واقعدي مع الدكتور واسأليه كل اللي عندك ولاعاد تصبرين على ولدك الله يوفقك لما فيه الخير اميييين ويطمن قلبك على ولدك ويريحك وتفرحينا بخبر شفائه

أم جقوري أسأل الله العظيم رب العرش العظيم ان يشفي ابنك اتذكر لك موضوع تقولين ان عند طفلك توسع...