مغبوونه ومقهوره ومحروقه تعالوا بردوا على قلبي ي جماعه انا في هممم

السلام عليكم
حابه اتكلم عن مشكلتي وأرجو منكم انكم توقفون معي وتعطوني حل
انااا تعبت نفسيا ياعالم حتى وزني نزل من نفسيتي التعبانه
عندي زوج متوظف والحمدلله لكن راتبه مووو لي أبد راتبه حق القروض ومصالحه
كل شهر نفس الشهر كل ماقوله عطني يقول ماعندي ودايم يوعدني ان يعطيني الراتب كل شهر وانا اتصرف فيه بس مايوفي بوعده داااايم انا كنت اشتغل زي الأسر المنتجه والحمدلله يدخل لي دخل حليو يمشي ،، لكني شفته اعتمد علي من هالناحيه فأظطريت اني اسحب نفسي من شغلتي،، اقسم بالله اني مراااااااعيته مراعااااه مو طبيعيه لدرجة إني اقصر على نفسي بأشياء أتمناها عشان اراعي ظروفه ولا أضغط عليه وعلى نفسيته ،، لي ٨ سنوات متزوجه وانا على هالحال ،، سافرنا شهر عند اهله وكان معه ميزانيه لكن ورب الكعبه ماشفت منها شييييي غير انه جاب أغراض لبيت أهله فقطططط ،، وانا مو زعلانه بالعكس أهله على عيني وراسي وهذا ولاوشي من الي يسويه لهم ،، ماعندي مشكله من هالناحيه ،، قبل لا نسافر كان معي فلوس من شغلي ،، فطلبني الفلوس عشان يسدد باقي قسط السياره،، وانا وقتها كنت بحاجة الفلوس مررره ،، قلت له مابعطيك انا ابيها ووعدني ان الاسبوع الي بعده بيعوضني اياها،، قلت طيب وعطيته، مر الاسبوع وجاته فلوس وتعذر مايعطيني بحكم اننا مسافرين ويحتاجها ،، زعلت وسكت ،، وعدت الاسابيع ولا عطاني شي ابد،، رجعنا من السفر وقلت له ،، ابي ١٠٠٠ ريال اكمل باقي كورسات وجهي كنت أعالجه،، ناظرني وقال اعطيك ١٠٠٠ عشان وجهك،، مت مت مت قهررر وصحت عليه وهزأته قال خلاص سوي موعد واعطيك ،، رحت سويت موعد ولما جاء موعدي صحيته يكلم السواق يمرني ويعطيني فلوس،، قال ماعندي فلوس وريحينا ،، زعلت من القهر وبكييييييييت لين صدع راسي ،، وبعدها صار الوضع بيني وبينه مأتش احس كل مااشوفه اكرهه ،، ويقولي ارجعي اشتغلي وانا رافضه تماما،، ولما طلعنا قبل يومين ورجعنا تكلمنا في المووضوع ،رد علي ي بنات رد خلااني اندم اني تزوجته واني خلف منه كرهت نفسي وكرهته وكرهت عياله وكرهت كل لحظه عشتها معه وتندمت على اياامي الي صبرتها معه وعاى اوضاعه ( قالي انتي ماتراعين ضروفي)!! انصعقت تبلمت مااااعرفت وش اقول حسيت الدنيا تصفق فيني قمت اصارخ عليه واهذر بكلام ماعمري قلته معاد راعيت شعوره ولا راعيت ان عيالي معي ، صرت اتكلم بصوت عالي حسيت اني شوي واذبحه من القهر ،، الحين بعد صبري كل هالسنين تجي بدقايق وبفم مليان تقولي انا مااراعيك ! هذا جزاتي وجزاة جمايلي وتعبي وصبري ، حسبي الله ونعم الوكيييل،، نزل راتبه وجيت بطلب منه يقول البنك سحب راتبي كله ،؛اه اه ياعالم وش اسوي انا صرت استسهل فكرة الطلاق منه ، المشكله مو واقفه على عدمةصرفه ،، المشكله بعد ان طووول وقته عند الشباب واهم شي الشباب في حياته ،، يعني اهمال فيني وفي مصروفه لنا ،، وش اسوي ي جماعة الخير ، تعبت وربي اكتب لكم وانا ق بكيييت لين احس راسي بينفجر ،؛تعبت منه كرهته وكرهت كل شي فيه معادابيه لاهو ولا عيشته ، احس معاد احمله بقلبي اي شي ، تعبت منه تعبت ، تعالوا قولوا لي وش اسوي كيف اتصرف ياجماعه اكتب لكم وانا مخنوقه ومغبونه