مغتثه صراحة

هلا بنات مغموته وودي افضفض لكم قبل لا انفجر
قبل شهر ونص كنت مفكرة اطلع من بيت اهلي واخذ شقه
قال لي ابوي براحتك بس اخاف عليك وبتزيد عليك المصاريف الخ
ومع اصراره قلت خلاص بجلس معهم
لي جناح خاص الحمدلله انا واطفالي.. غرفتين وحمام
قمت رممت الغرف وصبغتها وشريت اثاث جديد
ومفارش جديدة وثلاجة وغسالة خاصة ومكينه قهوه
وغيرت الستاير وعلقت لوح ومرايا وصار الجناح فندقي
وقطع سجاد واشياء كثيييره كلفتني حوالي 25 الف ريال
يعني قلت الحق قبل الضريبة وقبل ارتفاع الاسعار
ويا دوب ثاني يوم بعد التجديدات هذي.. انحرقت المكيفات
سبحان الله مكيف غرفتي ومكيف غرفة اطفالي بس!
قال ابوي يحتاج كمبروسور جديد ب1500ريال
دفعت المبلغ وجو العمال.. ولا اشتغل
ثاني يوم قالوا المشكلة بالتوصيلات ويحتاج 600.. دفعتها
الزبدة لحد الان دافعه فوق ألفين ريال عالتصليحات بدون فايده
لي اسبوعين بدون مكيف.. لدرجة رحت شريت مراوح كهرباء
غير ان كريماتي وفيتاميناتي خربت ورميتها
وعمال داخلين وعمال طالعين عالفاضي
قال ابوي بيكلم الشركة حقت المكيفات يشوفون المشكلة
وانا ميته حر تخيلوا الجو هالايام يموت اعوذ بالله
رحت له وانا تالفه عالاخر.. قلت: كلمت الشركة والا اغير المكيفات؟
رد علي: هذا تهديد والا سؤال؟
قلت: انا اسألك لان طقت كبدي احتريت وخست مو قادرة اتحمل
قام عدل جلسته وناظرني وهو معصب قال: تكلمي باحترام
قلت له: انا محترمة وجيت اسألك حتى ألقى حل
قال: لا مو محترمة وقليلة ادب وتنافخين ولا تذلينا على فلوسك وووو
قلت له بابا لو سمحت ما اقبل تكلمني بهالطريقة
قال قبلتي والا ما قبلتي ما هميتيني ولا تكلميني ابدا اعتبريني ميت واعملي اللي تبين بمكيفاتك


قمت تركته ورجعت للفرن.. قصدي غرفتي
وطبعا زياده على الحر والخياس نكد وقهر
نمت ولما صحيت الصبح ارسلت له رساله حتى انهي المشكلة:
صباح الخير بابا انا اسفه كنت متضايقة من الحر ولا قصدي ازعلك سامحني


قراها وطنش ولا رد ولا شي.. يعني حتى كلمة حصل خير ما كتب
وحتى السلام ووعليكم السلام ما يرد.. كنه ما يسمع
كلمت امي.. قالت خلاص اتركيه براحته
والحين هذا اليوم الثالث اللي مقاطعني فيه
فوق انه جرحني بالكلام.. ما قبل اعتذاري


اول شي جاء ببالي.. اخذ عيالي واطلع لشقه مفروشة والا فندق
عالاقل نلقى مكان بارد ومكيفات وحياة اوادم
لكن منغبنه على الصرف اللي حطيته بغرفنا ولا تهنيت فيها
لو ادري بيصير كذا كان طالعه للشقه على كلامي الاولي
وحطيت هالصرفيات بشقة ايجار تحشمني وتعزني بدل هالمذلة والنكد




انا اعتذرت واللي ما يبي يرضى براحته والله يسعده ويحفظه
لكن مقهورة يبي لي اقل شي 3 شهور قدام أجمع مصاريف سكن
وقافلة معي لدرجة فكرت اقط الاطفال عند طليقي
واروح انا براسي اسكن لي بغرفة بفندق سعرها معقول
بس ما ودي اتصرف تصرف اندم عليه بعدين من ناحيه عيالي
لانهم راس مالي بهالدنيا واخاف اتهور وافقدهم للابد
بس جد قافلة معي عالاخر.. هو حر.. هو تزعل.. هو نكد.. هي مصاريف.. هي خساير.. اف