بريطانيا موقف الابتعاث لها و أكيد مافيها إلحاق للدارسين على حسابهم .. إلا بصعوبة و شروط يعني لازم تخلصين 30 ساعة من دراستك و بمعدل معين .. شوفي منتدى ملتقى الطلاب السعوددين في بريطانيا و شوفي مأساة الدارسين على حسابهم الخاص ..
و حتى المرافقين فيه شروط لإلحاقهم .. أنا ما أخوفك بس أبيك تكونين بالصورة ..
و لا بريطانيا حلوة و قريبة من السعودية و عندهم جامعات قوية و طبيعتها جميلة .. جوها متقلب مرررة .. و عندهم نظام قوي جداً أقرب للتعقيد أحياناً .. و غالية جداً خصوصاً بعض مدن الجنوب ..

و بالنسبة لغطاء الوجه أتوقع يعتمد على مدينتك .. يعني مدينتي كان فيها كم من منقبة و ألحين معظمهم راحوا .. يعني تقريباً ممكن تكونين أنت المنقبة الوحيدة في السنتر ، في الشارع في الباص .. و تلقين بعض المضايقات مثل السب بكلمات بذيئةو غيره .. و زي ماقالت الأخت إلي قبلي من فئة قليلة خصوصاً فئة المراهقين .. أبعدي عنهم ..

بس حسب ماسمعت أن النقاب في مدن مثل لندن و برمنجهام و مدن الشمال أيضا مثل شيفيلد و مانشستر و ليدز و نوتنجهام فأن النقاب منتشر كثيييير و وضعه أكثر اعتياداً ..و أهم شي تكونين وااااثقة من نفسك و معتزة بدينك .. لأنك غالباً راح تكونين المنقبة الوحيدة في الصف ..

أنا ما أهول لك الموضوع بس أبغاك تكونين مثل ماقلت أول بالصورة .. و الحمد لله أنا منقبة و هذا توفيق من الله عز و جل ..

ام احلى بدر ..

الله يخلي لك بدر ويرزقك على قد نيتك ويكتب لك الجنه ووالديك واحبابك

طمنتيني انتي والاخت مجبوره ارحل

كثير قاعدين يقولون شيلي الغطاء وما فيها شي وانا اتمنى اني اموت وانا ما شلته الا للضروره

بس سؤال ياقلبي انتي تدرسين في الجامعه ؟؟؟؟

وبالنسبه للدراسه في بريطانيا شكلي راح اعيد التفكير فيها

الف شكر لأفادتك عزيزتي

الله يوفقك وييسر لك

يمكن اروح مثلك .. وافكر في نفس المشكله

رفع لنستفيد

آميييييين و أياك و المسلمين أجمعين ..

جزاك الله خير عالدعوة ..

و بالنسبة لسؤالك أنا لسة أدرس لغة .. مادخلت الجامعة ..
و ناوية بإذن الله أحول على أمريكا ... لأن الجامعات إلي حصلت فيها قبول .. وقفتها الملحقية للسنة الجاية فزوجي ماراح يقدر يدرس فيها .. و كان عندي قبول بأمريكا عشان كذا إن شاء الله بحول ..

وفقك الله و سدد خطاك ..

انا منقبه و كنت ادرس لغة في الجامعه

الحمدلله ولا مره واجهت اي مضايقه او تذمر