السلام عليكم و رحمة الله و بركاته ..
جمعة مباركة أخواتي المحترمات :26:
حابة أسألكم يا أخواتي المغتربات و صاحبات الخبرة شوية أسئلة مهمة
معليش الموضوع شوية طويل
لأني حأشرح لكم الظروف على لسان المعنية بالأمر
و ياريت تطولو بالكم و إنتو بتقرأو و تجاوبونا بالتفصيل
قد ما تقدرو !!
و الله يجزيكم كل خير مقدما :39:
و معليش أتحملو الجهل و قلة الخبرة بهادي الأمور
و نورونا الله ينور عليكم :)
صاحبتي
جوزها في أمريكا - أوهايو -
و هي و أولادها في السعودية عند أهلها
عندها طفلين ( 4 سنوات - 3 شهور )
جوزها دارس على حسابه الخاص ( إنجليزي )
و متأمل في المكرمة الملكية إللي شملت كتير من الطلبة و يتمنى إنه يلحق بالبعثة
و يبغا يكمل ماجستير
قدراته المادية جدا محدودة وعشان كدة ما أخدهم معاه من وقت ما سافر
الآن
يبغا زوجته تروح له لأنه الوضع هناك صعب
و بدأ يحس بالغربة و الهجولة
و الله يهديه و ينور بصره و بصيرته و يصرفه عن الحرام إن شاء الله
المشكلة
طلب منها تسافر له لوحدها !!
و تترك أولادها عند أمها
و أمها إنسانة كبيرة و مريضة الله يرفع عنها و يشفيها إن شاء الله !!
بحجة إنه ما يقدر على مصاريفهم
مصروفه و مصروف دراسته
و مصروفها و مصروف الأولاد و البيت و إلتزاماته !!
خصوصا إنه رايح على حسابه !!
هي ما وافقت !!
و سارت مشااااكل بينها و بينه بسبب دا الموضوع !!
لأنها شايفة طفلهم الكبير عايش في صراع
بين الغيرة من المولود الجديد
و بين فقده لأبوه
لأنه مرة متعلق بأبوه و قرب منه أكتر خلال فترة حمل أمه بالبيبي التاني
و سارت حالته النفسية سيئة و ساير عصبي جدا و حساس جدا
و ما حيتحمل إنه ينترك عند أهل الأم أو أهل الأب !!
لمدة الله أعلم قد أيش طولها ؟!
بالإضافة لأنه الأهل من الناحيتين ما حيقدرو يتحملو مسؤولية الطفلين !!
و هي ما راح تأمن أهل جوزها على أطفالها مهما كانو طيبين
لأنها مرت معاهم بكذا موقف متعلق بطفلها الكبير و أتعقدت منهم !!
و البنت أساسا نفسيتها جدا سيئة مع تعب الولادة القيصرية
و فراق جوزها
و المسؤولية إللي أترمت فوق ظهرها فجأة !!
من ناحية نفسها و حملها و ولادتها و تعبها و مراجعاتها في المستشفى
و أطفالها و مراجعتهم في المستشفى و العلاج و التطعيم
و قضاء أمورهم كلها سار على راسها لوحدها
و مرضت بعد ما ولدت و أولادها مرضو و الكل بيقولو ( حالة نفسية ) !!
لو طلبت من أهلها شي يودوها و يتكلمو عليها !!
و لو طلبت من أهل جوزها شي يتكلمو عليها ولا يودوها !!
و سارت تسكت و ما تطلب شي منهم غير للضرورة فقط :(
و مسؤولية تربية الطفلين لوحدها جددددا صعبة عليها
بالإضافة للمصرووووف
و حاسة إنها حتنهار من التعب و الضغط النفسي و الحبسة في البيت
و فااااقدة جوزها مررررة
و إنتو تعرفو كيف تسير الحرمة مع الحمل و الولادة و تأثير لخبطة الهرمونات عليها !!
الله لا يضيع لنا أجر و لا تعب إن شاء الله - جنس حواء -
و أطفالها متأثرين من إنعكاس نفسيتها السيئة عليهم
و سايرين عصبيين و بس بكاء و توتر :(
و هي الكل ملاحظ عليها علامات الإكتئاب ( إكتئاب ما بعد الولادة )
و بيحاولو يقووها و يقولو لها لا تضعفي ولا تستسلمي للإكتئاب و الوسوسة
لكن مو بيدها :(
الله يشفيها و يفرج همها و يفرح قلبها و يبلغها كل إللي تتمناه إن شاء الله .. آمين
المهم
حاولت مع جوزها و أقنعته إنه أطفالهم محتاجين لهم
و خلت الطفل الكبير يكلم أبوه كم مرة و يزن عليه و يبكي و يدحلسه
الحمدلله أقتنع بفضل من الله عز و جل
و قال لها تعالي إنتي و الطفل الكبير بس البيبي لأ !!
دخلها في دوامة تانية !!
قالت له حراااام عليك كيف تبغاني أسيب نونو بهادا العمر بعيد عننا
و الله وحده أعلم إحنا قد أيش حنغترب هناك :icon33:
حينسانا و حيكبر و يكرهنا و يحقد علينا و يحس بالتفرقة بينه و بين أخوه
قلها لأ و بلا كلام فاضي ما حيسير له شي و لا هو داري عنك
و يجلس عند أمك أأمن و أضمن من إنه تجيبيه هنا
و الحجة
البامبرز غاااالي
الحليب غاااالي
مستلزمات الأطفال عموما غالية جدا مقارنة بالسعودية
المستشفيات غالية
الحضانات و الداي كيرز غالية
و هو ما عنده مصدر دخل ولا مصروف من الحكومة زي المبتعثين
فعشان كدة بيقول لها بلاش المرمطة و أتركي البيبي عند أهلك و تعالي إنتي و الكبير
عالأقل الكبير ممكن يدخل روضة
و إللي فهمه إنه الروضة ببلاش !!
و بما إنه الأب طالب فيحق لأطفاله إللي في عمر المدارس يدخلو المدارس الحكومية حقتهم !!
>> حابة تتأكد من صحة هادي المعلومة ؟!
الشي التاني
هي من زمان حابة تدرس و جوزها كان مانعها من الدراسة
بس دحين وافق إذا جات البعثة لأنها على حساب الحكومة !!
بس هي مو متحمسة في هادي الفترة عشان نفسيتها تعبانة
ولا راضية تفكر في الموضوع ولا تشوف مصلحتها
و أهلها بيحاولو يقنعوها إنها تدرس و تسوي شي عشان نفسها و مستقبلها
لأنه الدنيا مالها أمان و جوزها ماله أمان .. و كلامهم منطقي و صحيح !!
و أمها بتكابر على مرضها و بتقول لها روحي له و سيبي البيبي عندي و شوفي مستقبلك
لأنه البيبي يبغاله عناية طول الوقت وما حتقدري تدرسي ولا تسوي شي غير تجلسي و تنتبهي له
و ما حتستفيدي شي من غربتكم غير إنك حتضطري تجلسي في البيت زي ما كنتي هنا
بس تطبخي و تنفخي و تغسلي و تكوي و تنظفي و تربي الأولاد
و الناس يرجعو بشهادات و إنتي ترجعي زي ما إنتي بدون ما تاخدي شهادة تنفعك !!
و كلامها برضو صحيح !!
لكن أخوانها رافضين إنها تترك أحد من أولادها بحجة إنه أمهم كبيرة
و بلاش تتعبها و توجع راسها بمسؤولية الطفل !!
و بيضغطو عليها تاخد أولادها معاها و لا تفكر تسيبهم عند أمها !!
و سألت ناس كتير من إللي جربو الغربة و الإبتعاث
و نصحوها ما تاخد أولادها معاها !!
خصوصا لو كانت تبغا تدرس !!
أو يخلوهم في السعودية عالأقل ألين ما يرتبو أمورهم و ينتظمو في المعهد أو الجامعة
و يبدأو يعرفو نظام البلد و قوانينها و حضاناتها و مدارسها و مستشفياتها و كل شي
و بعدين يرجعو ياخدوهم معاهم !!
و سمعت عن ناس كانو أولادهم معاهم و واجهتهم صعوبة في الدراسة
و ما قدرو يوفقو بين الدراسة و البيت و الأولاد
و أضطرو يرجعو أولادهم للسعودية عند أهاليهم عشان يقدرو يكملو دراستهم و يركزو فيها !!
و جوزها قال لها ممكن تقدمي أوراقك و ممكن تنقبلي في البعثة
و إذا هو ما أنقبل يمكن هي تنقبل و في الحالتين كلهم يدرسو
و في الأخير المصلحة لهم و لأولادهم في المستقبل إن شاء الله !!
المهم
الموقف إللي هي متمسكة بيه إنها لا يمكن تترك الطفل الكبير !!
لأنها شايفة كيف هو متأثر من غياب أبوه و فقده له
و كمان أهلها ما حيقدرو يتحملو مسؤوليته من جميع النواحي !!
و هي دحين خلاص حتتجنن
و كل شوية تبكي من الضغط إللي هي فيه
و ماهي قادرة تاخد قرار :icon33:
أي قرار تبغا تاخده خايفة يكون قرار غلط و تندم عليه !!
خايفة تصر على موقفها و تضغط على جوزها و تاخد الطفلين
و تتعب معاهم و تتعبهم و تتهجول و تهجولهم
و ممكن إذا تعبت و أنضغطت تسير مشاكل بينها و بين جوزها لأنه ما يتحمل أي شي !!
و ممكن يرجعها هي و أولادها عالسعودية و يجلس هناك لوحده زي ما راح لوحده من الأساس !!
و بتفكر إذا نفسيتها أتصلحت هناك إن شاء الله و أتحمست و قررت تدرس
ما حتقدر خصوصا مع البيبي و مسؤوليته !!
و تعرفو التعب و السهر لوحده كفاية !!
و جوزها غير متعاون من ناحية الأطفال و قال لها لو أصريتي و جبتيهم
إنتي حتتحملي مسؤوليتهم لوحدك ولا تطلبي مني شي لأني بأدرس وماني فاضي !!
و خايفة تقسي قلبها و تفكر في نفسها و مستقبلها عشان مصلحتها و مصلحة عيالها
و تترك البيبي عند أمها و تندم و تفضل تبكي و تتبكبك و بالها مشغول
و قلبها قلقان و عقلها مو معاها من كتر التفكير و ما تقدر تجلس هناك
ولا تدرس ولا تسوي ولا شي عشان قلبها على البيبي و عقلها عنده :icon33:
و خايفة إذا سابته و خلصو و رجعو بالسلامة أو رجعو إجازة أو عشان ياخدو البيبي معاهم
إنه ضناها ما يعرفها و ما يقبلها و يخاف منها و من أبوه و أخوه و يدخلو في مشكلة جديدة !!
و ساير عليها ضغط كبير من نفسها و جوزها و أهلها و أهل جوزها
تاخد البيبي معاها
و لا
تسيبه عند أمها
؟!
و تعرفو في الحالتين أيش التبعات النفسية للموضوع !!
يعني من ناحية أخد الطفلين و مسؤوليتهم + الغربة !!
أو ترك البيبي + الغربة !!
و كمان قالو إنه حتى إذا ألحق بالبعثة مصروف الطفل حوالي 200 دولار
و الداي كير - متوسط - يبغاله شهريا حوالي 800 - 1000 دولار !!
و إنه كل ما كان الطفل صغير كل ما زاد سعر الداي كير
و لمن يكبر الطفل يقل سعر الداي كير !!
هل هادا الكلام صحيح ؟!
فشورو عليها بما إنكم مغتربين وعايشين الجو و عارفين أيش الحال هناك
تقدرو تفيدوها أكتر ؟!
هل لو أخدت البيبي تقدر تدرس و توفق بين بيتها و جوزها و أولادها و دراستها ؟!
هل الحضانات أو الداي كير هناك أمان و تقدر تسيب عيالها ساعات طويلة و هي مرتاحة ؟!
لأنها مرة خايفة من دي النقطة !!
إنهم ناس غريبين لا دينهم ديننا ولا أخلاقهم أخلاقنا و عارفين كيف بعضهم حاقدين عالمسلمين
فتخاف إنهم يآذو بزورتها أو يسوو لهم شي لا قدر الله !!
زي ما بنسمع عن الشغالات و عمايلهم و سارو وسواس أعوذ بالله !!
مع إنه مافي وجه مقارنة !!
بس برضو تعرفو قلب الأم و خوفها على ضناها !!
أو هل الأأمن و الأفضل إنها تترك البيبي في السعودية و تسمع كلام جوزها و أهلها
و الناس إللي نصحوها ؟!
أو عالأقل تترك البيبي 6 شهور - سنة و إذا ربي يسر لهم البعثة يرجعو ياخدوه معاهم
و منها يكون إن شاء الله كبر شوية و تكون السفرة و الغربة أهون عليه من و هو بيبي ؟!
و كمان سؤال
قالو لهم إذا جاتكم البعثة و أنقبلتو فيها سواء إنتي أو جوزك
ما تقدرو ترجعو للسعودية غير بعد 9 شهور من إنتظامكم في الدراسة !!
يعني قولو بالعربي حيجلسو سنة هم في بلد و البيبي في بلد !!
هل دي المعلومة صحيحة ؟!
أو يقدرو يرجعو السعودية وقت ما يبغو خصوصا إنه الفيزا مدتها 5 سنوات
يعني مافيه مشكلة من هادي الناحية ؟!
بالإضافة لأنه الناس إللي لهم خبرة بأمريكا بيقولو لها إنه ولاية أوهايو بااااردة
و الشتاء طويل مرة 6 - 8 شهور
و إذا جاء الشتاء حيكون مرة قوي عالكبار فما بالك بالصغار
خصوصا إنه إحنا ماحنا متعودين على هادا الجو !!
معليش طولت عليكم بس ياريت تطولو بالكم علينا و تجاوبونا و تبردو قلوبنا
و حطو في بالكم إنه دا مستقبل أسرة بكاملها
ماهو مجرد فضفضة ولا كلام فاضي :(
بإنتظار ردودكم ..
أختكم .. جــــداويــــــــة
يلزم عليك تسجيل الدخول أولًا لكتابة تعليق.
ralolam :
لا يمكنك مشاهدة هذا التعليق لانتهاكه شروط الاستخدام.
تسلمي يا عسولة إنتي :26:
الله يعطيكي العافية :)
و من ناحية لقافة الناس و تدخلهم في حياة الغير !!
لا تشكي لي أبكي لك !!
هم صحيح بيتكلمو لمصلحتها
لكن ماحد حاسس كلامهم دا قد أيش بيضغط عليها و بيؤثر عليها سلبا طبعا :(
و هي تبغا تروح بأسرع وقت لكن إجراءات و مواعيد الفيزا صعبة
و لسة مستنية الـ I - 20 من جوزها عشان تقدم عالفيزا F2
و ما حتقدر تقدم عالفيزا من غير الـ I - 20
و على قول جوزها إنه طلب الـ I - 20 من الجامعة و لسة هم بيعملو الإجراءات !!
و جوزها كل يوم يقول لها كلام غير :09:
كأنه عجبته العزوبية و عدم تحمل المسؤولية !!
و رامي كل مسؤولياته على مرته و عايش حياته مبسوط و مروق :mad:
عشان كدة هي تبغا تاخد أولادها و تروح له عشان يتربى و يتحمل المسؤولية !!
كفاية إللي أتحملته منه طول الفترة إللي فاتت !!
و كمان لمن قالت أهوه حيتحمل المسؤولية
قال لها سيبي الأولاد !!
عشان كدة هي أتجننت :(
و هي ماهي مكبرة الموضوع و تبغا أولادها و تبغا جوزها
لكن هو إللي عقدها في حياتها :mad:
و لسة تبغا إللي يساعدها في الفيزا و أمور السفر لأنها حتسافر لوحدها
و ما تعرف ولا شي من دي الأمور و ورطانة عالآخر !!
و المفروض إنها مسؤولية جوزها لكنه ما أهتم يسوي لهم الإجراءات قبل ما يسافر:angry2:
و قلت أسألكم إنتو بس أول شي خلينا نحل المشكلة دي أول
و تقدر تقنعه إنها تروح له هي و أولادها !!
الله يكفينا شر المشاكل إن شاء الله :)
و هي معايا عالخط و عارفة كل شي بينكتب :)
اللهم يا جامع الناس ليوم لا ريب فيه إجمعها هي و أولادها و زوجها
بخير و صحة و سلامة و وفق بينهم و أصلح أحوالهم يا رحيم يا كريم
يا أرحم الراحمين يا ذا الجلال و الإكرام يا رب العالمين .. اللهم آميييين
أختكم .. جــــداويــــــــة
الله يعطيكي العافية :)
و من ناحية لقافة الناس و تدخلهم في حياة الغير !!
لا تشكي لي أبكي لك !!
هم صحيح بيتكلمو لمصلحتها
لكن ماحد حاسس كلامهم دا قد أيش بيضغط عليها و بيؤثر عليها سلبا طبعا :(
و هي تبغا تروح بأسرع وقت لكن إجراءات و مواعيد الفيزا صعبة
و لسة مستنية الـ I - 20 من جوزها عشان تقدم عالفيزا F2
و ما حتقدر تقدم عالفيزا من غير الـ I - 20
و على قول جوزها إنه طلب الـ I - 20 من الجامعة و لسة هم بيعملو الإجراءات !!
و جوزها كل يوم يقول لها كلام غير :09:
كأنه عجبته العزوبية و عدم تحمل المسؤولية !!
و رامي كل مسؤولياته على مرته و عايش حياته مبسوط و مروق :mad:
عشان كدة هي تبغا تاخد أولادها و تروح له عشان يتربى و يتحمل المسؤولية !!
كفاية إللي أتحملته منه طول الفترة إللي فاتت !!
و كمان لمن قالت أهوه حيتحمل المسؤولية
قال لها سيبي الأولاد !!
عشان كدة هي أتجننت :(
و هي ماهي مكبرة الموضوع و تبغا أولادها و تبغا جوزها
لكن هو إللي عقدها في حياتها :mad:
و لسة تبغا إللي يساعدها في الفيزا و أمور السفر لأنها حتسافر لوحدها
و ما تعرف ولا شي من دي الأمور و ورطانة عالآخر !!
و المفروض إنها مسؤولية جوزها لكنه ما أهتم يسوي لهم الإجراءات قبل ما يسافر:angry2:
و قلت أسألكم إنتو بس أول شي خلينا نحل المشكلة دي أول
و تقدر تقنعه إنها تروح له هي و أولادها !!
الله يكفينا شر المشاكل إن شاء الله :)
و هي معايا عالخط و عارفة كل شي بينكتب :)
اللهم يا جامع الناس ليوم لا ريب فيه إجمعها هي و أولادها و زوجها
بخير و صحة و سلامة و وفق بينهم و أصلح أحوالهم يا رحيم يا كريم
يا أرحم الراحمين يا ذا الجلال و الإكرام يا رب العالمين .. اللهم آميييين
أختكم .. جــــداويــــــــة
هيام ادم
•
انا رأيى من رأى بوادى .. وربنا يخفف عن صحبتك يا جداوية.. المشكلة فى زوج صحبتك انه مخليها بين اختيارين اصعب من بعض اطفالها وهو .. ومحسسها بعدم الامان بوجوده هناك لوحده وكمان بالذنب طبعا لو اقترف هو اى خطأ هناك بدل ما يصبرها على فراقه ويقولها استحملى وخليك قاعدة بالأولاد شوية لغاية ما ارتب امورى.. انا حاسة معلش وسامحينى انه شخص انانى وانانيته مش هتوقف عند انها تسيب ابنها الرضيع لوحده وتسافرله ،لكن هتستمر اكتر من كدة ولازم وقفة معاه
اختي جداوية يامرحبا بك وبصاحبتك يارب فرج همها وازل كربها وارشدها لمى تحب وترضى..
اختي بوادي كفت ووفت ولها خبرتها باامريكا اكثر منا فلانزيد بشي عليها اتمنى تنقلين كلامها حرف حرف لصاحبتك وتحاول تقنعيها لانها مشكلتها حلها باايدها وبيدربي قبلنا كلنا فخليها تصلي ركعتين استخارة وتكثر من الاستخاره لين يرتاح بلها لخيار يريح كل الطرفين وخليها تدعي وتكثر منه وتستغفر ربها فان الاستغفار كثرته فرج لكل الكروب وزوالها بااذن الله اللهم ازل مابها يارب وذكريها بان في ناس اشد منها وبحال اشد من ظروفها فما عليها الا الصبر والاتكال على الله فهو وحدة فرج لها والله اختي جداوية هذا الي قدرت اقوله فلاخبرة لدي هنا ولااعلم عن شي هنا فاانا جديدة مالي الاشهر ارجو تعذريني بس حبيت اقدم ماعندي واتمنى تقبلينه وتنقلينه لصاحبتك وتقوليلها زوزو تدعيلك من كل قلبها ان ييسرلها يارب هذا الي اقدر عليه..
اختي بوادي كفت ووفت ولها خبرتها باامريكا اكثر منا فلانزيد بشي عليها اتمنى تنقلين كلامها حرف حرف لصاحبتك وتحاول تقنعيها لانها مشكلتها حلها باايدها وبيدربي قبلنا كلنا فخليها تصلي ركعتين استخارة وتكثر من الاستخاره لين يرتاح بلها لخيار يريح كل الطرفين وخليها تدعي وتكثر منه وتستغفر ربها فان الاستغفار كثرته فرج لكل الكروب وزوالها بااذن الله اللهم ازل مابها يارب وذكريها بان في ناس اشد منها وبحال اشد من ظروفها فما عليها الا الصبر والاتكال على الله فهو وحدة فرج لها والله اختي جداوية هذا الي قدرت اقوله فلاخبرة لدي هنا ولااعلم عن شي هنا فاانا جديدة مالي الاشهر ارجو تعذريني بس حبيت اقدم ماعندي واتمنى تقبلينه وتنقلينه لصاحبتك وتقوليلها زوزو تدعيلك من كل قلبها ان ييسرلها يارب هذا الي اقدر عليه..
الصفحة الأخيرة
شكرا على ردك أختي بوادي أمريكا :26:
و هي ما دخلت أحد في حياتها برغبتها
و بتحاول قد ما تقدر ما تسمع لأحد من إللي بيشوشو أفكارها
لكن ضغط جوزها عليها و تأثيره عليها هو إللي أثار التساؤلات
خصوصا لمن الكل بيسألوها متى رايحة لجوزك ؟!
و متى حتسافرو ؟!
فأضطرت تقول لأهلها عن كلامه :(
و الناس إللي أستشارتهم من بعيد و كبار و ما يعرفو إنها صاحبة الموضوع
يعني أعطوها رأي بكل أمانة و حيادية !!
و أنا لما قلت ( بيقولو ) قصدي يعني لمن سألت أصحاب الخبرة
و الناس إللي سكنو و درسو في أمريكا غير جوزها عشان تتأكد إنه ما بيكدب عليها أو بيماطل
و هم إللي قالولها دا الكلام و نصحوها دي النصايح :)
و هي زي ما بتقولي قربت تنجن :(
كفاية الحمل و الولادة و لخبطة الهرمونات
إللي طبيعي بتلعب في أي واحدة عاقلة في هادي الفترة
فما بالك بوحدة بتمر بكل هادي الضغوط
خلاص مسكينة أحسها سارت ضعيفة و بس جالسة لوحدها و ماهي متحملة كلمة من أحد
لأنها مرة مرة مفتقدة جوزها و هي أساسا متعلقة بيه و أول مرة يبعد عنها هادي المدة الطويلة
و كمان في وقت حرج زي هادا :(
و بالنسبة لجلوسها في البيت فترة ألين ما يكبر البيبي أنا أقترحت عليها هادا الإقتراح
بس هي أساسا عندها لغة يعني ماهي محتاجة اللغة
و حتى لو درست يمكن تختبر التوفل دايركت أو تدرس مستوى بسيط وخلاص تتأهل للبكالوريوس
يعني ما شاء الله تبارك الله لا قوة إلا بالله عليها مو محتاجة سنة لتعلم اللغة :)
و حرام تضيع سنة كاملة جالسة في البيت و جوزها يستفيد و يدرس و هي ما تستفيد شي !!
و كتير قالو لها إذا جلستي في البيت فترة حتتعودي و تكسلي و حيفتر حماسك !!
مو زي لمن تروح على طول و تدخل عالمعهد أو الجامعة و تتلهي في الدراسة
و تكون متحمسة و ما عندها وقت للإكتئاب و الوسواس إللي هي عايشة فيه دحين و مؤثر عليها :(
و بالنسبة للمصاريف
هو بيقول لها إنه ما بياكل من برة
أحيانا نادرة يطبخ في البيت
و ما بياكل غير سلطات و خضار و فواكه
عشانه قرفان من الأكل هناك و خايف ياكل أي شي يطلع فيه مشتقات الخنزير أو كحول !!
و بيغسل ملابسه في أماكن الغسيل العامة دي اللاندري حقت الأمريكان
يعني حتى ما عنده غسالة ملابس في البيت !!
و هو الآن ساكن في غرفة مع قريبه
لكن لو زوجته و أولاده راحو عنده حيضطر غصبا عنه يستأجر لهم بيت حتى لو غرفة واحدة !!
و هي قابلة بغرفة و حمام و مطبخ أهم شي بس تكون هي و أولادها معاه :(
و أنا قلت لها خدي أولادك معاكي عالأقل يكونو قدام عينك حتى إذا تعبو لا قدر الله عالأقل قدام عينك
ما تقلقي و تشيلي هم ولا تجلسي تفكري أيش ساير لهم و يمكن تتوقعي أهلك بيخبو عليكي عشان لا تقلقي
و أولادك فيهم شي لا قدر الله !!
و معليش صحيح حتتعبي معاهم فترة
لكن تعبك و هم معاكي أهون مية مرة من تعبك و تعبهم و هم بعيد عنك :(
و هي مقتنعة بكلامي لكن خايفة من حاجات كتيرة !!
أهمها حكاية الحضانات و الداي كيرز !!
و برضو معاها حق و أنا عاذرتها لأنه الغربة صعبة و تخوف :(
ياريت طيب يا أخت بوادي أمريكا تقولي لي كيف نظام الداي كيرز ؟!
و ما مدى أمانهم إنها تترك أطفال بهادا العمر الصغير عندهم ؟!
في حال قررت تدرس يعني ؟!
هل حتقدر تترك طفلها مدة الدراسة مثلا 8 ساعات و هي مرتاحة لهم من جميع النواحي
و مأمنة على طفلها و تروح تدرس و تذاكر و تسوي أمورها بكل رااااحة ؟!
الله يهدي سرها و ييسر لهم أمورهم و يجمعها هي و أولادها مع جوزها
و هم كلهم بخير و صحة و سلامة إن شاء الله .. آمين
أختكم .. جــــداويــــــــة