om mona
•
السلام عليكم كيف حالكم اخواتي ان شاء الله بخير يا بنات المانيا انا فاقده NUR وين صرتي بعد الرحيل يا NUR طمنينا عنك
الصفحة الأخيرة
السلام عليكم ورحمه الله وبركاته
اول شي .. احب اهنيكم على هالتجمع الحلو لنسائنا في المانيا ..
بينما انا اتجول في صفحات الانترنت .. قرات منتدى حواء .. ثم صفحه المغتربات .. ثم هالموضوع .. قرات رد الاخت ترانيم المطر
اول شي .. بعرفكم بنفسي
انا احد (( الطلاب )) السعوديين المبتعثين إلى المانيا .. ومن المفارقات الحلوه .. اني بنفس المدينه التي تريد الاخت ترانيم السفر اليها واللي هيا مدينه هنوفر .
اعذروني لاني انا طالب ولست طالبه .. ولا يحق لي ان اسجل معكم
لكن قلت من باب المساعده .. راح اسجل باسم بنت
واتمنى الا تحذف مشاركتي
اختي العزيزه : ترانيم
راح اعطيك فكره كامله عن الي اقدر عليه عن مدينه هنوووفر
اول شي .. هنوفر مدينه تقع في شمال المانيا .. مدينه كبيره
فيها الكثير من العرب
خاصه من : المغرب العربي ( المغرب .. الجزائر .. الخ ) وفيها ايضا عدد مو قليل من لبنان
وفيه ايضا عدد كبير اتراك
طبعا ما شوه المدينه إلا غير الالمان بشكل عام .. خاصه الاتراك
============================================================
بالنسبه لاجابات اسئلتك :
1- ا لعباءه كيف هناك لبس العبائه هل هو متقبل؟
العبائه تلبسيها عادي جدا ولا احد راح يكلمك نهائيا .. لان شعب المانيا ماله دخل إلا بنفسه يمشي بطريقه ولا احد راح يكلمه
حتى لو احد يناظرك باستغراب .. طنشي
وفيه كثير من السعوديه والخليج يجون هالمدينه ما تعرضوا لاي مضايقات .. اهم شي الخروج بعد الساعه 8 مو كويس
والاسواق تقفل الساعه 8 إلا الاحد ما تفتح نهائي .. إلا المطاعم .. ومو كلها .. الاجنبيه بس
=====================================================================
2-انا البس نقاب كيف تعاملهم بيكون؟
سبق وقلت لك عادي مالهم اي دخل فيك .. البسي الي تبينه
===================================================================
3-وهل العبائه السوداء ملفته؟
مو بشكل لافت .. يعني شي عادي
============================================================
5-هل المدينه فيها عرب ومسلمون؟؟؟
المدينه فيها عدد كبييييييييييير عرب ومسلمين وفيها اتوقع 3 مساجد يعني يقدرو الرجال يصلو الجمعه بمسجد
وفيها منطقه السنتر منطقه حلوه للتجول والتمشيه الحلوه .. ولو تبون اغراض وفيه كبائن عريه ومطاعم عربيه وتركيه
يبيعو بعد لحم حلال
======================================================================
6-هل متحدثون باللغه الانجليزية اذا كان لا هل فيه مواقع تساعد تعلم الماني
على الاقل ابغى اتعلم ابسط الاشياء مثل اني اطلب ماء او عصير يعني احتياجات اليوم العادي؟
شي حلو انك تبين تتعلي كم كلمه :)
المهم .. الالمان ما يحبون الانقليزي ولا يطيقوونه .. بس الاغلبيه لو شافووك سائحه او من الخارج راح يردون عليك بالانجليزي
بس لا تطيحون في شايب ولا عجيز .. اسئلو شباب .. وبنات :) .. الي عمرهم 15- 25 .. لانهم يبون يحسنوا الانجليزي
وفيه مواقع اعرفها لو تبين تترجمي كم كلمه او نص معين
www.lessan.org هذا يترجم كلمات عربي - الماني والعكس
وفيه موقع ثاني
ادخلي قوقل واكتبي (( مترجم قوقل ادوات اللغه )) هذا يقدر يترجم بين اكثر من لغه نصووص لو تبين تترجمي نص
====================================================================
7-كيف تعاملهم مع المسلمين؟
تعاملهم كل واحد في حاله .. ما يتدخل في احد .. ولا فيه كره للمسلمين نهائيا
====================================================================
======================================================================
8- احم احم انا اغار على زوجي خخخخخخ
كيفهم هناك كبف لبسهم هل هم حلوين "لاتضحكون علي " هل لبسهم محتشم والا فاصخين الحيا؟
خخخخخخ بالنسبه لحلوات .. (( الرجال عينهم زايغه حتى لو رايحين نيجيريا :) )) عاد لو تروحو المانيا
واله بناتهم حلوات وشقر وزينات :) (( يا لبيه بس )) بس مو مثل بنات السعووديه فديتهم :) <<== ولا تزعلون
وانتبهي ترى فيه مقهى عربي (مرقص) اسمه الباشا خاصه يوم الجمعه والسبت
ويبيعون فيه مخدرات .. وحشيش .. وكل ما هو حرام
لبسهم هالايام كويس يعني وقت برد ولبس مو متعري .. بس يوم الجمعه والسبت بعد الساعه 7 يطلعون بنات الدسكوات يسربتوون بعضهم ما تبقي إلأا قطعتين :) الله لا يبلانا (( عاد هذا احسن وقت عندي ))
==================================================================
9- انا ان شاءالله قادمه في 6 ابريل كيف درجة الحرارة ؟وش اجيب معي لبس؟
بهالفتره بيكون نهايه الشتا بدايه فصل الربيع .. الجو باقي بارد .. حتى ان فيه الثلاث الايام لي فاتت كان ينزل ثلج على المدينه
يعني كثري من الملابس الشتويه ... ولو راح تجلسوون إلى شهر 6 -8 صيفيه بس جو الصيف يكون حلو واحيانا بارد
طبعا الامطار ما تنقطع عن المانيا .. تمطر على طول
==================================================================
10-انا سمعت المعيشه جدا غاليه هل فيه اماكن رخيصه ممكن نتقضى منها؟لاني بعيش في شقه اتوقع!
المعيشه غاليه جد .. يعني الريال = 5,7 اتوقع
وبالنسبه للمواد الغذائيه تكون غاليه نوعا ما .. مو هذاك الغلا
بس غيرها .. والله غاليه .. والسكن .. ترى فيه سكن رخيص .. حاولوا ما تستاجروا من عند عربي وراح تلاقوا رخيص
===================================================================
اسف .. ادري اني طولت .. بس قلت من باب المساعده
ولو تحتاجون اي شي ... ترى بالخدمه
حنا في هنوفر تقريبا 35 طالب سعودي ..
===================================================================
تحياتي