الله يسهل أمرك فيه بقالات عربية متوفر فيها كل شئ صح أسعارها بالدبلات لكن الواحد يضطر ماله إلا هي
يعني لا تتعبين نفسك بالشيل الأغراض الي مالها لزمه ومتوفرة هنا
يعني ممكن تجيبين ترامس لشاي والقهوة لانها الي عندهم ماهي بذيك الجودة ممكن تجيبين معك فناجيل وبيالات مع أنها متوفرة في البقالات العربية ممكن تجيبين بر لان الي عندهم ماهو جيد
إذا كنتي من محبات القهوة العربية وراعية كيف فيلزمك تاخذين خلطة القصيم للقهوة لانها مش متوفرة وقهوتك بعد احمسيها بدون طحن اخذيها معاك إذا بتاخذين طاحونة للبن فأفضل لك لكن أخذي خط 110 لان هذا الي متوفر عندهم أخذي معاك الشطاف حق المسافر راح ينفعك في التنقلات والرحلات أخذي معاك سجادة وشرشف للصلاة
أخذي معك توصيلة للكهرب مع مراعاة شكل افياشهم واخذي بعد مدخن كهربائي ودخونك المفضل وكثري لأنك ماراح تحصلي ومرشات للمفارش أخذي معاك كذا عباية أخذي بهاراتك المفضلة الي تستخدمينها
أخذي من ملابسك الي تبين تلبسينها يعني حقت طلعات لان صراحه أسواقهم مؤ ذاك الزود ماهي مثل أوربا أبدا في التسوق
الأجهزة الكهربائية عندهم زينه فلا تاخذين من بلدك شئ لانه زيادة حمل إلا مطحنة البن والمدخن الكهربائي
هذا الي أتذكره لا تجيبين قرفة وكمون ومادري إيش هذي كل التوابل بأنواعها متوفره في السوبر ماركت المتوفرة عندهم وبعد عالية الجودة وعضوية
ومتوفر منها أيضاً في البقالات العربية كل الي يخطر على بالك
وموفقه حبيبتي وتوصلون بالسلامة

ونسيت بعد اذكر التمر لان الي متواجد في البقالات العربية ماهو حلو مش مثل تمرنا الخلاص أو السكري

وبعد نصيحة لكي أختي حجابك ونقابك انتبهي تتخلين عنه لأنك فتاة مسلمة تحكمها شريعة الإسلام
والشريعة تطبق تحت أي سماء وفوق كل ارض
وصدقيني هنا في أمريكا لم اجد أي مضايقه على حجابي بالعكس شعب متعاون وودود
عكس اقسم بالله بلد مسلم كانت مجد من أمجاد الحضارة الإسلامية ذهبت إليها ووجدت العنصرية والتهكم بالحجاب ولكن لم اهتز ووقفت مثل الجبل الأشم لأنني على يقين أن ديننا رسالة للبشرية ويجب أن نمثل تلك الرسالة على أكمل وجه
نسال الله الثبات على الحق

صح عليك يا ام مارتي

هذا اللي اخذته معاي .. الا الفحم ماجبته لانه متوفر

واهم شي العبايه والحجاب يكون ملون