مغتربات امريكا ممكن تفيدوني

خيطي عبايات ملونه وترا فيه بنات محجبات عادي وفيه بعد بدون حجاب وهم سعوديات كلشئ بتشوفينه

بالنسبه للنقاب مافيه احد منقب نقاب اسود خيطي قطعه بيضاء اللي يسوونها زي اللثام او تلثمي بالسكارف نفسه

بالنسبه لي البس عباياتي السوداء عادي بس السكارف ملون واتحجب فيه واتلثم بعد

الصعوبه بالتواصل مافيه بس العنصريه ساعات تواجهين بس انتي اللي راح تحكمين على حسب معهدك اذا جيتي ان شاء الله

دعواتك لي

يسلمووو حبيبتي يعطيك العافية

الله يعيننا ع الغربية

وين البقيه ابغى تفاعل يامبتعثات

انا منقبه والحمدلله ربي ميسر اموري ولازم تقتنعي بانك ترضي ربك قبل اي احد
راح تواجهي نظرات محرجه وخاصة من الاطفال بس اتحملي ((بالبدايه كرهت اطلع
ومره تضايقت بس لما اتذكر ان كل شخص راح يواجه مضايقات في دينه فالواجب عليه ان
يصبر ويحتسب الاجر ))وعلى فكره وواجبانا حنا يالمنقبات اكبرلااااازم نعطي صوره حلوه عن الاسلام
فانتي صوره من صور الاسلام فلا تقبحيها ,,,

انا سافرت كتير برطانيه والمانيا والسوسير والنمسا المليزيا وووووو والان سا ذهب ياذن الله الى امريكا
وبنقابى لايوجد اى مضيقات او شى اخر وعتبريها رساله اذ جالاكى احساس رساله عن الاسلام والحجاب الجميلوالله يوافقك يارب

انا محجبه عادي بس اشوف كمان منقبات

بلد حريات تماما حابه تتنقبي او لا الي يريحك سويه ماحد يقدر يتكلم لك

نظرات ممكن تحصلي بس لا تاخذيها دايم كعنصريه

تخيلي لو بسعوديه تلاقي وحده شقرا وبيضا ماشيه بشورت بنص الشارع
هتكون كل النظرات لها وحتى الاطفال هيطلعوا يستغربوا

نفس الشي هناك بتكوني شي غريب بالذات للاطفال الي مو فاهمين ليش هذي مغطيه وجهها وليش شكلها كذا
لكبار لا عادي عارفين هذي مسلمه منقبه يمكن يطالعوك بنظره وحده ويشيلوا عينهم بس لصغار اي هيظلوا يطالعوا فيك
بس ماحد راح يضايقك شخصيا او يتعدى عليك
واذا صارت فالقانون معك ويحميك وتقدري تشتكي على اي احد يضايقك عشان هالاسباب

وانتي اذا مقتنعه بشي ان هو الصح فماعليك من احد

بس انا مثل البنات انصح عبايه ملونه ونفس الشي نقاب ملون

لاني سعوديه ومتعوده على العبايه السودا ومجرد اطلع واشوف وحده بعبايه سودا وكلها سواد من فوقها لتحتها
وهي تلفت نظري مابالك بالاجانب
بس لما تكون ملونه مثلها مثل اي بالطو طويل