أنا زيكم رايحة لأمريكا إن شاء الله وعندي ثلاثة أطفال رابع و ثاني وتمهيدي ........
ونفسي أدرس مررررة بس خايفة من المسؤولية بيت وأطفال ودراسة :(
بس بإذن الله إنا قدها وقدود خل نسند بعض يابنات ...
البلوى هنا في أمريكا حسبي الله عليهم يعطون الملتحقة فيزا إف 2 ولازم لها ساعات بسيطة دراسة أو تجيبين مبلغ مايقل عن 180 ألف ريال كضمان مالي فقط ومن وين يا حسرة :(
تسلمين أختي صاحبة الموضوع وبالتوووفيق للجميع .........

السلام عليكم كيفكم بنات
اختي امل الاسلام بالنسبه للبيبي ستر ولو اني ما افضلها عشان تجربتي السيئه معاها لكن كانت عربيه والبنات الي معايا هم الي دلوني عليها يعني انتي اسالي عندكم في الجاليات العربيه عن البيبي ستر لو حابه بالنسبه للداي كير في في قوقل زي ما قالت ام الحلوين في اليلو بيجز حقت نفس البلد الي رايحته او اسالي في الجامعه لو عندهم داي كير وكمان المفروض لو زي عندنا هنا في امريكا في عندهم رقم تليفون زي المعلومات للداي كير يعطوكم اساميهم عناوينهم وتليفوناتهم وانتي تتصلي بعد كده وتسالي او في دليل التليفونات تحت مسمي داي كير او سكولز تلاقي اعلانات عنهم واهم شي انو تقدمي في كزا مكان عشان لو ما في مكان في وحده تلاقي في الثانيه وايش كمان في عندهم بعض الداي كير دوام ثلاثة ايام بس او نص دوام من الصبح 6 لغايه 12.
اختي الضوء الناعم بالنسبه للاسعار تتراوح بين 500 الي 700 دولار في الشهر علي حسب الوقت الي تختاريه وعلي حسب عمر البيبي كل ما كان اصغر كل ما كان اغلي ويستقبلو اطفال بعضهم من عمر 6 اسابيع وبعضهم من عمر سته شهور وبعضهم من سنه تختلف من داي كير لثانيه.
اختي براءه بالنسبه للدراسه والبيت والاطفال ترا تمشي واحمدي ربك اولادك ماشاء الله يعتبرو كبار رابع وثاني المفروض في ببليك سكول دخليهم فيها وهادي بلاش بس مصروفهم من ناحية الفطور والغدا والرحلات واشياء زي كدا بس الدخول والدوام بلاش بعدين الببليك لو كانت كويسه احسن من مدارسنا الاهليه الغاليه مره الي في السعوديه وقويه جدا هادا بالمقارنه مع بنات العيله وبنات صديقاتي الي بالرياض انا سكول بنتي ببليك بس من احسن المدارس عندهم علي مستوي الولايه لما نرجع السعوديه عندها معلومات وثقافه عاليه افضل من بات الاهل الي بمدارس الرياض ونجد ودار العلوم وطبعا لا تنسي اللغه حتكون قويه جدا. بعدين بالنسبه لدراستك جمدي قلبك وادرسي ترا فرصه وماتتعوض يعني اكيد من التعب والهوم سيك بس ترا افود من جلسة البيت وبالنسبه للفيزا قبل ما تجي روحي الرياض وغيري فيزتك من اف 2 ل اف 1 اتوقع دا التغير ممكن يحصل لو عندك قبول لغه او جامعه ماني متاكده بس اسالي البنات لاني انا كنت هنا وكان عندي قبول وكنت بدري الاردي بس مع تغير النظام لازم تغيري. وبس وسلامتكم اتمني اني افدتكم بس ادعولي اخلص بسرعه انا وزوجي ونرجع في ماي بالسلامه وادعو لبناتي وزوجي وليابالجنه من غير حساب و بالصحه والعافيه والستر والرزق

جزاك الله خير ام ريوف ورواء....
والله يردكم ويردنا سالمين غانمين لاخزايا ولا مفتونين...
كفيتي ووفيتي..

تسلمي أختي أم ريوف ورواء ...الله يخليهم لك ويقر عيونك فيهم ......
والله ما قصرتي يالغالية ....
ويارب تتيسر أموركم والجميع يارب ......
ويرزقنا جميعا الجنة .........ويجمعنا على خير .........

كل الود

مرحبابنات اناعضوه جديده حبيت اشاركم الموضوع,انا في امريكا حابه
اكمل دراستي بس مشكلتي بنتي اجت خداج الحمدالله طلعت من المستشفى بعد3اشهر,لكن لازملها عنايه كبيره مني,طبعا مغتربه مافي اهل والكل خوفني من بيبي ستر وتكاليفهم,احس دراستي اشبه بالمستحيل,اش رايكم انتو بار الله فيكم