اهلا بيكي يا مصريه رقيقه وان شاء الله الوصفه تجيب نتيجه وربنا يرزقكم بالذريه الصالحه انتي الاخوات الكريمات حولي عرفينا على نفسك يا مصريه وانا حسه في حاجه غريبه مفهمتش اخر سطر
في حاجه حصلت بعيد الشر كده
ام علي ازيك ياجميل عمله ايه النهرده وياستي انسي حاجه اسمها غربه اهوه بصي كلي البنات الجميله دي مش حتحسسك بالغربه خالص عملين زي الجامعه العربيه كل البلاد العربيه مجتمعه عقبال الباقي يارب وايه رايك في موضوع الجواز هاه هاتي رايك باه

اوزوريس ياجميله عمله ايه النهرده ومننحرمش من الافكار الجميله دي ايه يابنتي عمله موسوعه جمهورية مصر العربيه امال السياسه حطحطيها فين هههههه وياستي بارك الله فيكي مجهود جميل
بس لسا بفكر الشاب الصغير ده معرفشي ليه خيفه جامد عيزه اقرر قرار اخير
فينكم يابنات انتوا بتدخولوا يوم في السنه امال لو سبتكم حتعملوا ايه عيزه ارئكم في الموضوع

دولي

لو اتكلمنا في السياسة هيغلقوا لكي الغرفة ههههههههههههههههههه

شوفي انا افهم في حاجات كتير واتكلم في حاجات كتير

لكن حاجتين ما أحب اتكلم فيها نهائي

الكورة .................. والسياسة

مااااااااااااشي يا عسل


وحابة اقولك حاجة بالنسبة للزواج

في الاخر والاول القسمة والنصيب واللى ربنا كاتبه هو اللى بيكون

يعني ممكن تحبي واحد .....وتتخطبي لواحد تاني... وتتزوجي واحد تالت ما كان في دماغك

انا مقتنعة ان الزواج قسمة ونصيب....وبطيخة يا حمراء وزي العسل....ياقرعة وماسخة وكل واحد ونصيبه

طبعا يااوزوريس انا الت ابل كده منخرجشي عن موضوع الاصلي والسياسه والدين نخليها لاهلها هما اعرف بيها وهما ليهم اقسام هنا في منديات حواء فلي عيزه تروح وتسال هناك ده اهم حاجه
وانا يااوزوريس مش بحب والله ماعمري حبيت ابدا بس ده واحد من علتي حبني هوه بس مش انا وعلى غفله لقيتوا بيطلب ايدي انا استغربت والله ازاي دخلة دماغ الشاب ده انوا يتجوز وحده اكبر منوا بسنتين مش عرفه مش دخله مزاجي ادخلها واقتنع بيها ازاي وماما عماله تزن وفقي وانا بالها ياماما ربنا يهديكي ازاي اقبل بشاب ده وهوه اصغر مني بالسن وهيه بتالي امال عيزه تباي كده لما تعنسي ياربي ياوزوريس كل ماما متالي كده اتجنن واقعد اعيط واتنرفز والشاب ده عايز كلمه اخير بعد اسبوعين
فعيزاكوا ياحبيتي تدعولي كده ربنا يعني ويسر امري ويرزقني برجل متدين واخلاقوا كويسه
والبنات كلهم راحوا فين انا زعلة خلاص

بصراحة يا بنات انا ما بحبذ ان الوحدة تاخد واحد اكبر منها ما بعرف بحسها شوي طقيلة ما بتنخرط بعقلي وبالاخر كل شي قسمة ونصيب مع ان في بنات كتير متزوجين اصغر منهم ومبسوطين بس بيني وبينكم المراة بتحس حالها متل امه ومسؤولة عنه بدل ما تحس هي بالامان مع رجل يحميها بتحس هي اللي لازم تحمي خخخخخخخخ ما بعرف هيدا راي شو رايكم

دولي

ما تزعليش من امك ...كل الامهات تحب ان بنتها تتزوج ويكون لها بيت ورجل يحميها من الزمن ويكون لها اولاد تسعد بهم....وان شاء الله لما يكون لك اولاد هيكون هذا هو شعورك.

شوفي انت طلبتي اراء العضوات وهتلاقي اختلاف كبير بين ارائنا ....كل واحدة لها وجهة نظر مختلفة عن الاخري....

فأنت أحسن حاجة صلي صلاة الاستخارة ....واستخيري رب العالمين ....وان شاء الله ربنا يقدم لكي كل خير.....ولا تفكري ولا توجعي دماغك.

انا كدة لما يستعصي عليا امر ....أتوكل علي الله واتركها , واقول لنفسي الىى يقدمه ربنا اكيد هو الخير

وربنا يسعدك ويوفقك انت وبنات المسلمين يا رب