مصرية رقيقة

كيف احوالك....ان شاء الله يكوني بخير...وانت بتدرسي الهنود عربي...الله يعينك ويقويكي...بعد كام شهر هتلاقي راسك بتهز زيهم....انتبهي.

سنبسية
اهلا بيكي في قافلة الخير ان شاء الله
اخبار جدة اية
ان شاء الله يكوني بخير ومنتظرين مشاركتك باستمرار

ام محمد الغوطي

كيفك خيتو؟ كيف احوالك...؟ ان شاء الله تكوني بخير انت وعائلتك..

ابقي خبرينا متى هتنتقلي للامارات...وهعطيكي نبذة مختصرة على حسب معلوماتي عن الشارقة ودبي لان ابوظبي مختلفة كتير عنهم من ناحية المعيشة وطبيعة الحياة.
طبعا لازم تسكني في الشارقة لان الايجارات في دبي نا وابوظبي نارين....كتير الاسعار مرتفعة السنة الماضية والسنة دي. انا الشقة اللى فيها مرتفع الايجار 20 الف درهم علينا من بعد ما كان 70 الف درهم واحتمال اغير البيت.....الله يستر.
طبعا بتستغربي من الاسعار ..هنا الايجار سنوي وبالالاف.....
والشارقة ودبي بينهم 5 دقائق فقط ...واصلا مش هتحسي انهم مدينتين لانهم متداخلين في بعض....لكن دبي رائعة بمعني الكلمة......فيها حاجات حلوة كتير ....يعني مش هتزهقي بالقعدة هناك ...لان كل ويك اند تقدري تروحي انت واولادك مكان مختلف من حدائق_مولات_ ملاهي........الخ
والاخت ((حلم بعيد)) مقيمة هناك ممكن تفيدك اكتر مني.
اما بالنسبة للجو ...طبعا الجو غير ليبيا خالص .....هنا الصيف حار جدا جدا والكارثة في الرطوبة.وعند من شهر 5 تبدأ السخونية......لحد 9 وابتداء من 10 الجو يحلو فعلا.....والشتاء هنا مفيش مطر الا قليل جدا .....والبرودة بتكون اسبوعين او تلاتة في شهر يناير ومش هتحتاجي شتوي كتير...يعني جاكيت تقيل بيحل المشكلة.
اما المدارس للاسف من 6 سنوات منعوا الوافدين يدخلوا ابنائهم الحكومة ....بس سامعة انهم هيرجعوها تاني بس بفلوس (3الاف) سنويا......طبعا ولاشئ بالنسبة لاسعار المدارس الخاصة.

البلد هنا نظيفة جدا والحياة سهلة والمعيشة غالية شوية لان الرواتب كبيرة ....بس قوليلى زوجك قطاع خاص ولا قطاع عام.
ان شاء الله اكون افادتك شوية ولو محتاجة تسألي على شئ معين انا تحت أمرك أختي.

انا ميراندا

ام محمد

مغتربه في الكويت من 6 سنين جوزي صيدليهناك وانا معاه

واللي غايظني انه منعني تقريبا من الصداقات والجيران علي خفييييييييييييييييف
وكله ممنوع

احنا مش في بلدنا
ولما نرجع مصر احس اني برده مغتربه كلها شهرين وراجعه تاني واه بكره الغربه وفي نفس الوقت بكره بعدي عن جوزي انا وعيالي اعمل ايه بس الحمدلله راجعا لكو تاني ان شاء الله

اوزوريس ازيك يا جميل زعلتيني ان حصل لخبطه في الرحله بس تعرفي ده اللي بيخليلها ذكريات جميله و تلاقيكو كل ما يمر وقت تقعدوا تضحكوا و انتو بتفتكروا المواقف ديه
وزي ما شوفتي مول الامارات حلو بس يمكن اكون نسيت اقولك ممنوع الفرجه علي محلات الدور التاني لان اسعارهو هناك استهبال رسمي مره شوفت جاكيت عادي جداو مش سواريه تخيلي بكام 6000 درهم انا مش هعلق اسيبك انت تدوري علي تعليق مناسب للرقم ده