اختي مشتاقه لامي انت بالشمال
انا بالغربيه الله يجمع شملي وشملك

انا الحين في امريكا
ولا والله ماتأقلمت لاني مااحب ذا الديره اصلا
ومره مليت وابي اهلي احس اني اتقطع كل يوم ودي ارجع

تعرفت على سعوديات كثيــــــــــــــــــــــــــر بس ولا وحده اعجبني تفكيرها
يختي هم من الناس المقدسين لهذي الدوله لدرجه انهم يعتقون ان السعوديه من دول العالم الثالث
خير ان شاء الله
ولدرجه انهم مايبون الرجعه ابد ويستحقرون السعوديين وحتى اهلهم
فيه جاارتي تفكيرها زيهم بس قلبها طيب

انا حاليا احاول اتاقلم علشان اقدر اكمل دراستي وارفع راس امي وابوي هذا هدفي الوحيد
الله يعين على ذا الدنيا بخير

فيه جارتي امريكيه عجووووووووووووووووووز
جتني مره وانا امشي حول البيت وقالت ممكن امشي معك

ورحبت بها وجلسنا نسولف
سالتني من وين انتي وقلت لها من السعوديه
وقالت عندكم شي حلو مره ياالعوديه قد ذوقتني اياه وحده سعوديه ومافيه منه في امريكا
وتوصفه لي وطلع في النهايه التمر
هههههههههههههه

الضعيفه مشتهيه تمر
واعزمها واقهويها واقدم لها التمر <<خلصت الصحن
هههههه

عاد تقول لي لا تخافين اذا ولدتي انا معك ابنفسك وانتبه للبيبي اذا رحتي للجامعه
<<كله علشان ذا التميره
هههههههه

عاد قلت لاهلي ارسلو لي زيادة تمر بتخلصه علي قبل رمضان

عاد اليوم جايتني وجايبه معها بسبوسه استغربت انها تعرفها
اثر السعوديه اللي قبلي معطيتها الطريقه

وتقولي ان عندنا طبخه لذيذه وتوصفها لي بس ماعرفت قصدها
اعتقد انها تقصد القرصان او المرقوق <<عاد فشيله مااعرف ارق
ههههههه


<<طولت عليك بس حبيت اسولف لك

لله يكووون بالعوووون

وانا تغربت اول سنة زواج ( على قولة الاخت بالسعودية وموفيها)

والحييين الحمد لله جت وظيفة زوجي بالرياض

مدينتي الحبيبة من الطفوووولة

وبصرااااحة اتمنى ادس واكمل الماستر والدكتوراه بس اللي عندي

دوووم محطمني الله يهدية

لا ياروحي انا بامريكا ليتني بالغربيه او الشمال عااااااااااادي