مغتربه .. وبتنتهي غربتي قريب ان شاء الله..وشايله هم الرجعه لبلادي؟؟!!

السلام عليكم ورحمة الله وبركاته

مافيه بدايه لموضوعي سوى اني مغتربه من سته سنين تقريبا ,,,

والحمد لله بتنتهي غربتي على خير قريب ان شاء الله..وبرجع للسعوديه...

لاكن احس اشياء كثيررررره تغيرت علي ..الناس ماعاد صارت مثل اول.. وين البساطه اللي تعودت عليها؟؟!!

وين الجمعه والسوالف والاستراحات وكشتات البر؟؟

وين قلوب الناس النظيفه اللي تتمنى لك الخير؟؟

كل سنه انزل زياره لاهلي اتفاجى بحاجه جديده!! ياربي لها الدرجه الزمن تغير.. وما عادت الدنيا مثل اول..

يعني فلانه تزوجت جبت لها هديه بسيطه ..على قدنا لاننا طلاب ,,اتفاجى انها رايحه تشكي اني ما احترمتها وجبت هديه تليق بمقامها,,طيب انا اهديت وما قصرت ..لازم اجيب دهب ولا الماس عشان يملى عيونكم..

عزمتني صاحبتي العام لما نزلت للسعوديه انصدمت من السفره ما شاء الله تبارك الله كانها بزواج تنويع بالبوفيه بشكل مبالغ فيه..صح ما قصرت ربي يسعدها بس الحق شلت الهم ...

كيف ادا رجعت لازم اطبخ مثلهم.. واهدي مثلهم ولا راح اكون مسخره..

الناس صارت تهمها المظاهر بزياده لا بالاثاث ولا بالمواعين ولا بالملابس والشنط و و و... الخ:crap:

تصدقون لما كنت بوحده من الزيارات وحده تقول لي باستغراب سبحان الله ريماريو هي نفسها ما تغيرت ؟؟ يعني ايش بجيكم عيوني زرقاء وشعري اشقر؟!!:sad:

توني كنت الفلف بقسم الطبخ واشوف البوفيهات والحلويات والاطباق :35: ما شاء الله
.. بس الحق شي مبالغ فيه



سوال اخير ...هل صدق الناس صارت تهمها المظاهر ولا انا مبالغه بالوضع؟؟


انتهى كلامي...


اللهم صلي على محمد..