السلام عليكم و رحمة الله و بركاته،
انا مجربه لعيالي هذي الوصفه و فعلا عجيبه و تريح الطفل ، بعدين معلومه ثانيه اذا رضعتي طبيعي ما راح تعانين من هذي المشكله، المهم يشربها الصبح .
تحطين ركوة القهوه تقريبا أكثر من نصها ماء
- ملعقة صغيره حبه حلوه ( شمر)
- ملعقة صغيره يانسون
- قشر برتقال
- علكة لبان ( تلاقينها عند العطار اللى طعمها مر)
و حليها بسكر نبات
تخلين الماي يغلي شويه مع المكونات و تبردينه و تحطينه في الرضاعه.
و الله يشفيه ان شاءالله

عزيزتي
نصيحة لوجه الله
1_لاتكثري سكر لانه يأثر على كبد الرضيع
2_خلي بين كل رضعه والثانيه 3ساعات واسأل مجرب والله اني مريت بتجربه مايعلمها الاالله مافيه طبيب مارحت له وفي النهايه قال لي دكتور هالنصيحه والى اليوم ادعي له
واذا بكى جوعان بين هالرضعات اعطيه نعناع ولا تحلينه واذا مارضى يشربه حليه بموية غريب

3_اذا كان عنده صفار لاتكثرين سكر نبات اتركي طفلك تحت النور الابيض على طول لين يخف الصفار وعرضيه لأشعة الشمس في الصباح وان شاالله يخف الصفار انا كل اطفالي يجيهم

4_شاي الشمر ممتازنفس شكل البابونج بس علبته لونها ازرق واليانسون ممتازمع الكراويا

5_دنتينوكس خففيه يعني حطيه جوا الرضعة وترا هو يخفف الغازات بس مايزيل الالم
وسالينال حلوه عند اللزوم لانها تجيب النوم وتريح الطفل

واخيرا لازم تعرفين ان الاطفال مو زي بعض بس هذي تجارب اخواتك في الله سويها وشوفي وش الي بيناسب طفلك
بس اهم شي اتركي وقت بين الرضعات لان الحليب هو ابوالمغص
ادعي لي

على فكره الحليب ماله دخل بالمغص
الامساك والاسهال والاستفراغ هذي الثلاثه هي الي تتأثر من الحليب
اذا مو عند طفلك لاتغيرين حليبه

دايما حاولي تخلينه ينام على بطنه .. اذا خايفة خليه على بطنه طول اليوم وانت صاحية .. وفي الليل ايضا اذا كان عمره اكثر من شهر ويقدر يشيل راسه شوي على جنب ..
لان هذه الحركة تخليه يطلع الغازات ويرتاح .. وخليه على كتفك بين فترة والثانية علشان يتجشأ
( يطلع الهواء من فمه ) بعد شرب الحليب و لاتتركينه تحت لغاية ما تسمعين صوت الهواء يخرج من فمه .. وبين فترة والثانية اذا كان صاحي شيليه على كتفك

واحيانا انا كنت اجرب احط تحت بطنهم (قربة) فيها ماء دافي ( مش حار) واخليهم ينامون بطنهم فوق القربة ( يعني نامين على بطنهم) لفترة اكثر من ساعة والله يرتاحون

لا تكثرين من الاعشاب والماء غريب واعطيه دايما ماء نظيف يشرب فيه غير وقت الرضاعة لان الدنيا حر والطفل يحر مثلنا نحن الكبار.. والماء يخلي البطن لينة ويروح الامساك ..

جربي وبتدعيلي ان شاء الله

بصراحه ماني عارفه كيف اشكركم لكن يارب ينول كل من شارك او جاوبني اللي في باله
ويوفقه دنيا وآخره ..آمين يارب ......... قولوا آمين .

وبصراحه افدتوني كثير وخف المغص على ابني كثير عن اول بسم الله عليه
صحيح فيه منغصات لكن مو زي اول .......... ايش سويت ؟؟؟؟؟؟؟؟؟؟؟

اولا .... جربت طريقه الزيت ........ وماشاء الله
ثانيا .... ( جت صدفه واشكرك ياام ياسمينا ) صدفه تركت استعمال الاعشاب لظروف وهذا كمان ساعد .
ثالثا ...... اذا اشتد عليه حيل كنت اخلط شويه دنتيونكس مع شويه مويه غريب (طريقه الطبيب ) واعطيه 2,5 مل .
ثالثا ..... اذا اشتد انومه على بطنه وامسد الظهر حتى يرتاح او اريح راسه على كتفي .
رابعا ..... اشكركم مره ثانيه ويارب يخليكم لعيالكم ويرزق اللي تتمنى .