مـاعرف اسولـف:(

الأسرة والمجتمع

السلام عليكم
اخوتي اول شي اتمنى انكم تكونون بصحه وعافيه

ثاني شي انا عندي مشكله صراحه مزعجتني

مـاعرف اسولـف:(

انا احيانا تكون عندنا عزايم او نروح لاحد ياجيران او صديقات امي او كذا....المهم جمعات يعني

فـ لما نروح مااتكلم اظل ساكته طووول الوقت

يعني لو احد سالني عن شي اجاوب على قد السؤال
مثـال:
شلونك وش اخبارك...الحمد لله بخير
وشلونك بالدراسه الحمد لله ماشيه

بسسسسس ارد على قد السؤال
يعني ودي اسولف واخذ واعطي واضحك زي باقي الناس لكني مااقدر

مادري السبب الخجل او شي ثاني ؟؟؟
عجزت اعرف السبب
وابشركم ماعرف اصب قهوه ولا اضيـف الضيوف ولاااا شي....!:(
ارتبــك اذا ضيفتهم او صبيت لهم..
حتى لو خالاتي الي امووون مره عليهم...ماعرف اسولف ولا اسوي شي.
باختصااار
اذا كان فيه ناس ماعرفهم او كثيرين ماعرف اسوولف ولو حاولت اسولف مادري بايش اسوولف:(

الله يخليييكم ساعدوني وقولو لي كيف اتخلص من هالمشكله وايش السواليف الي اقدر اسولف فيهـا؟
27
129K

يلزم عليك تسجيل الدخول أولًا لكتابة تعليق.

تسجيل دخول

بنت ابوها
بنت ابوها
نفس حالتي بالضبط حتى صب القهوة :)
المشكلة اللي يسولفون يحسون ان مشكلتنا سهلة دايم يقولون سولفوا في اي شي
طيب وشلون نبدا وفي ايش نتكلم ؟!!
لو كنا نعرف ماكنا اشتكينا :(
بنت الشيخة
بنت الشيخة
السلام عليكم والرحمة ...

صدقيني كل ماكبرتي كل ماشفتي ان هذي مش مشكلة ... بالعكس .. السكوت زينة ...
انا اكتشفت ميزة هالشي بعد فترة طويلة من المعاناة والصمت ... بالعكس الحين اتمنى ارجع للي كنت عليه .. صرت اكره اتكلم احسه مش لايق علي الا الصمت ... وهذي ابدا مش مشكلة ... لاني اذا تكلمت وسولفت مابسولف في شي نافع .. اكيد بنحش في الناس وبنطريهم سواءا خير او شر ... بالعكس حاولي اتمين ساكته ... واذا الجماعة اللي عندج قالت موضوع انتي على دراية منه وعندج معلومة مفيدة فيه شاركي باللي عندج ... واذا ماقدرتي اصمتي ...

يازين السكوت ... يازينه ... لكن بالنسبة للضيفة ... انصحج بانج تخالطين امج يوم تيلس مع الحريم ... اكيد هيه بترشدج كيف تضيفين .. وبعدين شوفي المنتديات والمواقع النسائية اكيد فيها فن الضايفة في السعودية ... انتي لازم تتعلمين .. لاتحطين ايدج على خدج وتقولين ماعرف ... الحريم تبا حد يضيفها باحسن صورة ... ماتبى حد يسولف لها ... عندهم اكتفاء ذاتي من هالناحية ...!!!


والله يوفقج وتصيرين ربة منزل رقم واحد ...

السموحة
(alwan)
(alwan)
جبتهاع الجرح هــلا المــوضــوع مـاهــو مشكلــة لاتضيقيــن صــدرك

شكل المســألــة مســألـة تعـــود

يعنــي بعض الاهــل الله يهــديهــم هــم ألي يجيبــونـه لبنـــاتهــم

بفتــرة الطفــولــة مـا يعطــون البنــات الفــرصــة بالكــلام والتعبيــر عن الــرأي

لمـا يكــون فيــــــه ضيـــوف

يعني يــدقمــونهــم

^
^
^

حنـــــا نسميهــا كـــــــذا

شـــوفي حبيبتي أول شي صــــب القهــوة والشـــــاهي

عـــــــادي أمسكــي الــدلــة باليســـــار والفنجـــــال باليمين ولمـا تقــدمين

قــولي تفضلي أممممم ولمــا تقــول بـــس لاتسكتيــن قــولي تقهـوي

يـابنت الحــلال وش فيكـم مـا جــازتلكم قهــوتنـــا خخخخخخخخخخخخخخ

ومــن نــاحيــة المشــاركــة بالســواليـــــف أبعــدي تمــامـآ عن التصنـــع

ولاتكلفين حااااالك مـــرة

كــونــي كمــا أنتي
املي بعد الله بهم
عزيزتى حالتك بسبب الخجل مع الخوف من الخطا في الحديث ممايسبب لكى الارتباك اولا اول ماتصحين الصباح عليك بالاذكار وكذلك المساء ثانيا حولى تعودين نفسك تتناقشين مع خواتك بس باسلوب هادئ ورزين في كل شئ حتى تتعودين على طلاقة اللسان وحتى وانتى بغرفتك حاولى تفتحين مواضيع بينك وبين نفسك يعنى مثلا لو طلعت وجابوا موضوعك كذا برد عليهم كذا ودواليك واذا دخلتى مجلس الحريم اسلم واحاولى انى انا ابدء كيفكم وبطلاقة وهدوء عشان ماتتلعثمين وكمان عشان مايصيرصوتك عالى حاولى انك تطلعين علىالصحفوالكتاب وتقراين كل ماياتى بينيديك حتى تنمى مداركك وتكونين فاهمة فىمحاور الحديث عند النقاش ترا انا يوم كنت بنت كنت كذا ماصرت جريئة الالما تزوجت لانو كنت صغيرة ومو مطلعةعلىشئبس الحين الحمدلله ماشاء الله غير توسعت افقي ومداركى وكله صدقين بسبب القراءة ( نحن العرب شعب لايقرا الله يعينك اختى
Sheery
Sheery
سلام عليكم جميعا
اعتقد سبب الصمت الخجل...عدم الثقة بالنفس.....قلة الاطلاع
الحل ::القراءة-----القراءة------ثم القراءة ..ماتتخيلوا ياناس كيف الانسان مع القراءة تتعزز ثقته بنفسه ويتوسع افقه وصقيني بتلاقين مواضيع كثيييرة مالها اول من اخر تقدري تفتحي المجال للنقاش والحوار بكل ثقة..وتبدي وجهة نظرك في اي موضوع
بصراح انا احس ان هذا الحل الوحيد
لكن احب اسألك اختي صاحبة الموضوع ..هل انت تميلي الى الوحدة يعني انت صامتة حتى مع اقرب صديقاتك ..اذا كان كذا معناه انت انطوائية ,,لكن في بعض الناس اجتماعيين ويحبوا الاجتماعت واللمة لكن ماعندهم سواليف..لكن مثل ماقلت القراءة هي اهم شي لتعزيز الثقة بالنفس