(( الأجوديه )) :

سلامات اختي كلام ماتشوفين شر "البــرد دخل علينا والناس كلهم مزكمين :( " سمحيلي اظيف من عندي عاداتنا بقبيلتنا طبعا البنت عندنا سواء مطلقه او بكر او حتى ارمله "ماشي فرق بينهم" مهرها فوق الخمسة الالف عماني اذا كان العريس من خارج القبيله واذا من القبيلة 3 الالف وطبعا هذا الزامي قرار من الشيخ ولكن بعض الفخايذ..."العوايل" مهر بناتهم فوق العشرة الالف عماني وهم معروفين ...واذا كانت البنت جميلة او ذات صيت سواء بحسنها او اخلاقها او لها مواقف بطوليه سابقه " بعض العوايل يربون بناتهم على الجرأة ومايفرقوون بينها وبين الولد بشيء فتكون البنت لها كلمتها ويمكن تتكلم بمجالس الشيوخ بعد" وهذي موجوده بس نااااااادره مهورهن فوق خمسين الف وطبعا + سيارات لابوها واخوانها + اراضي كلها باسمها واحتمااااال ترضا بعد خخخخخخخخخخ وطبعا من حيث عادات الخطبة تختلف فالناس الي عايشين بالمدن اكثر تحفظ والبنت تتستر عن عيال عمها وما تطلع على الرجال والخطبه تتم عن طريق اهل العريس سواء الشوفه او الملكة يعني العريس مايشوف البنت الا بليلة الدخلة فقــط. اما الي عايشين بغير المدن البنت تخرج "طبعا بلبس محتشم" على عيال عمها والي يقربون لها والحياة عندهم بسيطة والنية صافية واكيد ما تتزوج الا اذا شافوا بعض بوجود الاهل طبعا وحتى ممكن هي تختار من الخاطبين حسب ميلها. المــهر: زمان كان يعطون ام العروس نص المبلغ لازم والعروس لها النص عشان بضاعتها وثيابها ..وطبعا مع توزيع بعض المبالغ للجدات والخالات والعمات ..ام بالفترة الحالية العروس تاخذ المبلغ كله وبعد ابوها واخوانها يساعدوها بالتجهيز لان طبعا مايكفي 5 الاف. حاليا تجهيز اغلب العرايس فوق العشرة الالف عماني يعني 100000 ريال سعودي والمعروف عندنا "عطورات العروس" يأخذ نصيب الاسد بالتجهيز عطوراتها طبعا اقل شي 30 نوع مخلط وفرنسي غير العود طبعا"اهم شي يميز العروس عندنا ريحة العودي بثيابها وشعرها ومفرشها ولا ماتصير عروس خخخخخ" + 4 انواع من الدخون وهذا الدخون تصنعنه حريم من صلالة بالبيوت خاص جدا ومختلف عن الي بالاسواق وطبعا اسعارهم غاليه لكن ريحتته تدووخ يعني كمثال علبة الدخون الصغيرة توصل سعرها 100 ريال عماني /1000 سعودي وبالنسبة لتجهيز العرايس عندنا بعاداتنا العروس لازم "تتغفن" يعني تتغطى وتتخبى قبل عرسها بثلاثة اشهر او شهرين محد يشوفها الا اهل بيتها طبعا وبهالفترة تهتم بنفسها واكلها وحماماتها وخلطاتها وعندنا تغذية العروس متميزة بسمن الغنم تاخذه مع حليب دافي يوميا لانه يفتحها بشكل رهييييب وللعلم مواصفات العروس عندنا الاحلى تكون "رويانه" يعني جسمها ممتلىء مانحبها نحيفه مرره واهم شي يكون وجهها و ايديها ورجولها من تحت ممتلئة لان مثل ماتشوفون الثوب الظفاري ماينفع لوحده مرره نحيفه مايبين حلاته. والاخوات ذكروا طريقة "تحويل العروس" من بيتها بالسيارات والليتات والاصوات وطبعا تدخل متغطية بالقماش الاخضر ومايشوفونها الا وهي على الكوشة ومتجهزة تمام ويجون الحريم "التخويد" وهي مشاهدة العروس وطبعا عيب العروس عندنا تتحرك او تضحك او حتى ترد على احد لازم "تقزح" يعني تكون جامده والناس يتفرجونها.. وعندنا بعد "عزيمة الخالة " وهي باليوم الثاني وطبعا ام العروسة لازم تنام ببيت زوج بنتها اذا كانوا بالبيت اما بالفندق فأكيد لا ....وطبعا اليوم الثاني العريس يعطي خالته هدية "طقم ذهب" مبلغ وقدره " طقم الماس" اي هديه معتبره مع عزيمه والعروس اكيد لها صباحيتها من العريس واهل العريس وطبعا لازم تلبس ثوب ظفاري او فستان فخم والميك اب فل كأنها بتنزف مره ثانيه ... وغالبا اذا ما سافروا مكان "لان اغلب الزواجات تكون بالخريف فالجو عندنا بديييييع مايحتاج يسافرون" بعض العوايل العروس عندهم ممنوع تطلع لاي مكان لمدة اسبوع كامل وبعضهم عادي تطلع لكن مو زيارات فقط تتمشى مع زوجها "حظر تجوال يعني " وطبعا ينتهي الحظر بعد "المخرج" وهو العزيمة الي يسوونها اهل العروس لبنتهم بعد اسبوع او اسبوعين لما تجي تزورهم وطبعا لازم الميك اب فــل مثل ليلة الزفة...والثوب الظفاري له حضور قوي ..وولعلم نحن نسميه بصلالة "بـــوذيــــل" وسامحوني زودت بالعيار حبتين بس شفت الموضوع وماحبيت امر بدون ما ابربر فيه :)

سلامات اختي كلام ماتشوفين شر "البــرد دخل علينا والناس كلهم مزكمين :( " سمحيلي اظيف من عندي...

(( الأجوديه )) :

سلامات اختي كلام ماتشوفين شر "البــرد دخل علينا والناس كلهم مزكمين :( " سمحيلي اظيف من عندي عاداتنا بقبيلتنا طبعا البنت عندنا سواء مطلقه او بكر او حتى ارمله "ماشي فرق بينهم" مهرها فوق الخمسة الالف عماني اذا كان العريس من خارج القبيله واذا من القبيلة 3 الالف وطبعا هذا الزامي قرار من الشيخ ولكن بعض الفخايذ..."العوايل" مهر بناتهم فوق العشرة الالف عماني وهم معروفين ...واذا كانت البنت جميلة او ذات صيت سواء بحسنها او اخلاقها او لها مواقف بطوليه سابقه " بعض العوايل يربون بناتهم على الجرأة ومايفرقوون بينها وبين الولد بشيء فتكون البنت لها كلمتها ويمكن تتكلم بمجالس الشيوخ بعد" وهذي موجوده بس نااااااادره مهورهن فوق خمسين الف وطبعا + سيارات لابوها واخوانها + اراضي كلها باسمها واحتمااااال ترضا بعد خخخخخخخخخخ وطبعا من حيث عادات الخطبة تختلف فالناس الي عايشين بالمدن اكثر تحفظ والبنت تتستر عن عيال عمها وما تطلع على الرجال والخطبه تتم عن طريق اهل العريس سواء الشوفه او الملكة يعني العريس مايشوف البنت الا بليلة الدخلة فقــط. اما الي عايشين بغير المدن البنت تخرج "طبعا بلبس محتشم" على عيال عمها والي يقربون لها والحياة عندهم بسيطة والنية صافية واكيد ما تتزوج الا اذا شافوا بعض بوجود الاهل طبعا وحتى ممكن هي تختار من الخاطبين حسب ميلها. المــهر: زمان كان يعطون ام العروس نص المبلغ لازم والعروس لها النص عشان بضاعتها وثيابها ..وطبعا مع توزيع بعض المبالغ للجدات والخالات والعمات ..ام بالفترة الحالية العروس تاخذ المبلغ كله وبعد ابوها واخوانها يساعدوها بالتجهيز لان طبعا مايكفي 5 الاف. حاليا تجهيز اغلب العرايس فوق العشرة الالف عماني يعني 100000 ريال سعودي والمعروف عندنا "عطورات العروس" يأخذ نصيب الاسد بالتجهيز عطوراتها طبعا اقل شي 30 نوع مخلط وفرنسي غير العود طبعا"اهم شي يميز العروس عندنا ريحة العودي بثيابها وشعرها ومفرشها ولا ماتصير عروس خخخخخ" + 4 انواع من الدخون وهذا الدخون تصنعنه حريم من صلالة بالبيوت خاص جدا ومختلف عن الي بالاسواق وطبعا اسعارهم غاليه لكن ريحتته تدووخ يعني كمثال علبة الدخون الصغيرة توصل سعرها 100 ريال عماني /1000 سعودي وبالنسبة لتجهيز العرايس عندنا بعاداتنا العروس لازم "تتغفن" يعني تتغطى وتتخبى قبل عرسها بثلاثة اشهر او شهرين محد يشوفها الا اهل بيتها طبعا وبهالفترة تهتم بنفسها واكلها وحماماتها وخلطاتها وعندنا تغذية العروس متميزة بسمن الغنم تاخذه مع حليب دافي يوميا لانه يفتحها بشكل رهييييب وللعلم مواصفات العروس عندنا الاحلى تكون "رويانه" يعني جسمها ممتلىء مانحبها نحيفه مرره واهم شي يكون وجهها و ايديها ورجولها من تحت ممتلئة لان مثل ماتشوفون الثوب الظفاري ماينفع لوحده مرره نحيفه مايبين حلاته. والاخوات ذكروا طريقة "تحويل العروس" من بيتها بالسيارات والليتات والاصوات وطبعا تدخل متغطية بالقماش الاخضر ومايشوفونها الا وهي على الكوشة ومتجهزة تمام ويجون الحريم "التخويد" وهي مشاهدة العروس وطبعا عيب العروس عندنا تتحرك او تضحك او حتى ترد على احد لازم "تقزح" يعني تكون جامده والناس يتفرجونها.. وعندنا بعد "عزيمة الخالة " وهي باليوم الثاني وطبعا ام العروسة لازم تنام ببيت زوج بنتها اذا كانوا بالبيت اما بالفندق فأكيد لا ....وطبعا اليوم الثاني العريس يعطي خالته هدية "طقم ذهب" مبلغ وقدره " طقم الماس" اي هديه معتبره مع عزيمه والعروس اكيد لها صباحيتها من العريس واهل العريس وطبعا لازم تلبس ثوب ظفاري او فستان فخم والميك اب فل كأنها بتنزف مره ثانيه ... وغالبا اذا ما سافروا مكان "لان اغلب الزواجات تكون بالخريف فالجو عندنا بديييييع مايحتاج يسافرون" بعض العوايل العروس عندهم ممنوع تطلع لاي مكان لمدة اسبوع كامل وبعضهم عادي تطلع لكن مو زيارات فقط تتمشى مع زوجها "حظر تجوال يعني " وطبعا ينتهي الحظر بعد "المخرج" وهو العزيمة الي يسوونها اهل العروس لبنتهم بعد اسبوع او اسبوعين لما تجي تزورهم وطبعا لازم الميك اب فــل مثل ليلة الزفة...والثوب الظفاري له حضور قوي ..وولعلم نحن نسميه بصلالة "بـــوذيــــل" وسامحوني زودت بالعيار حبتين بس شفت الموضوع وماحبيت امر بدون ما ابربر فيه :)

سلامات اختي كلام ماتشوفين شر "البــرد دخل علينا والناس كلهم مزكمين :( " سمحيلي اظيف من عندي...

+3

غزوه 2005 :

يسلمووو كلووومه القمر على الموضوع الأكثر من رائع .... :26: وحبيت اقدم موضوع متكامل عن عادات الخطبه والزواج ( بظفار--- صلاله ) وان شاء الله يعجبكم ويوضح الصوره للى يجهل عاداتنااا ..... الموضوع نزلته من فتره ..... بس ماعليه اسدحه هنااا لزيادة المعلومه ..... عادات اهل صلاله بالخطبه والزواج ..... فى طقوس الخطبه والزواج ...اولا الكلام الشفوى للخطبه ... بواسطة الأم او الأب او اى احد من اقارب العريس اذا كان هو من دل على العروس....وبعد الموافقه المبدئيه تاتى الخطوه الثانيه ..وتسمى قطع الكلام ...اى اكمال شروط اهل العروس...ويسمى بالثبوت اى تثبيت الكلام النهائى...يحدد يوم للثبوت حسب ظروف الطرفين لاهل العريس والعروس.. تعمل عزومه على العشاء تسمى بعشاء الثبوت...ويعزم الاقارب من الطرفين ..بعد العشاء يفتح ابو العريس موضوع المهر ويطلب من ابو العروس ان يحدد المهر لبنته البعض يرفض ان يحدد المهر ويترك الامر للعريس واهله حسب الثقه اللى بين الطرفين ...والبعض يحدد المهر المطلوب ويكون بالعاده اكثر من المعتاد عليه....لان الحضور وخاصه كبار القبيله يطلبو انقاص المهر كنوع من مساعدة العريس واهله ..وينتهى الثبوت بالمبلغ المتفق عليه...ناتى لأقتراب موعد العرس وذالك بعقد القران ... اللى هو الملكه ..ولها طقوس مبهجه وتسمى هبوت الرجال ( وهى زفة الرجال للعريس ) وذالك بالذهاب للمسجد لقرائة الفاتحه وعقد الملكه ..بعد كتب الكتاب.. يزف العريس مع جمع كبير من الرجال من اقارب وجيران واصدقاء ..الى بيت العروس ثم ترجع زفة العريس لبيت اهله وتقام حفلة رقص رجالى وتسمى البرعه ايقاعها حلو ...زوجين من الرجال بالرقصه الوحده..ينتهى مع اذان المغرب بعدها يتفرق الحضور للصلاة..وبكذا تنتهى زفة العريس..ممكن بنفس اليوم بالليل تقام سهره للرجال حسب رغبة العريس واهله... .................................................. ........ ناتى ليوم العرس ....طبعا العروس تكون جاهزه من كله كالحنه والخ الخ...يحضر المعازيم لبيت العروس من اقاربها ومعازيم العريس ببيت العريس...على وجبة الغداء الجماعى واللى تذبح فيه الذبايح من الابقار يتعدى مراات اكثر من ال6 بقرات...حسب كثرة معارف العريس ومن العادات الحميده الكل يصابح بمبلغ حسب امكانياته من اصغر مبلغ اللى هو 20 ريال عمانى الى 300 او 500 مئه طبعا هاذى المبلغ للاقرب...وحسب القدره الماليه للشخص...طبعا الحضور ماهو بس من الاقارب بل يشمل كل اهل البلد حسب الرغبه بالواجب من الشخص نفسه ..والمبلغ عاده متداوله بين الجميع وهو نوع من التكافل الاجتماعى القبلى...بعد الغداء يرجع الجميع للبيت خاصه الحريم يتجهزو لزفة العروس بالليل وهى عاده قديمه ولا زالت ان تزف العروس بالليل ..على الساعه 10 وما فوق..واصل العاده لان زمان مافى سيارات وكانت العروس تزف مشى على الاقدام بالليل لسترها عن الانظار...بعد ماتوصل العروس لبيت العريس ...يقدم العشاء للحريم بالبيت وللرجال بالخيمه خارج البيت لان ماشاء الله المعازيم بالعشرات او المئات من القبيلتين ..وتكون فى حفل راقص للحريم قبل حضور العروس ..ببيت العريس....يتوقف الرقص والغناء عند دخلة العروس ومعازيمها ..وتعمل زفة ترحيب من معازيم العريس من البنات والحريم الشابات للعروسه بوقوف صفين والتصفيق والتبلبل ..الزغاريد...بعد دخول العروس لغرفتها يرجع الحضور للرقص مرات للساعه 4 او 4 فبل الفجر ...يخلصو على انواع الرقص ... وتنتهى الليله الصباحيه ...يوم الجمعه استراحه بعد المجهود من تحضيرات العرس... يوم السبت اللى هو يوم الصباحيه....والصباحيه هى الهديه اللتى تقدم للعروس من العريس من الذهب او الاماس حسب مقدرة العريس ومستواه المالى..الله يكون بعونه..وبنفس اليوم تتجهز العروس بلبس العرس التقليدى الكامل والمرصع بالكريستال السويسرى...الحين دخل الفستان الابيض مع الحداثه.. المهم يجتمعو المعازيم من الحريم وهو يوم المصابحه للحريم (( المصابحه تعنى التنقيط )) للتوضيح...وبعد ان تجهز العروس من اللبس والمكياج...يرفع الستار عنها لاستقبال الحاضرات..لورئية العروس ..الله يحفضها من الحسد اذا هى جميله ...واذا هى غير جميله ...انتو ادرى بعك الحريم والله يكون بعونها عليها من ليله... طبعا يقام حفل بعد للحريم بنفس يوم الصباحيه..ويضل الحفل للمساء بعد وجبة العشاء يرجع الجميع لبيوتهم مرات يضل الحفل للساعه 12 او اكثر..وينتهى يوم الصباحيه على خير طبعاا هذول العصفورين .. العروسه والعريس فرحانيين الله يديم المحبه ههههه بعد اسبوع من العرس تزور العروس اهلها ...كأول زياره بعد الزواج ..وتسمى خرجة العروس..طبعا زمان كانت العروس تظل سنه حتى اول طفل ...الحين تغير الحال..المهم اهل العروس يعملو عشاء خرجة العروس ونفس الطقوس تقام حفله بس اخف من حفلة العرس بعدها تبات هذاك اليله عند اهلها مدة يومين او اكثر حسب رضى العريس اليوم الثانى توزع الحلاوه لى الجيران كهديه من العروس بمناسبة خرجتها لبيت اهلها الحين شوى خفت هاذى الطقوس مو زى اولبعدها ترجع لبيت عريسها... من العادات عندنا انو من العيب ان ابو العروس يزفها )) (( ام العروس تبقى مع بنتها مدة اسبوع حتى تتطمن عليها )) لان العروس تكون خجوله وتوها على نااس ماتالف طباعهم الحين تغير الحال ومرات ام العروس ترجع بيتها بنفس اليوم لان عرايس الحين مشاء الله عليهم...اسدات ..وفاهمات اكثر من بنات زمان وكذى خلصت موضوعى عن عادات العرس عندنا ...واعذرونى على على الاطاله ..لان الموضوع ذو شجون ....... وعقبال العزابيه هاذا وسلامتكم واعذرونى على البربره ........:o

يسلمووو كلووومه القمر على الموضوع الأكثر من رائع .... ...