هلا والله بأم قمور وبكل البنات
الغاليات على قلبي ... بجد فرحتوني بردودكم وتفاعلكم مع موضوعي
ومع لبسنا اللي مازلنا متمسكين فيه وبيظل دوم بإذن الله .. :32:


بس بخبرك شئ بالنسبة للموضة
والفساتين والتنانير هذي نلبسها وقت الطلعات يعني
السوق مثلا ً زيارة بنات مع بعضهم البعض ...


ورحلاااااات الجبل ... يعني عندنا
كل ما لذ وطاب من لبس ..


بس طبعا ً مو مشخلع
زي تنانير قصييييرة مررة تبين الفخوذ وبادي عاري وووو الخ
وهالبلاوي المتلتلة ... (هاي الشغلات بس للزوج) :09:



لأن اهالينا ناس
ملتزمين وما يحبون الحال المايل!
كل شئ بحدود ...




(وإمكن لهاذا السبب انتي مالاحظتي إختلاف بلبسنا
لأنك شفتي اللي برا بيوتهم عبايات وشيل وبراقع وتحتها تنانير وبلايز) :42:





يعني في الأعراس صحيح
نلبس الثوب الأسود المخمل ولكن الرسومات والكرستالات
والفصوص اللي فيه تختلف 180 درجة عن كل وحده ..




فهذا يميز كل وحده بألوان
ورسمة مو متكررة .. يعني اللهم الشئ المشترك الأساس (الثوب الأسود المخمل)



وترى بالأعراس بعد نلبس فساتين
نفس فساتين السهرات اللي موجودة بالمحلات العالمية
وهاللبس نلبسة لما يجي وقت الرقص الخليجي ... :42:





لأن لنا رقصة خاصة بأهل صلالة
للنساء إسمها: الطبل



وهالرقصة ما ترقصينها
إلا بالثوب الظفاري ...... :)



يعني اعراسنا مقسومة قسمين
بداية السهرة رقصة الطبل وبعدين فترة الرقص الخليجي اللي فيها
نبدل ملابسنا ونلبس فساتين السهرة ...



وبالختام بكل عرس
عندنا رقصة رهيبة هذي عاد ختامية
إسمها: المدار




وما يشترط فيها لبس معين
بفستان بثوب ... أهم شئ تكونين ع الإيقاع :22:


.



والتنانير والبلايز وكل
الموضة المنتشرة نلبسها طبعا ً تحت العباية
وبالجمعات نشيل العباية ... يعني جمعت بنات ..




وصدقيني ترى صحيح ان الثوب اهو الأساس
بس التشكيلات اللي عندنا وربي ما تخلص!



.



وعندك السوق مستحيل نلبس ثوب
لازم يكون تنورة وبلوزة (بادي) او بنطلون جينز
وكله مخفي تحت العباية مافي شئ يظهر ...





فمالنا غنى عنها ابد ..
ومالنا غنى عن ثوبنا الغالي ... :42:




ادري كثرة هذره
بس علشان تتوضح الرؤية للجميع ..


.




رفيقة القرآن هلا بك يا عمري
والله الصور طالعة لأني محملتهم على مركز تحميل الـVIP


حاولي تسوين
رفريش للصفحة .... والف شكر على ردك الطيب
انتي وكل البنات اللي نوروا الموضوع بطلتهم ..... :26:

ماشاء الله تبارك الله

تسلميين حبوبه
وياليت كل وحده تورينا لبس منطقتها
لان اللبس التراثي يبين انوثة البنت ونعومتها ويخليها متميزه

الله يعطيك العافيه وننتظر جديدك وصور اكثر لان طريقة اللبس والموديلات دخلت مزاجي بقوووة


موفقه حبوبه

بالنسبة لالتزامكم ولبسكم بالسوق انا اشهد انكم ناس محاااافظين الى ابعد درجة وهالشي

لاحظته من اول يوم سواء منكم انتوا البنات او الشباب

اذكر كنت اقول لزوجي تدري وش فاقدة ؟ يقولي وشو ؟ اقوله فاقدة هالجينزات اللو ويست

اللي يلبسونها الاولاد احس بأي لحظة بتطيح <<< تتوتر نفسيا منها :)




طيب زواجاتكم متى تبدأ ومتى تخلص ؟ وكيف يمدي لكم لبسين ؟ يعني تشترون بالزواجات

مرتين صح مرة لللبس الظفاري ومرة للفساتين يوووو عاد هذا شقا من قلب لان فستان واحد ويالله شلون 2؟؟

طيب ودي اشوف لبس الزواجات لاهنتي كلووومة :)

هلا أم ساره تسلمين
حبيبتي على إطرائك وكلامك وهذا والله من ذوقكم
ومن طيب أصلكم ..


وبإذن الله انزل صور
ثياب الأعراس بأقرب فرصة :42:



.




هلا حبيبتي ام قمور
ههههههههه ضحكتيني على سالفة اللو ويست :22:


من صج سالفتهم سالفة
عاد الحمدلله هالأمور مو موجودة عندنا الله يبعدها
ويكفينا شرها ... مثل ما قلتي لبس الشباب والبنات الغالبية العظمى محتشم
ومتستر لأنهم يا ويلهم وسواد ليلهم لو فكروا يلبسون شئ فاضح!!


يكفيهم بس كلام الناس
اللي بيقطعهم تقطيع :22:




بالنسبة لفترة الزواجات من زمان
كانت تبدأ مع الإجازة السنوية وموسم الخريف
لدرجة مافيه ويكند إلا فيه اعراس ...



بس اللحين الناس ماشاء الله
كثروا وصارت الأعراس كثيرة وزحمة والناس مو ملحقيييين :23:



فصاروا يوزعون على طول
السنة بالإجازات ... (اعياد - نص السنة - وكذا)




اما اننا نشتري ثوب وفستان
اسكتي سااااااااااااااالفة ... واكيد يكلف ..
بس في منهم يكتفون بالثوب .. او بفستان ..




ثوب لما يكون العرس
مو قريب مرة مرة .. او على حسب رغبة البنت نفسها ...



ويبدا العرس من بعد صلاة العشاء
بعد نص الليل الساعة 2 :07: يعني نرجع حيلنا مهدووووووود!



بالنسبة للبس الزواجات
راح احاول انزل لكم الصور بالقريب العاجل ... :42:




حبيبتي قمور ما عليك أمر
تكتبين بعنوان موضوعي فوق كلمة متجدد علشان
البنات يتابعون الصور ... مع كثرة الصفحات ... :26:

زي رائع


متشوقين نشوف صور القطن

وخاصة للبنات 10 سنين
أستر من البجايم القطنية اللاصقة


شكرا لك