إسمحيلي كلااام برد على الغاليه المتغليه ..


نعم اللبس موحد بالعزايم والأعراس

ويجي هنا ذوق كل وحده فينا ومدى حبها للتميز

وكثيرات أدخلوا قصات حلوه وأقمشه ونقشات ولا أورعــ

على الزي الظفاري بمعنى طوروه وهذا كله في سبيل التميــز ..

وومو الكل يلبس الثوب الظفاري فيه البعض يلبس الفساتين

وخصوصا ( البنات الغير متزوجات ) وطبعا المتزوجات يلبسون بعد

ويا قلبي المقبوله ع قولتك ( القبولي) هي رز باللحم . مثل الكبسه عندكم ..
هي وجبه عمانيه شعبيه مشهوره وملازمه لكل عزيمه أو عرس
يعني يستحيل يكون فيه عرس وما يكون فيه قبولي ..


وهو لذيذ جدا ..:p

وإنتي بس تعالي صلاله ...
وبتشوفي كل خير ..
ولك مني صينيه قبولي مع ثوب ظفاري مع بوسه لحمودي ربي يحرسه :kiss2:<< كم متغليه عندنا:wink:

عاشوا بنات صلالة عاشوا .. عاشوا ..

ماشاء الله عليكم الموضوع زادت متعته ..

ليتكم تخبرونا بعد عن المهر ..والملكة كيف ؟؟!!..

ام ماسه



تسلمين عزيزتي بس
لا تنسين ان بالسلطنة ملابس مختلفة عن بعضها
البعض بإختلاف المناطق ..


وانا عرضت عليكم
لبسنا نحن فقط .. أهل ظفار ... يعني هذا الزي الظفاري :)
والله يعافيك حبيبتي ..


.



اجا الليل




تسلمين يا عمري والله
على كلامك الطيب والحمدلله ان موضوعي
عجبكم واني قدرت اوصل لكم زينا التقليدي اللي مازلنا متمسكين فيه
وبنظل بإذن الله دوم ...


واكيد إنه يتطور مع
الزمان وتصير عليها اضافات بس الفكرة العامة نفسها ...
موفقة يالغلا ..




.




]

صراحه الثوب الظفاري مافيه مثله
وميزته ماانتشر بالخليج

انا عندي واحد اسود مخمل فيه شغل باللولو مررررررررره رووووعه
كل مالبسته سألوني الناس من وين جايبته

وامي عندها 2 واحد اسود وواحد بني
ولو عندي وقت كان صورتهم لكم

بس حلاتهم باللبس...ماراح تبين حلوة بالصور

ماشاءالله موضوع رائئئئئئئئئئئع كلومه تسلم يمناك وفعلا الثوب الظفاري رووووعه بصراحه انا عندي ثوب لو كنت اعرف اصوره بتعرفون جمال الثوب وروعته بصراحه اللي سوتلي اياه مصممه ظفاريه ويجنن بس ما اعرف انزل صور للاسف اتمنى حد يعلمني اممممممم ........ في شغله الاخت هوا الجنوب اعتقد في الصفحه الثانيه ذكرت (الفقر) هي كلمه محليه عندنا بظفار نقصد بها فتحة العنق لذا وجب التوضيح ...........بالنسبه للقبولي بنات باخبركن وصفه سريعه هي متكونه من بصل وثوم وابزرة(هيل-قرفه-فلفل اسود-قرنفل) مش مطحون اوكي نحمس البصل عادي وبعدين الثوم وبعدين الابزرة اللي ذكرتها ويكون مفورين اللحم من قبل الحين نضيف الارز على البصل ونحمسه عدل ونضيف شويه بزار مطحون عباره عن قرفه وهيل و كمون وكزبرةوقرنفل شويه بس يعني اللي لها بالطباخ بتعرف تقدر بس وتضيف الماي ونضيف شويه زبيب واللحم ممكن نضيفو الحين او نحطه بالفرن بس لمن تخلص الطبخه نحمس بصل الين يحمر مع شوية مكسرات ونحطها فوق الرز للزينه ومزيد من الطعم والنكهه ونسوي بجنبها صوص حار نسميه (الشتني) وله طرق عديده اللي تبغيها راح اكتبها ان شاءالله .........طولت وقلبتها طبخ بس عشان تجربون بالبيت ..........بس بعد بقول شغله نحن في صلاله عندنا عادات كثيرة في منها الكثير انتهى بس الحمدلله بعدنا متمسكين بعاداتنا ونفتخر فيها وصلاله رائعه بكل شيء فيها بناسها وبارضها وبعاداتها ..