مـرت حـمـاي و اتصالها بزوجـي

صباااااح الخييييير

بنااااات قبل كم يوم كنت طالعه مع زوجي الساعه 11 بالليل رايحين السينما و الفيلم مدته ساعتين
لما طلعت من الفلم كانت الساعه 1 بالليل يوم شفت تلفوني و لا زوجة حماي داقه علي الساعه 11 و نص اكثر من مرا و دازتلي رساله كاتبه ( قاعده ؟ ) و الصدمه داقه على زوجي مرتين بصراحه انا و زوجي تخرعنا لأن كلنا عايشين فبيت واحد بس هي بالدور الثاني و انا بالثالث ساكنين مع اهل زوجي
المهم من الخرعه كان ادق عليها الووو فلانه فيكم شي
قالت ابد سلامتج بس كنت ابي فلان ( اللي هو زوجي ) يجي ياخذني من بيت اهلي
!!!!!!!!!!!!!!!!!! صددددددمه
كان اسألها ليش فلان وين ( اللي هو زوجها ) قالت ناااااايم !!!!!
سكرت منها قال زوجي فيهم شي و انا ضغطي اررررررررتفع
قلت ابد الاخت علبالها انك سايق داقه عليك آخر الليل تبيك تجيبها من اهلها و زوجها فالبيت مكبر المخده و ناااايم

هو سكت من الصدمه و انا كملت تحلطم كان اسأله ليه انت معودها توديها و تجيبها ؟!! كان بعصب هني قال شنو معودها خلاااااص اسكتي ( بصوت عالي ) كان اسكت و انا محتررررره النار شابه فيني
يعني بنات مو لهالدرجه انا اخوان زوجي ارقامهم بس ما اعرفها شلون تدق بكل جرأه و تبيه يمرها لبيت اهلها و ياخذها و المشكله زوجها لا هو مسافر و لا مريض و لا فيه شي يعني بامكانه يقوم من نومه الله لا يهينه و ياخذها من بيت اهلها و لا تخلي واحد من اخوانها يردها البيت
ابدا موووو حلوووو شكل زوجي جايها بيت اهلها و ياخذها شكله غلط بيصير قدام اهلها
المهم اكملكم رديت البيت و انا ساكته و ما اكلم زوجي و يجي يتحرش فيني كان اقوله خلااااص وخر كان يعصب انتي اشفيج قلت انت بالسياره تسكتني و تصارخ علي طلع معصب طنشته يوم رجع بعدها و لا انا اطقطق بفوني و ما كلمته من الحراااا خذا تلفوني مني و طقه بالطوفه و انا ساااااكته و يعصب و يصارخ يقولي مقابله الزفت هاذا و لا تكلميني والله قعدت دموعي تطلع مني و انا ساكته كان يجي و يحضني و يراضيني و تفاهمنا و فهمته انه تصرفها جريء و ان لو زوجها مسافر او مريض ما علي بس مو حلو شكله قدام اهلها رايح ياخذها و شرحتله وجهة نظري و اني متضايقه منها مو منه هو و تضايقت اكثر لما سكتني و عطاني تلفوني و ما شالله على الايفون ضد الصدمااات ما صار فيه شي :)
و اعتذرلي قلت خلااااص مابي التلفون عفته والله ما آخذه راح و شرالي ايفون جديد فديييييته لأني حالفه ما آخذ هاذا
يوم جا ثاني يوم نزلت عند خالتي و لا زوجة حماي قاعده شافت تلفوني تقولي توج شاريته ؟؟ لأن تلفوني كان الايفون الاسود و هاذا ايفون لون ابيص قلت اي
كان اقولها فلااانه عطيني رقمج ؟؟ تلفوني جديد و انمسحو الارقام و لا تعطيني رقمها ( طبعا الارقام ما انمسحو و لا شي و زوجي لما شرا الجهاز حملي ارقامي على الجهاز الجديد ) كان تعطيني اياه قلت و عطيني رقم فلااان ( اللي هو زوووووجها ) كان وجها يتغير و تعطيني اياه و هي منصدمه مني لأني مالي احتكاك ابد بزوجها
قالت ما تبين رقم فلان اخو زوجي الثاني ( يعني تطنز علي ) قلت و انا مبتسمه لا فلان برا الكويت يدرس ما يلزمني بشي انا ابي اللي داخل الكويت للضرورات اذا احتجت شي ( ان كيدهن عظيم هههههههههههه )

لا تشوفون وجهااااا يا بناااااات تضااااااايقت و تخربطت خلها تحس انه هالحركه عيب و ما في ميانه بين الرجال و مرت اخوووه


بس الحين شنو المشكله امس من خبالي قلت لزوجي اني طلبت رقم فلان منها عقب حركتها و حيل تضايق من تصرفي ليتني ساااااااااااكته ابركلي
قالي ليش سويتي جذي قلت ابيها تفكر بالامر هاذا و تحس انه عيب
احسه تضايق من كلامي لو ساكته احسن فتحت عينه علي
شرااااايكم يا بنات هل تصرفي غلط معاها ؟؟؟!!
انا ادري اني غلطت لما قلت لزوجي اني طلبتها الرقم و متفشله لأنه يقولي انتي دااااايم على الطيب و الزين بس ليش سويتي جذي ما ادري و يقول انصدمت منج ابداااا ما توقعت يطلع منج هالتصرف
شسوي يا بناااااات من حرتي والله