السلام عليكم ورحمة الله وبركاته
شلووووونكم يا بنات ويامدامات ان شاءالله طيبييييييييين
حبيت اكتب لكم في هالموضوع بعض المسجات اللي اعجبتني
عن نفسي احب المسجاتواااااايد :love: مادري احس ان الكلمات تعبر عني اكثر
وتوصل اللي ابيه .. و يمكن يكون بينهم جم مسج قديم
بس يظل الكلام الحلو حلو حتى لو مر عليه سنين :) ولا انتوو اشراااااايكم ..؟؟
~~~~~~~~~~~~~
سو اللي براسك ولاتذكر اسباب
لاصرت بايعني توكل على الله
مابيني وبينك مشاريه وعتاب
شف دربك الي جيت منه تدله
ماراح تغلبني لو الحب غلاب
من حضرتك عشان قلبي تذله
رح واعتبرني واحد اذنب وتاب
ماني بثوب تلبسه ثم تمله
مايجتمع بالحب صادق وكذاب
رزقي على الله وانت رزقك على الله
•·.·°¯`·.·•......•·.·°¯`·.·•
شفت المقفي وربي ما اتبعه لو خطوتين
واصبعي وهو اصبعي لا غدرني اقطعه
وبسألك سؤال واحد والجواب كلمتين
لاصار قدرك والهوى خصمين من تاقف معه
ياخي العزه كرامه وانت دايم مستهين
ياخي ضرسك لا اوجعك بذمتك ماتخلعه!!؟؟
•·.·°¯`·.·•......•·.·°¯`·.·•
زعلان؟
لاترضى اذا كنت زعلان شكلك تدورها وجاتك من الله
ماكثر الله في بيتكم غير جدران دور اقسى مافيها وانجذب له
ياصاحبي مابه محبه وخلان لاصار الخل يجرح شعور خله
•·.·°¯`·.·•......•·.·°¯`·.·•
أنت غلطان في رقمي وعنواني !!
الرسايل اكيد لناس تغليها
يوم طبعك كذه ما ابيك تهواني
الله يسهل دروبك وتنساني
والمعاذير " تكفى " لا تطريها
خذ رسايلك عطها لواحد ثاني
الرسايل بليا نفس ما ابيها
•·.·°¯`·.·•......•·.·°¯`·.·•
تمنيتك على? بعدك تجي
وتجلس معي
(-- 'ســــ ? ــــــاعه'--)
ابي من وقتك ? الغالي
دقايق تسمع
(-- 'اخبــــ ? ـــاري'--)
عليك الشوق? ياخذني
ولو طيفك
(-- 'مخــ ? ـــاويني'--)
ولو طالت ? ليالي
غربتي ماغاب لك
(-- 'طــــ ? ـــــاري'--)
•·.·°¯`·.·•......•·.·°¯`·.·•
لاتشتكي للناس لاضاق صدرك
الناس ماتملك مسرة ولاياس
الناس مثلك حالها مثل حالك
والكل من مر الليالي شرب كاس
ولاتحسب انك في التعاسه لحالك
ترى عايش معك بالشقا ناس
•·.·°¯`·.·•......•·.·°¯`·.·•
يهمك تعرف اخبااري ..؟
انا مشتاقلك وطيب
انا مثل البحر تدري
يثور وتركد امواجه
ابد لايزعجك هم بعين يشيب
حبيبي هذا هو طبعي
احب الحزن واحتااجه
وتسالني عن اخبااري
وارد اقوول اناا طيب
مع اني صدق بغياابك لااناا طيب
ولا حاجه ..
•·.·°¯`·.·•......•·.·°¯`·.·•
راح الزمان اللي به الناس وافين ..
وجانا زمانن ليتني مالحقته ..
اللي تعرفنا عليهم كثيرين ..
ومحدن خذا قلبي مثل مااخذته ..
اسمك وهو اسمك على الراس والعين ..
وقدرك لو اقدر اجمعه ما حصرته ..
•·.·°¯`·.·•......•·.·°¯`·.·•
ياترى خلي بخير..؟
أو زمانه أتعبه..
ياترى يضحك سعييد..؟؟
أو فؤداه عذبه..
نفسي ياخلي أجيك..
وأحمل همومك بعيييد..
وأصبح لجرحك طبيب..
وأصير لك خل ورفييق..
صدقني أحلامي كثييييييير..
بس مدري..؟!!
أحلامي ممكنة..؟؟
•·.·°¯`·.·•......•·.·°¯`·.·•
تدري من انا..؟؟؟
انا الصديق اللي صديقه تناساه
صابر على الحزات مثل الاصايل
انا حكايه طولها الف مأساه
تسخر من الاحزان رغم الهوايل
انا الوحيد اللي زمانه تحداه
فاقد عزيز وحيلته بالرسايل
•·.·°¯`·.·•......•·.·°¯`·.·•
وش سبب ياناس صد المحبين
حتى الرسايل ماتجي من طرفهم
اشوفهم ماهم علينا حريصين
مدري من اللي من سمانا خطفهم
مدري زعل ولا مع الناس لاهيين
عجزت احدد ياولد وش هدفهم
•·.·°¯`·.·•......•·.·°¯`·.·•
هلا باللي له العين قبل القلب سباقه
لاشفت زوله يطيب القلب وجروحه
ارتاح من هرجته وارتاح لاخلاقه
وارتاح في جيته واضيق بالروحه
لاقام يرسل علي ايزيدني طاقه
انا اشهد ان الرسايل منه مملوحه
•·.·°¯`·.·•......•·.·°¯`·.·•
انا ابعد
انا اتاخر
ولكني ابد مانسى
ولا اجفى
ظروف الوقت احيان تشغلني
وتبعدني عن احبابي
بس بصادق احساسي
امد الكف واسال المولى
يزيد ايامهم فرحه
وصحه وتصبح بالسعد احلى
•·.·°¯`·.·•......•·.·°¯`·.·•
سامحيني لو قسى قلبي وغيرني زماني
وسامحيني لو قسيــت ولو تعمدت الخطية
واعذريني لو أصير بنظرتك إنسان ثاني
وأفهميني قبل دمعك يقلب الدنيا علـيه
علميها يا دقايق علميها يا ثواني
قولي إني ما لقيت إلا الجفا منها هدية
•·.·°¯`·.·•......•·.·°¯`·.·•
لا كل من حبيت في هالدنيا حبيبك ...
ولا كل من وآساك لجروحك دواك
ناس تحبّك وهمّها تكسب رضاك ...
وناس تودها وردها "الله معاك"
يوم يزورك الفرح ويحضن هواك ...
ويوم تحس ان الحزن ماله سواك
•·.·°¯`·.·•......•·.·°¯`·.·•
هلا بك يابعد دنيا غدت عقبك بدون الوان
هلا باطيب بشر بالكون
هلا بصافي النيه
هلا يصرخ بها لساني بصوت منتهي ولهان
يرددها بدون شعور
هلا للمره الميه
•·.·°¯`·.·•......•·.·°¯`·.·•
ياما وياما عليك الباااااال طولته...
والعمر عدا وأنا عاااايش على أوهـامي ..!!
أصبر لي شوووي .. لو دمي تثاقلته ..
بأحاااول استوعب الي صــار قــداااامي..
هذا الفرااااااق الطويــل .. وهذي أسئلــته..
هذا حــصــاد الســنيــن .. وهذي ايامي ..!!
•·.·°¯`·.·•......•·.·°¯`·.·•
تــوك ذكــرت أحـبــابــك !!!
تـونـي طـريــت فـي بـالــك !!!!!!
وفـــر مـسـجـاتـــك
يـمــكـــن غـيـري يـحـتــاجــك
•·.·°¯`·.·•......•·.·°¯`·.·•
من راح من كيفه وكيفه يوديه
خله على كيفه وكيفه يجيبه
اللي يصد وهاقيني بناديه
اقطع لساني لو لساني حكيبه
كانه مريض ويحسبني بداويه
الموت ارحم له فلاني طبيبه
•·.·°¯`·.·•......•·.·°¯`·.·•
عساك بخير
كثر مابقلبك الطيب نوايا خير
وكثر مالك غلا عندي وذكرى خير
عساك بخير
كثر مامالت الاغصان وغرد عليها الطير
عساك بخير
كثر ماهلت الامطار ولمع نجم سهيل
كثر القلب ودقاته سالت المولى
تكون بالف خير ...
هاااااااا بشرررروووووووووااااااااا
ان شاءالله اعجبتكم المسجات :pinklove:
%حنان% @hnan_16
عضوة جديدة
يلزم عليك تسجيل الدخول أولًا لكتابة تعليق.
دمعة غلاء
•
يسلمووووووووووووووووووووو ياعسل مسجات روعه
الصفحة الأخيرة