مـشـكــلتـي .. هـي حيــــــاتـــي !!

بسم الله الرحمن الرحيم

السلام عليكم و رحمة الله

انا ابي افضفض و اكتب لكم مشكلتي الطوييييييله ..

انا بنت سعوديه من الدمام - المنطقه الشرقيه عمري 17 بثاني ثانوي (علمي)

و طبعا انا اكبر اخواني و خواتي

لما كنت صغيره كنت طموحه جدا .. كنت اتمنى اكبر و اكون نفسي و اكون طبيبه و اكون طبيبه على مستوى عالي جدااا .. خصوصا اني (كنت) من المتفوقين دراسيا ..

لما كنت طفله كان فيه مشاكل بين امي و ابوي .. كنت احس فيها بس ما اعرفها و لا ادري عنها ..

و كنا احنا 3 بنات بس لحد ما وصلت سادس ابتدائي و ولدت امي اخوي عبدالله ..

و هنا بدات المشاكل تكبر و تكبر بشكل موو طبيعي ابدااااااااا ..

المهم لما دخلت المتوسط بدات المشاكل تكبر اكثر بس كنت بعيييييييده عنها ..

و لما وصلت ثالث متوسط بدات الطاااامه الكبرى ..

صار ابوي يدخلني بهالمشاكل .. بتقولون لي كيف ؟؟

انا اقولكم

كان اذا بيجلس يتناقش مع امي عفوا قصدي يصارخ و يهاوش و يسب و يلعن .. كان يطلب اني اكون موجوده .. طبعا المحاضره هذي كانت بالساعاااااااااات .. 4 او 5 و احيانا و ربي 6 ساعات !!

تخيلوا يضيع وقتنا انا و امي .. ما اذاكر و لا يمديني اسوي شي ..

و حتى كان و ما زال يقول ما فيه دراسه .. ياااااا كثر ما هددني بالجلسه بالبيت و ترك المدرسه بحجة ان امي ما تسمع كلامه و لازم يعاقبها و العقاب هذا لازم يكون فيني طبعا !!

المهم نجحت ذيك السنه بامتياز بطلوع الروح و دخلت الثانويه ..

و كان ابوي يزييييييد بتصرفاته الغريبه و اللي ما شفت من وراها الا الهم .. !!

و ربي كان يجيني بليله الامتحان و انا ماسكه الكتاب اذاكر يقول لي ماله داعي تذاكرين بكره ما فيه مدرسه !! و اذا رجع و شافني ماسكه الكتاب يا ويلي يا سواد ليلي !

نجحت باول ثانوي بالدف و انا راسبه بالرياضيات بس سوو لي اعفاء ..

رسبت بالرياضيات و انا اللي درجاتي دااااايم عاليه فيه ..

لا و لما عطيته الشهاده قال لي وين الامتياز ؟ ناقصك مخ و لا يد و لا رجل عشان ما تجيبين ممتاز ؟

و لامني و لام بعد !!

المهم السنه اللي بعدها اصريت ادخل علمي مع ان درجاتي ما تساااعد ابد !

و دخلت علمي .. و ليتني ما دخلت !

الدروس و ربي انها سههههله بس يبيلها احد يذاااكر و انا ما عندي وقت .. ما عندي جو مذاكره .. و اذا ابوي موجود بالبيت مستحييييييل اذاكر ! ما يخليني .. طول الوقت سوي حطي جيبي ودي !!

طبعا المعدل تراكمي و لازم اجيب نسبه .. و بعد ما ذبحت نفسي و ضغطت على نفسي ما جبت الا 67% تخيلوووا !!

هذا و انا ثاني .. كيف لا رحت ثالث ؟؟

قررت اقول لمستقبلي باي باي و للجامعه مع السلامه اشوفك باحلامي السعيده لاني مو وجه جامعات و شهادات عليا ..

و حسبي الله على من كان السبب !!

قبل رمضان خطب ابوي و ملك .. و يوم الخميس ( قبل امس ) كان زواجه و كنا انا و اختي ( اول متوسط ) من الحاضرين .. و ليت ربي اخذ روووحي قبل ما احضر هالعرس !!

طبعا انا و اختي حضرنا عشان نرضي ابوي بس !! ما درينا اننا لو رجعنا و درت امي اننا رقصنا بالعرس بتتضايق و تجرحني بالكلام !!!!!

يا ناااااس تخيلوو امي الانسانه الوحيده اللي كنت احس انها تفهمني من دون ما اتكلم طلعت لا تفهمني و لا هم يحزنون !!!!!!

امس كانت امي زعلانه علي و كلمتها اقرب صديقه لي تحاول تصلح بيننا .. و كانت تقول لامي .. معليش يا خاله اعذري الهنوف ترى تصرفاتها مو من قلب بس هي مقهوره من اللي صار بالعرس .. قالت لها امي كيف مقهوره و هي قامت ترقص ؟؟؟؟؟؟؟؟؟؟؟

ربي شاااااااااااااهد علي اني ما رقصت الا على اغنيه وحده و رقصت لسبب واحد بس و هو اني ابي ابوي ينبسط علشان تتعدل معاملته لنا و يصرف علينا زي الناس .. و ارضيت ابوي لاول مره بحياتي ..و لما رضى هو زعلت امي !!!!!!!!!!




انا قررت اني اعتزل الناس و ابقى بغرفتي و ما اطلع الا للضروره لاني كرهت كللللل الناس .. مو طايقه اسمع كلام امي اللي من جد متغيره علي و صايره تجرحني بكلامها كثييييييير !! كرهت ابوي كرهت نفسي كرهت حياتي كرهت بيتنا كرهت مدرستي كرهت كللل شي !! و دراستي ما راح اكملها و بعيش حياااتي باللي هي !!

اصلاااا هي خااااااااااااااااااربه خاااااااااااااااااربه و انا اللي بدمرها زييييين!!







بس عندي سؤال بسالكم اياه ..

الحين انا عمري 17 و مرت علي بلاااااااوي يشيب لها الرااس .. لا صار عمري 30 وش بيصير فيني ... ؟؟؟؟؟؟ >> اصلا اذا عشت للعشرين يصير خييييير !




مع السلامه:(