بصراحة اعترف بالتقصير نوعا ما مع ابنائي لكن ياليت من اصحاب الخبرة يعطونا تجاربهم في التعامل مع الاطفال في هذا العصر عصر اللاب توب والبلاي ستيشن والجوالات؟؟

بس بيني وبينكم عندي مشكلة وابي لها حل ....

ابي اذا ناديت احد من عيالي يرد من اول مرة يسمع لي ويجي ؟؟؟ لازم اصايح او اعيد المنادى
احس انه فيه شي غلط فيني انا ... لاني انا المربية لهم فياليت اللي تعرف طريقة تفيدني فيها ؟؟

اكبر اطفالي سنة اولى ابتدائي والثاني 3 سنوات والثالث توه سنة وشوي ...

ايه نست اقولكم انا من االمعجبات بمقالات الدكتور (ميسرة طاهر) واحب اسس التربية في علم البرمجة اللغوية فياليت اللي عندها مواقع ممكن تفيدني ياليت ترسلها لي وتكون كسبت اجر فيني..

نعم صدقتي ولا فض فمك
نـــريد جيل صالح...واثـــق ...بـــار...كفء
مكتفي نفسيا وعاطفيا حتى يحقق لنفسه ولنا أروع المنى
والبدايه من الام فهي اساس كل شي

يعطيك العافية شعشوعة عالموضوع الحلو..والصراحة احيانا الام ما تقصر مع الولد بس تتفاجأ
ببعض التصرفات منه تخجلها قدام الناس..
وولدي الله يهديه كذا..منم الاشياء اللي تحرجني انها مايرضى يسلم على الناس يسلم بكيفه على ناس معينين..والباقي يتركهم...او مايسلم كلش..عمره 6 سنوات..يحرجني عن كبار السن مثل امي وام زوجي وابوه..مايرضى يسلم عليهم..وكم مره كلمته بالموضوع وقلته ترى ما اوديك معي..مو فارقة معه..اقوله شوف عيال عمك وعيال خالااتك كلهم يسلمون..يقول بكيفهم انا مااحب..
تخيلوا بالعيد الله يصلحه..عمات زوجي ينادونه يسلم مو راضي ثقلوا تعال سلم علشان نعطيك عيدية ..قالهم مابي شئ وماراح اسلم..فشلني عندهم..

الله يعطيك العافية أختي كلام ما يحتاج سليم مئة بالمئة
والتربية صعبة فعلاوتحتاج لبذل مجهود جبار من الأم لتؤتي ثمارها في المستقبل أعان الله جميع الأمهات على التربية الصحيحة.