مــعـجــزة تحصل في منتديات عالم حواء ..!! السالفه حقيقة مو محاولة لجذب القراء

.



مرحبا لكل اللي دخلوا حياكم الله

وخاصه العضوات الجفسااات .. لهم مني اجمل تحية



سلام عليكم :unsure: <<< بالعه العافيه

رجاء يا أخوات اللي معها عجرا والا نبيطة او اي نوع من انواع الاسلحة الثقيلة والخفيفة .. تحطه برا الموضوع بليز :18: << لابسه قناع واقي ,, منعا لحدوث اي اصابات او فلقات .. فيني من الشين مايكفي .. ماعلي عايز


طيب

يكفي سماجة الى هنا :biggrin: راح ادخل بالموضوع

اول شي وبادئ ذي بدئ قولوا لا اله الا الله .. واللي داخله تهاوش والا ودها تكفخني والا ضايقن صدرها ودها تحط حرتها فيني .. تتفضل .. كلي فـــداااااا لها

بس على الخاص الله يعطيكم العافيه عشان مانزعج باقي العضوات :biggrin:



ثاني شي .. ادري انه مو كـــل بنات حواء جفسات وماعندهم اسلوب


و ادري مو كلهم يطيرون بالعجه ويقلبون المواضيع هواش وتحاسيب ودعاوي تروع ....


ادري ان فيه بالمقابل نسبه كبيــــرة من البنات اسلوب وذرابه وادب واخلاق وتفاااني واخلاااااص عظيييييم في النصح والدعاء والتفاعل والتعاطف

بس انا كتبت هيك بالبداية من باب الدعابه و تلطيف الاجواء <<<< الله من ثقل الطينه


عزيزتي المهذبه .. اللي تتفانين في الردود وتخلصين في الدعاء والنصح ...


احببببببببك قسم بالله :heart:

عزيزتي الجفسه اللي تطيرين بالعجه .. واللي تدعين وتتحيسبين وتهاوشين ...

برضو احببببببببك قسم بالله :heart:

جد اتكلم .. احيانا أمر على مواضيع "وياكثرها" فيها مماعط شوش وتكميخ ومااشوف الا نعال طايرة وشعر مقطع طايح بالارض

و احيانا "الله يتوب علي" اشارك في هذه المعارك الطاحنه :nerd:

بس بالمقابل اروح اشوف مواضيع ثانيه الاقي لنفس هالعضوات "الجفسات" مشاركات قمة ... فيها صدق .. فيها تعاون ... فيها محبة حقيقية

بغض النظر عن الاسلوب .... لكن مثل مالها مشاركات تروع .. يصير لها مشاركات تقوطر خير وحب وذرابه

وقتها ابتسم من قلب ,, و اعذرها على ماكان منها في موضوع الهواش






ليتنا نعذر بعض .. ليتنا نتعلم ان كل انسان لها ايجابيات وسلبيات .. ليتنا نلتمس لبعض الاعذار قبل لا نحقد ونكره وندعي ونتحيسب

كلنا نمر بظروف ومواقف .. تقهر .. تضايق .. تنرفز .. وممكن تخلي عيوننا تدمع

لكن بعضنا ويمكن اغلبنا او كلنا و انا اولكم ,,, مايقدر يتحكم بمشاعره .... فــ تجي للمنتدى وتصب جام غضبها على اي احد

سواء بموضوع او رد ماعجبها وتختلف معه بالرأي

وبرضو كلنا جايين من بيئات مختلفه .. تربيتنا مختلفه .. عادات وتقاليد برضو مختلفه

نجي نقرا موضوع .. و مانصدق اللي فيه .. لمجرد اننا ماعشناه .... ونتهم صاحبته بالكذب والتأليف

(( اي نعم فيه عضوات يألفون قصص من الفراغ والفضاوة ,, وبعضهم اعترفوا في مواضيع اخرى ))

بس ولو ,, ودي اننا مانتسرع بالحكم .. ولو حصل و كانت الكذبه كبر قريح مايمدي تترقع .. ياليت لو ندعي لصاحبة الموضوع بالهداية اولا

و ننبهها بأسلوب لبق ثانيا

وياليييييت نستفيد من خدمة الرسائل الخاصة .. افضل من توجيه النقد على العام









عموما

كل اللي فوق مو هذا موضوعي <<< بتنطق

:biggrin:





موضوعي الاساسي ,, هو انتم يابنات حواء

اعتبركم معجـــــــزة هذا الزمـــــان .. فيــــكم شي لله

شلون ؟؟

انا أقولكم شلون ..

دعــــــائـكـم يابنات .. قسم بالله له مفعول عجيـــــب




تدرون كم مريض شُـفي بعد ما حكى لكم معاناته مع المرض .. ودعيتوا له من قلب ؟؟؟؟

تدرون كم بنت او مطلقه او ارمله كانت تعاني من الوحدة والفراغ وتتوق للزواج .. تزوجت بفضل الله ثم دعواتكم الصادقه ؟؟

تدرون كم متزوجه انفطر قلبها على احتضان طفل .. وحرمت من احساس الامومه .. ورزقها الله بالحمل بعد دعواتكم ؟؟

تدرون كم عاطل وعاطله .. ومديون ومديونه .. فتح عليهم الكريم ابواب رزقه وكرمه بعدما رفعتوا اكف الضراعة و دعيتوا له بالرزق الحلال ؟؟

تدرون كم شمل كان مفترق و ألتم بعد دعواتكم ؟

كم وكم وكم .... و لو اعدد ماخلصت ,, و انا هنا بصدد الحديث عن الدعوات فقط .. يعني لو بتكلم في النصائح والتوجيهات و الكم الهائل من الفوائد .. يبيلي مجلدات

والله اني استغرب واتفاجأ وانا اقرا ردود بعض اللي عانوا من مشكلات .. تجي العضوة بعد فترة من كتابتها للموضوع الاول
وتقول بعد دعواتكم منّ الله علي بكذا وكذا

بعد دعواتك ماعاد صرت اعاني من الشيء الفلاني

بعد دعواتكم تحقق لي ما اتمنى

و و و الخ .. القائمة تطول






احيانا تكون الاستجابه سريعة و تبشرنا العضوة في نفس الموضوع

و احيانا تاخذ وقت اطول و تجي تبشرنا بعد فترة بموضوع مستقل

صرت الاحظ هالشي بشكل عجيب و ملفت صراحة !! .. واحيانا يكون اللي حصل وتحقق شبه معجزة !!

سبحان الله .. الذي لا يعجزه شيء في الارض ولا في السماء وهو السميع العليم

بس نحن بشر .. احيانا نظل الطريق و احيانا نعجز ونتكاسل و احيانا لا نعلم اي الطرق نسلك في طلب مانريد

و لكن تجون انتم يابنات حواء .. بقلب صااااااادق ونية طاهرة نقية .. و محبة حقيقية مجردة من اي مصلحة

ترفعون يديكم للسماء وتقولون ياااااااارب .. وكأنكم تدعون لانفسكم و يمكن اكثر

وبكل سهوله ويسر وكرم من رب العالمين تنفرج الكربات و تزول المعضلات ..!






يمكن تقولون بأنفسكم .. طيب وش تبين انتي الحين ؟ :biggrin:

اول شي ..

ابيكم سالمين

ابيكم متحابين

ابيكم متفاهمين ,, تلتمسون لبعضكم العذر .. تتسامحون وتعفون عن كل من اخطأ بحقكم او حصل بينكم وبينه مشكله

ابيكم تحافظون على هالمكان اللي جمعنا بمحبة وعطانا الكثيييييير الكثييييير

من ابسط حقوقه علينا اننا نتعاون .. ونحافظ عليه .. وقد مانقدر نحاول نتحكم بمشاعرنا

ونتغاااااضى عن اخطاء اخواتنا

فـ كلنا بشر .. ومحد معصوم من الخطأ ولا احد خالي من العيوب




وثاني شي ..

من لا يشكر الناس لا يشكر الله

ابي اشـــــكررررركـــــم من كـــــل قلبي على
كل كلمة
وكل حرف
وكل موضوع
وكل رد
وكل دعوة
وحتى على كل تفاعل بقلبك ماشفته بعيني لأي عضوة بالمنتدى

يكفي احساسك الصادق .. والله يكفي لانه ووووصل






وثالث شي ..

اذا اعجبك موضوعي .. ادعي لي ..

باللي تجود به نفسك ..

كل اللي يجي منك خير وبركة ,,

فـ دعواتكم والله مكسب و ابي يكون لي نصيب منه






وختاما ,, اعذروني على التعبير البسيط .. وعلى عفوية الموضوع

أحبـــــكم والله العظيم :26: