مـــا الحـــل مـــع أبنــتــــــي...؟؟؟

بختصار دلعيها والعبي معها وخليها على راحتها
افهميها واحتويها بنتك تخاف منك او من ابوها
لاتقولين معاملة يوم كيف معاملتكم معها طول السنة
صيري طفلة معها وصاحبيها بتحس اكثر بالامان وبتتغير
اقولك هالكلام عن تجربة شخصية مع بنت اخو زوجي
تخيلي امها وابوها عايشين وتقولي ليتك امي
كلمت امها عنها بس تحلف انها ماعمرها ضربتها بس ابوها عصبي
والام نفس حكايتك

شكلك موحمة عليها

ان شاء الله اذا ولدت تروح منك العصبية وتحني عليها

ادعي لها كل يوم بس

كانت بنتي الصغيرة عكس اخوانها ماتفهم شي بالمدرسة وكنت مقهووووووووووورة

منها جدا وبدأت ادعو لها كل يوم بان يفتح الله عليها ويسهل عليها طلب العلم

والحمد لله تحسنت كثيرا

الله يكون بعونك بس لازم تتقربين منها بالسواليف اللي تصلح لها
قولي لها وش تتمنين اجيب لك قصي لها بعض القصص الحلوه
حاولي تغيرين من نفسك شوي على شان تكسبينها

الله يكون بعونك روحوا لسوق مدينه الملاهي قولي لها اشتري تذكره
لاتروحي معهابس طالعيها اجيبها قولي روحي العبي بها وانتي وراها
يوم تشتروا ايس كريم او فشار او شوكولاتات قولي لها تقوله
ضميها يوم تجي من المدرسه احتويها قولي انا امك دخليها معك المطبخ خليها تشتغل معك
اشياء كثير
ولاتنسين تقرين عليها وقبل لاتطلع قوليلها تقراء ايه الكرسي
الله يحنن قلبك عليها ويتبر فيك يارب العالمين

الله يخليها لك يارب .. الحب يغير المستحيل أظهريلها حبك ..بس مو بالأهتمام الزايد عن حده ترى الأطفال اذكياء ويلفتون نظر اهلهم لهم بفعل الأشياء الي تضايقهم، تكلمي معاها عن أشياء كثيرة حكيها عنك لمن كنتي صغيرة وخذي رأيها بموقف صارلك واعملي برأيها عشان تزيد ثقتها بنفسها ، خليها في السوق تختارلك أوتختارلها وقليلها لأن ذوقك يعجبني . وأنتي تكلميها أوصفيها بالصفات الي تتمنيها تكون فيها مثلا ،، قوليلها بنتي ماشاء صريحة ماتخبي عني شي ، بنتي ماشاء الله قوية تدافع عن نفسها دايم ...ولا تنسي سمعيها كلمة أحبك دايم ، وصراحة لازم تبينيلها انك معجبة فيها . وصدقيني حتتغير مع الوقت بس طولي بالك