نعومه بطبعي @naaomh_btbaay
عضوة نشيطة
مـــجــمـــوعـــة مــن الـــصـــوانــــي لــلـــعـــشـــاء
تتميز الصواني بسرعتها ولذتها ونكهاتها المختلفه
حياكم
(صينية الدجاج بالليمون ) خطيرة وتتميز بطعمها الحامض مع البطاطس, وطعم البطاطس يكون لذيذ
مثل البطاطس اللي في ورق العنب ممممممممممممم
المقادير: دجاج مقطع ومملح وعليه بهار اسود وفلفل بابريكا بودره ورشه اعشاب
ايطاليه
قطعي كميه بصل شرايح وليمونتين
رصي الدجاج في بايركس وبعدين غطيه بشرايح البصل والليمون
حطي ملح وفلفل احمر واسود
ورشه اعشاب
وغطي الصينيه ودخليها الفرن
الحين بملقط ارفعي الدجاج على شرايح البصل
عشان تحمير الوجه دخليها تتحمر
الحين طريقه تقديمها اول حطي الخضار البصل والبطاطس بعدين
قطع الدجاااااااااااااااااااج
رهيبه وخفيفه ولذيذه
وعليكم بالف عااااااااااااااافيه
.
.
2- الصينيه الثانيه من اطباق الدجااااااااااج
صينيه الشاورما والدجاج ومخلل خيار وتنفع للفطور والسحور
المقادير:
قطعي بصل وثوم ناعم وقلبيه على النار لين يشقر ضيفي قطع صدور الدجاج مقطع بطريقه رقيقه مع قطع الفلفل الرومي
خليه لين ينشف الماء وحطي بهارات عليه :فلفل احمر مجروش بزار الدجاج ملعقتين خل وهنى سر النكهه الحلوة نص مكعب ماجي فلفل اسود
وخلطي وخليه يتسبك شوي وبعد ماتسبك الدجاج طفي النار
وقشري بطاطس وقطعيها اصابع واقليها في زيت غزير
ورصيها في بايركس اول طبقه فوقه طبقة الدجاج والفلفل :09: فوقه مخلل خيار
نجي للطبقه اللي بنغطي فيها الدجاج:علبه قشطه صغيره 4 ملاعق جبنه بوك وفص ثوم وفلفل اسود رشه وجبن سايل و3 ملاعق وموزريلا مبشور
وصبيه على الدجاج ودخليه الفرن
خليها تتحمر وتقدرين تلفين الدجاج مثل الشاورما
3- صينيه دجاج بخلطه رائعه ورهيبه
ع المقادير:::
في مقلاه قلبي كميه كبيره من شرايح البصل والثوم
لين يتغيرلونه ضيفي قطع الدجاج انا شلت الجلد وقليه شوي
تبلي الدجاج بمكعب ماجي وبزار دجاج وفلفل اسود وفلفل احمر وملعقتين ماء عشان يتسبك
وغطي الدجاج على نار هاديه لين ينضج
قبل ماتطفي النار بعشر دقايق ضيفي ونص كوب خضار مشكله
وردي غطي الدجاج حتى ينضج وطفي النار
حطي الدجاج في بايركس
مقادير الخلطه الرهيبه:
3ملاعق مايونيز بالثوم
3ملاعق جبن سايل
2ملاعق زبادي
ملعقه طحينيه.ملح .كركم.بزار دجاج.فلفل اسود
تقدرين تخلطيهم في الخلاط ثم اضيفي نص كوب بقدونس مقطع واخلطي الخليط
وحطيه على الوجهو غطي الدجاج
حمريها في الفرن بس من فوق ...
وبالعافية
34
10K
يلزم عليك تسجيل الدخول أولًا لكتابة تعليق.
ياسره
•
يعطيك العافيه
الصفحة الأخيرة