مرحبا
للاسف حفظتوا الاسطوانه انو عندي طبق بس من غير صور.. :(
المقادير :
|||||||||||||||||||||||||||||||||||||||
أي رز..والافضل باب الهند كلاسيك 2 كوب
سمك فيليه مقطع مكعبات متوسطة..واللي تبي كنعد..بس الفيليه الذ..الكمية اللي تبين ..انا حطيت 2فيليه
بصل مكعبات صغير او جوانح..حسب رغبتك
صلصة ..ملعقة
طماطماية واحدة
فليفلة باردة الكمية حسب رغبتك بس ماتكثري
بهارات عدله(صحيحة) قرفة..هيل ..قرنفل..ورق لاورو(غار)..لومي(ليمون اسود)
بزارك المعتاد..وفلفل اسود..وملح
زنجبيل رطب..ثوم..عصرة ليمون
سمن او زبدة او زيت..الافضل سمن
الطريقة :
::::::::::::::::::::::::::::::::::::
اولا..
الفيليه نكون مبهرينه بالبزار اللي تحبين وعصرة ليمون..ننقعه قبل نبدا الطبخ..
ثم نضع البصل ع النار المتوسطه من دون سمن ونقلب ونرش مويه..وبعد دقيقة نضيف السمن والبهارات الصحيحة وحبة ليمون اسود(لومي)
اذا احمر البصل او اشقر نضيف الثوم والزنجبيل ونقلب.بعد مايشقروا نضيف الفلفل البارد..
بعدين نضيف الطماطم المقطعه صغير بس مانكثر واحدة صغنونه..وبعد دقيقتين ملعقة الصلصة او ثنتين.وملح
اذا تسبك نضيف الفيليه ونقلب شوي عشر دقائق
نكون مخمرين الرز مده ثلث ساعه..وسلقناه نص سلق(انتبهوا نص سلق فقط)بمويا وملح فقط
بعد مرور العشر دقائق على السمك ناخذ من الرز المسلوق مقدار غرفة اوغرفتين ونخلطه بالسمك بهداااااااوة
والباقي نضيفه فوق السمك كطبقة ثانية.
نضيف بيالتين او ثلاث موية حارة او مرق دجاج اولحم عندنا مسبقا او موية مذوب فيها ماجي اللي تبين..
بهالوقت نكون مجهزين شيئين (الاول)..الحشوة..راح اذكرها بعدين..ونحطها فوق الرز..
والثاني بيالة موية حارة مضاف لها براس الملعقة الصغيرة صبغة زعفران وغطا موية ورد اوكادي.نحركهم ونكبهم فوق الرز وحشوته..
نحط عليهم علوب فلفل حار..
نكتمه بقصدير ونص ساعه ع نار هااااااادية ولانفتحه..الا حين الغرف..اوحين التاكد من حبة الرز استوت اولا
الحشوة:
::::::::::::::::::::::::::::::::::::::::
بصل مقطع مكعبات نحطه بقدر وع النار من دون دهن ونرشه بالمويه اذا نشف
اذا لان شوي نضيف سمن اوزبدة ونقلب دقيقة بس.
بعدها نضيف مسمنه للي عندها.. تقريبا ملعقة الاكل ..ورشة بسيطة زعفران ورششة هيل ورشة سكر..وشوية زبيب ونحرك نص دقيقة ونطفي عنه ونكبه ع الرز ..
اللي ماعندها مسمنه مومشكلة..تضيف ليمون اسود مطحون ملعقة الحلا مليانه,,رشة هيل ورشة زعفران ورشة قرفة.ورشة كمون اذا حابين الكمون.
لان المسمنه عبارة عن خليط من الليمون الاسود والهيل والقرفة والتمر المجفف وبعض انواع التوابل..مااعرفها تحديدا
ملاحظه:
:::::::::
مانخلي بصل الحشوة يتحمر لاااااا,,فقط يلين شوي لاننا حابين يكمل سواه مع الرز ع البخار..
اسفه ان مافي صور..بس اللي حابة اني اضيف اطباقي تقولي :) لان اخاف ماتلاقي اقبال بما انها غير مدعمه بصور..
والف صحة وهنا..
رائــعــة الكلمة @rayaa_alklm
محررة فضية
يلزم عليك تسجيل الدخول أولًا لكتابة تعليق.
يعاااااااااااافي قليباتكم وبالف هنا ان شالله
اتمنى اعرف اضيف صور والله منيتي
بس عاد الله يجعلني افهمها عشان افيدكم اكثر واكثر
كل الشكر لكم
اتمنى اعرف اضيف صور والله منيتي
بس عاد الله يجعلني افهمها عشان افيدكم اكثر واكثر
كل الشكر لكم
الصفحة الأخيرة
البنات يحبون الصور لانها تختصر كثير الكتابة يعني احياناً بدل ماتشرحين في 4 اسطر تكفي صورة تقول كل ذلك
بس طريقتك روعة وانا احب مشخول السمك الله يعافيك،