السلام عليكم ورحمة الله وبركاتة
مساء الخير ياحوائيات
عندي مشكله وابغى مشورتكن ولو انتي بمكاني وش تسوين..
عندي اخت الله يصلحها ويهديها اخلاقها ضيقه مره وتبغى الكل يمشئ على كلامها والابتزعل ..ومشكلتها الثانيه تحلل الحركات والكلام على كيفها وماتحلله الا بالطريقه السلبيه الله يصلحها بس..
وحسااسه بالحيل..
انا كنت اداريها واسايسها واخاف تفهمني غلط او تفسر حركاتي علىا لشيء السلبي ..
الي هي دائما تفكر فيه ماتفكر ابد ان الشخص سواء كذا لظروف او انه مجبور او انهماهو قاصد لا كل شيء
المهم يابنات انا اعطيتكن نبذه عن شخصيتها
والمشكله الي انا فيها
كنت استقبلها في اي وقت في بيتي . ماقول لها شيء تجي فجأه .. او تتتصل براحتها والوضع اوقات مايسمح
في الليل او اكون انا وزوجي صايمين
او يكون مشغوله.. مابين لها ابد اقول اختي وحياها اتحمل الضغوط مو مشكله ..
تطلب اروح اقضي معها مشاويرها .. اروح وكانت ماتعجبني خصوصا في الاسواق الله يصلحها طريقتها شوي الله يهديها ... اتضايقت انا وبدات انفرر من هالشيء
يوم تواعدني اروح معها السوق ماتحترم اي ظرف يصير لي او اي حالة طاريئة لي
تتصرف بكيفها ومافكرت في .. صارت تتطاول بالكلام على زوجي قدامي وتأفاف منه
وترمي بعض الكلمات..
وفي يومطلبت مني انروح لسوق ورحنا والي وصلنا زوجي
ويوم جاء زوجي يدق ويقول يلا انا انتظركن اطلعن .. رفضت تطلع معي وقالت انتوا روحوا وانا بتصل على فلان يجي ياخذني
وقلتلها عيب ومايصيرالي تسوينه... رحت لحالي وانا منكسفه لزوجي وقالي وين اختك قلت تقول ماهي رايحه معنا بتتصل على فلان وعصب قال لو صار فيها شيء انا المسؤل عنها وش هذي البنت وافكارها؟؟
وقال ماعاد تروحين معها لانها ماحترمتنا ولا عبرتنا خلي الي هي اتصلت عليه يوديها ويجيبها كل مابغت السوق
ومشينا...
يوم قابلتها قالت وش قال زوجك عني قلت ماقال شيء
لكن ماعاد اني رايحه معك السوق انتي شوفي لك احد غيري
مافي مشوار ماوديته له سوبرت ماركت احتاجته انا وزوجي وصلناها
عيادات مشتشفيات ... اسواق مولات اي شيء تطلبه احاول اوفر لها والله يابنات انكررت كل هالشيء
وصارت تتكلم علي من وراي وتقول ماهي اخت .. وتتكلم على زوجي عند الحريم انه مسيطر علي ومدري ويش
المهم انها من كثر ماصارت تكلم علي ويوم قلتلها ماعاد بروح معك شوفي غيري
قامت تدور بنات يروحن معها ومستغربات اني مارحت معها ليش اختك ماتروح معك .. ردت ما ابغاها تروح معي
وصارت فجوة قويه بيني وبينها ... وسببت مشكله بيني وبين خالتي بسبب كذبتها علي
ومازالت يابنات تكذب وتغير في الاحداث والقصص وتدرجها على كيفها وتقولها للبنات
وقالت لي خالتي لو تسمعين وش تقول عنك تنهبلين وتغير عليك اللي يسمع لها ... الله يسامحها بس
الحين هي نفاس ومابعد جيتها لها 10 ايام وماحس ان لي نفس اروح لها بس [ادي الواجب ومابغى قطيعة الرحم
اتصلت عليها وباركت لها على مولودها وتحمدت لها بالسلامه
وقلت لها تعالي في بيت امي اتشيلك عيوني واقوم فيك من الى
ماخليك تحتاجين شيء لولدتي
طنشت وماجات وراحت لبيت عمتها ام زوجها وانا مادري اروح هناكو الااخليها لين ترجع لبيتها شوورو علي الله يخليكم
وايش اسوي معها
وهي ماتصلت علي ابدا من 8 شهور تقريبا
شذ1 الورد 22 @shth1_alord_22
عضوة جديدة
يلزم عليك تسجيل الدخول أولًا لكتابة تعليق.
الله يصلح بينكم ياررب
الافضل خليها ترجع بيتها عشان تكوون فرصه لكم مع بعض يمكن تتصافى النفوس وترجعوون لبعض ...ونصيحه لا تآخذي ب الكلام الممنقوول لك ... الله يصلحها يارب
الافضل خليها ترجع بيتها عشان تكوون فرصه لكم مع بعض يمكن تتصافى النفوس وترجعوون لبعض ...ونصيحه لا تآخذي ب الكلام الممنقوول لك ... الله يصلحها يارب
الصفحة الأخيرة
مره فشله
بس الله يهدي نفووسكم