مــــع الســـــلامة يا ولـــــدي !!!!!

السلام عليكم

كنت متزوجة من 10 سنوات

وكنا نحلم انا وزوجي ان الله يرزقنا بولد لنا 10 سنوات وربنا مارزقنا بطفل

لين السنة الأخيرة لزواجنا قبل مانتطلق

جبت ولد وفرحت فيه

وزوجي طبعا رجل اعمال يحب السفر كثير

ونا طول وقتي عند امي في النفاس اداعب ولدي ويبكي لي واصير جنبه ويحس بالامان

ولما صار ولدي عمره 6 شهور

تزوج بنت احلى مني

نعم احلى مني زي اللي يطلعون بالتلفزيون واحلى بكثير

جابها قدامي وانا ارضع ولدي بالصالة

وخذها للغرفة ودمعتي تذرف من عيوني وانا أنوّم ولدي في ظلمة الصالة وهو يتمتع فيها بالغرفة بنفس الوقت

وانا جالسه اهدّي ولدي ، كنت اتذكر كلامه الحلو والأمان : صدقيني ياحياتي ان جبتي لي طفل ما اقدر استغني عنك ، وان الله ما كتب لنا ان تجيبين طفل فاسمحي لي اتزوج وحده ثانية ، قلت له هذا حقك اذا ماجبنا ولد ..!!!

لكن لما الله كتب بفضله وكرمه سبحانه وتعالى
وارزقني بولد
وتم عمره 6 شهور وانا اخليه ولدي بصدري أرضعه وأهدّيه
فاجأني زوجي انه دخل البيت وعلى طول للصالة ويناظرني وانا عيني على الارض ودمعتي تذرف وكأن ماهو موجود
ودخلو الغرفة
وانا جالسه انشد لولدي نشيد وانا ابكي وكلي ضعف

لين ثاني يوم
خططت زوجته الثانية ان تاخذ ولدي مني

وحرمتني من ولدي

وطردني زوجي من بيتي

وأرسل ورقة الطلاق بعدها بكم يوم الى بيت اهلي ببداية رمضان

وسافر ولدي بأول ايام العيد

وانا آخر مره شفته يوم كان عمره 6 شهور

والحين عمره 10 شهور و14 اسبوع وثلاثة ايام و23 ساعة

كنت حاسه ان زوجي بيتزوج علي يوم انا بالنفاس

كان اسلوبه معي بارد
وكان يسألني وكأنه يمزح معي انه بيتزوج علي يبي يختبر اسلوبي

لين جتني صديقتي اللي ماقد زارتني من سنين
لكنها مخلصه معي في الشدة
جتني وقالت لي ترى زوجك تزوج بنت من بنات قريباتي وتوني دريت انه زوجك
انا جيت وعلمتك
ولما سألت وبحثت
عرفت ان زوجي تزوج علي
ومع وحده احسن مواصفات مني


وبالنسبة لولدي
يشهد علي الله
اني مانمت لي 4 ايام من اول من حرمني ولدي
كل اسبوع ما انام 4 ايام
اتذكر ولدي

رحت مستشفى الامل
وراجعت وخذيت ادوية

تعالج نفسيتي التعبانة

والادوية مامنها فايده

ادخل النت حسب شور اختي اللي اكبر مني وهي ام نوفه

واتطلع للمواضيع وانا تفكيري كله على ولدي


والحين ابيكم تشهدون معي

ان تسلمون لي على ولدي

وتقولون له امك ياعساها تفداك اشتاقت لك
ليته يشوف اللحم اللي طلع من ذراعي
لما جرحت نفسي من القهر عشانه راح مني
ليته يشوف الدم اللي ينزف من خشمي كل يوم بدون سبب
اللي احسه بسبب آلآمي لما راح عني

ولدي ياسرررر

ياسررررر


مع السلامة ياولدي