منــولا
•
- ما هي أخبارك الإيمانية ؟ هل زاد إيمانك في الغربة ؟
جيدهـ ولله الحمد ونجتهد دائما ونرجـو من الله التوفـيق ...
وندعو الله أن يزيدنا تقـربا منه واخلاصــا له ...
بالغـربه ... هناك امور بعدت عنها .... مـثلا صيام العـشر .. عاشوراء ... وصيام الستة من شوال
تعرفـون مسألة تصـومي لوحدك هـذا مجهد ... ولأني بالبيت لوحدي اصوم اجد صعـوبة .. فزوجي يكـتفي بالفـرائض ويوم عرفه فقط
يوم كنت عند اهـلي ...الكل يصوم .. وعاملين اجواء صيام زي رمضان ... بس لوحدي هنا عجزت والاخ مو راضي يتعاون ... وان شااء الله بيكون لنا النيه ...
استخدم ساعه الفجـر ...لمواعيد الصـلاة ... وميزة ماليزيا الاذان نسمعه بأي مكان لكن من المنزل بيكون الصوت منخفض ولذا لازم من الاشعار بوقت الصلاة ...
احاول جاهده ماانسى سورة الكهف يوم الجمعه ... اما بقراءتها او سماعها ..
وكيف استطعت تعويض الأجواء الروحية في بلادنا الإسلامية ؟
ابد مافيش زي الاجواء اللي ببلدنا او اللي تعودنا عليه
اول سنة بالغربه صمت رمضان هنا ... ولا كأنو رمضان ... لا اجواء رمضانيه .. رغم الحمدلله افضل من اكثر الدول كون التراويح يصلونها بالمساجد ... بس اللي اقصده الاجواء الرمضانيه مافي ...
والحج نفس الشيء >>متعوده ع التلفزيون السعودي وشعائر الحج ههههه بس بجد فقدته .. وصرت افتح ع التلفزيون السعودي من الانترنت لأن هنا مافيش قنوات عربيه ...
يعني حاولت اعمل جو بالبيت ... روحاني ...
- هل وجدت صعوبات في الحجاب ؟ وما تنصحين به أخواتك ؟
ابد مافيش صعوبه لكـن حجابي غير متكلف حتى لا اضع نفـسي بموقف محرج فمثلا اسوي لثامه بدلا من غطاء الوجه كاملا لأني عايشت مواقف لصحباتي احراج ..الاطفال يخافون ويبكون عندما يرون شيء اسود يمشي ...
واللي بيقول نينجا ... هالمواقف موجوده رغم هالدولة اسلاميه وكثرة المسلمين والعرب فيها وكثرة المحجبات ولكنها موجوده ... والاطفال بيكونو صينيين او هنود ...
انصح اخواتي بالتسمك بالحجاب اي كان نوعه وعدم التفريط فيه وحسب الدولة اللي انتي فيها ... ولكن ايضا لا نأخذ ذلك عذرا ونتهاون
عني البس عباية قصيرة >>يسمى بالطو وبنطلون واسع .. >>>نختلف انا وزوجي على طول العباية ههههه ودائما نتعارك عند تفصيل هالنوع ههههههه والمضحك الاختلاف بشيء بسيط من الطول هع
- هل زادت مسؤولياتك في الغربة ؟
مممم مااقدر احكم لأني اتزوجت وعرفت بالمسؤليه هناااا بالغربه ...
ومرت علي تجارب جديدهـ هنا بالغربـه ...
- كيف تمضين وقتك وتنظمينه؟
اكـره التنيظم الغـير مرن .. لأني اراه روتينيا... واكره الروتين احسه حاجة تخنق هههه
احـب البساطه والغير تكلف سواء في تنظيم امـوري او حتى ترتيب حياتي
كل يوم تشرق شمس جديد تصبح لدي حياة جميلة ويوم جديد ...
هناك فقط بعض الاشياء .. لا ... اتنازل عنها ... البيت مرتب ونظيف والمطبخ مرتب ويلمع ...
وعدا هالامرين كل شيء بيكون مرن لأن نظافه المكان وترتيبه تريح النفـس والاعصاب ...
حتى اطفالي اعطيهم الاكل اجعلهم يتعلمون الاكل دون تشدد ودون مبالغه ..بيوسخو المكان وملابسهم ... لا مشكلة ..حتى يتعلمو لازم يجربو كل شيء ... هكذا احـب ..
>> حاسه حالي شطحت هههههه
وقتـي بيكون لزوجي اغلب شيء >> المدلل ههههه كون عندي خادمة مسئوله عن نظافه البيت ونظافة اطفالي
ووقت لنـفسي ... ولأطفالي ...
تمضية ساعات نهاري بين الجلوس مع اطفالي ... وزوجي له وقت ... والانترنت وهوايتي التصميم والقراءة لتطوير الذات ... والخروج لتنزهـ برفقة ابني الكبير ...او الخروج كلنا لأحد الاماكن او المولات ...او الجلسات النسائيه وهذا احبه ههههه >>سواليف ممتعه هع
طبعا كلامي بيكون بشكل عام دون النظر لأساسيات كالصلاة والقرآن ..لأنها اساسي مثل الاكل والشرب لا داعي لذكرها هنا ...
- هل مررت بتجارب صعبة ؟ كيف تغلبتي عليها ؟ وماذا تعلمتي منها ؟
يكفيني تجربة الحمـل والولادهـ لوحدي بالغربه ... وكخبرة جديده علي
يكفيني تجربة تربية طفل وحمله بين ايدي رغم عدم معرفتي بالتعامل مع حديثي الولادهـ وعدم خبرتي في الاهتمام بالاطفال
تغلبت عليهــا بفضل الله ثم بمســاعدة زوجي ... للحق وقف معي .. ساعدني ... كان بمثابة الاب والاخ والصديق وقت نفـاسي وعلمني كيف احمل الطفل واحممه ... حتى بالمستشفى علموني كيف اغير حفائظة ههههه اقول لكم والله كنت بعيده عن عالم الاطفال قبل زواجي ولا كنت ادري عنهم ههههه كان لي عالمي التصميم ثم التصميم ...
تعلمت كيف اعتمد على نفـسي .... ولا انتظر احدا ...
ايـضا من الصعاب اللي مررت فيها ... لما نتخاصم انا وزوجي ...واكون غلطانه من وجهة نظره ..ازعل .. وبيكون عندي الجدار اطق راسي فيها هههههه بس احلى مافي هالامـر ... المشكلة والاختلاف بسرعه تروح لأن لا اهلي ولا اهله هنا ومالنا الا بعـض ...فصرت اتغلب على كبريائي واضغط على نفسي وتغلبت على هالامر وللحق اصبحت الان اهدأ بكثير وأستحمل اكثر .. وعندي طولة بال ...
- هل أصابك الإكتئاب في الغربة ؟ كيف ولماذا ؟ وماذا تنصحين أخواتك حتى لا يقعن في براثنه ؟
الاكتئاب قد اقول نعم .. بداية حمـلي .. كنت بكريه لا علم لها بالحمل ومشاكله ... زوجي لديه دراسه ... وانا احتاج لرعايه ودلع هههههه ...
ايضا بعد ولادتي وبفترة النفاس ...هناك طفـل جديد بحياتي ... كيف اتحمل مسؤليته ... يقطع علي النوم ... كثرة المسئوليااات دفعه واحده علي سبب لي اكتئاب وطـفش فضيع ..ولأني كنت متذمرة وغير متقبله للواقع اصبت بالاكتئاب ... لكن الحمدلله تغلبت عليها بمساعده زوجي ...
الاكتئاب شيء خطير لو وقعت فيه احدانا ومافي احد بيساعدها ممكن تنجرف وراه .. وتتدهور اكـثر ..
عند احساسك بالاكتئاب عليك بالقرآن ثم القرآن ثم القرآن ...تهدي النفوس بشكل عجيب ورهيب سبحانك ربــي
- إذكري لنا موقفا طريفا مررت به , وموقفا أخذتي منه عظة وعبرة ؟
هههههه ياكـثر المواقف هههههه الطريفه هع
اول موقف اتذكره اضحك اول شهور استقراري هنا ... ذهبنا لسوبر ماركت انا وزوجي نشتري للمطبخ ... المهم كان قبل محل السوبر ماركت محل لحوم ... ومكتوب عليه بالملاوي مو حلال (خنزير)
حنا بكل ثقة دخلنا هالمحل ونبي نشتري ههههههه طبعا مافهمنا شو الكلام المكتوب بالملاوي ولفت انتباهنا اشكال اللحوم حمراء ومرتبه ومقطعه بعدة اشكال ..لاحظو بعابتي وداخله محل لحم خنزير ... لا ومن زود الثقة امسك صحون فيه اللحوم واقول لزوجي دا حلو ودا ينفع لكذا بالطبخ وبنحط بالعربيه ههههههه وربي تحوفة اشكالنا ..شوي جت وحده بائعه تقول سوري هذا المحل مو حلال ... يوم ناظرنا زين الا راس الخنزير معلق ههههههههه في واجهة المحل >> هههههه عاد اتخيلو الباقي كيف خرجنا وحنا فاطسين ضحك ..~
وبرضوا مرا رحنا لجنتق >> مناطق مرتفعه وبارده جـدا ...عندهم مول دخلناهـ
في احد الادوار كان في محل مدري شو اسمه .. بس فيه القمـار وديكووره خيال وحاطين احواض سمك وطبعا لا يخلو من الشراب والخمر ..وكالعادة بكل ثقة نبي ندخل هالمحل هههههههه من باب الفضول والاستكشاف الا طبعا السيكورتي بيقول لا لا هذا المكان غير لائق ومو حلال هههههههه >> مانتوب
وقال زوجي عشان عبايتك هههه والا ماكان احد اتكلم ههههههه
اما موقف عظة وعبرة ممكن بس لا يحضرني الان ...^_^
برب للخرجــات ....
شام
•
ما شاءا لله عليك يا منولا ...
باين عليك ظلك خفيف " خفيفه الدم " وظريفه ..مستمتعين باللقاء معك
أكملي ..
باين عليك ظلك خفيف " خفيفه الدم " وظريفه ..مستمتعين باللقاء معك
أكملي ..
متابعة باستمتاع :)
اضحكتتي مواقفك . كما أنكِ بالضبط مثلي .. سافرت بعد 12 يومًا من الزواج .. :)
اضحكتتي مواقفك . كما أنكِ بالضبط مثلي .. سافرت بعد 12 يومًا من الزواج .. :)
الصفحة الأخيرة
مع الجو الرائــع
ومن شـرفتي
وع فنجان شاهـي
أشكرك يــا شــام
- كيف تعرفتي على ملتقى الأحبة المغتربات و كم ساعة يوميا تقضينها فيه ؟
تعرفـت عليه بالصــدفه عندمـا كنت حـامــل بابني الثاني
ولأن حملي هذا جاء بعد الاربعين وجاء بسرعه دون اي تخطيط فكنت مرا زعلانه وفيني اكتئاب وجلست ابحث بقوقل عن تجمع الحوامل بالغربه ..وكان اول موضوع دخلته موضوع الحوامل وبعدهـا جلست اتصفح القسم أكثر ووجدت مواضيع رائعه شدتني وكان اولها موضوع لقمة هنيه >> ههههه ترون مو دب
بس عن جد استفدت منه >> زي طريقة القشطه ^_^
وبعدين اكتشفت انه في موضوع تجمع ماليزيا
وجلست اتابع التسلسلات القديمه له وصـراحه صـار اكثر وقتي اقضيه بالانترنت في هذا القـسم ...
حتى لو كنت فقط اتصفح دون الكتااابه
كم سـاعه ... مممم مدري كل مادخلت ع النت لازم يكون هالقسم مفتـوح عندي ...
- ما هو بلدك الأصلي , وما هو بلد إغترابك ؟
بلدي السعوديه
وبلد الاغتراب ماليزيــا
- ما سبب اغترابك وكم سنة لك بالغربة ؟
مرافقة زوجـي لدراسة الدكتـوراهـ . .. لـي سنتين ...
- كيف كان شعورك عند وصولك لأرض الإغتراب ؟
مممم شعوري ممكن كــان غريب شـوي
بحكم اني عروسة سافرت وكان لي 12 يوم زواج وع اساس بيكون شهـر عسـل وبعدين نبدأ رحلة الاغتراب ..
فماا أدري كان عندي نوع من الحماس لمعرفة البلد اللي رايحين له
واستغلال كل وقتي بالتعرف على اراضيه الخضـراء
وكمان متحمسه اشوف شقتي وبيتي >> توني عروس ههههه
وفيني رجة بدي كل شيء على سنقة عشـرة من اولها ههههه
- ما هي الأشياء الصعبة التي وجدتها في المكان الجديد ؟
اول شيء التأقلم بحياتي الجديدهـ ..الحياة الزوجيـه ..
اتقبل فكرة ماراح اشوف اهـلي قريب ...
عدم خـبرتي في الحـياة ... وعدم معرفتي بماليزيا واسواقها وش فيها وش مافيها >> اذكـر حالة مرت علي
عندما اردت ان اطـبخ وكااان اول طبخ بعد شهـر من زواجــي >> ليس هناك اي نوع من البهارات ولأنني لم اكلف على نفسي العنـاء والبحث بالانترنت عن الاغراض اللي اجيبها معي عندما اغترب فما جبت غير جهازي فقط هههه
ولما نروح السوبر ماركات مااحصل البهارات ولا شيء >> الان موجود وبكثرة بس مدري ليش هذيك الايام ماكنت اشوفها ههههه بس عن جـد جلسنا حايسين انا ووزوجي تخيلنا مافيش بهارات ابد ومانقدر نستخدم غير الملح ههههه
عــشان كذا انصح وبشدهـ من يغترب ياخذ جوله عن طبيعه البلد وش النواقص اللي ممكن يجيبها معه ^_^
ايـضا عدم وجود سيارة في الشهرين الاوليين بحكم اننا نتمشى كعرسان في شهـر .. والشهـر اللي بعده نـريد الاستقرار واستأجرنا شقة مفروشة أسهـل لنا لكن بها نواقص كثيرة وشوفي كيف تروحي للمولات بدون سيارة ... معاناه بقوة ... حتى التاكسي .. ماكان يتوفـر بسهولة وبيكون معنا اغراض كثيرة ... ويوم اشترينا سيارة ..عرفنا قيمته وقد ايش مهم وقد ايش يغنيك عن الوقفة بالشارع والانتظار وممكن تحصلي احد وممكن لا ...
- ما اكثر الأشياء التي تفتقدينها في الغربة ؟ وهل حاولت تعويضها ؟ وكيف استطعت ذلك ؟
حالــيا لا شــيء ... سـوى احتاج لمرات اجلس بحـضن والدتــي حفظهــا الله
الحمدلله على كـل شيء ... ونحمد الله ونشكرهـ على فـضله ..
- كيف تتواصلين مع اهلك ؟ وكيف تتغلبين على مشاعر الشوق والحنين لهم ؟
التـواصــل يومـيا بالمـاسنجــر .. >> لذا انا مو حاسه اني فاقدتهم ^_^ .. غير كذا كل سنة دراسيه نسافـر السعوديه ونجلس 3 شهـور اجازة واجلسها كلها عند اهـلي ...
واسبوعيا بالجوال >> مرات تجيني لهفة وحنين لمامتي واتصل كل يومـين لحد مرا قالت لا يكون فيك شيء ههههه