شخباركم بنات
وحشتوني
اعذروني لاهيه عنكم :)
بس مشاغل العيال مثل ما تعرفون غير مسؤلياتي الجديده :)
بنات الامارات
اذا لقيتوا حفاظات غير عن بامبرز او هجيز او بامبي خبروني لاني مو مرتاحه عليهم
بنات انا قدمت على وظيفه في شركه الاتصالات الجديده
دو
ادعولي انهم يقبلوني ان شاء الله
يبيلي اروح امتحن الامتحانين الي بقولي من الرخصه الدوليه للكمبيوتر
بس مو لاقيه وقت ولين في وقت ما يكون حد فاضي يوديني
يبيلي ارجع اتعلم سواقه علشان اقضي اشغالي
صار لي خمس سنوات ما سقت و نسيت
حمودي بديت ادورله روضه للسنه القادمه ان شاء الله
تقريبا استقريت على المدرسه الوطنيه بعجمان
رسومهم للكي جي 1
5500 تقريبا حلو؟؟
هم لو يقبلونه الحين زين
ما شاء الله عليه شطانه الدنيا متركزه فيه
يكسر و يخرب و يضرب
مع اني هامله اخته بس علشان ما يغار
بنات ادعولي نلتم انا وزجي و عيالي في بيت واحد
تعبنا من الفراق
الدكتوره قالت لي اول ما بنتي تدخل الشهر الرابع ابتدي اعطيها اكل
يعني بعد اسبوعين ان شاء الله
بس نسيت اسألها شو اعطيها بالضبط؟؟
ممكن اعطيها رز مهروس؟؟
شخباركم بنات
وحشتوني
اعذروني لاهيه عنكم :)
بس مشاغل العيال مثل ما تعرفون غير مسؤلياتي...
والله مكانج مبين
على الحفاظات قلت لج عن ليبرو حاولي انج تسئلين عنه بس زين انج قلتي لي انا بروح دبي ويا زوجي وباخذ حمود لازم آخذ هالحفظات أخاف اتوهق هناك
ان شاء الله يقبلونج وبالتوفيق
آآآخ لا تقولين عن الشطانه ولدي كان شيطان بس وصلت دانه صار دبل شطانه بس ماني مدخلته هالسنه بدخله السنه الجايه ان شاء الله
عجبني توقيعج مال الوزن بسوي مثله لأني نزل وزني من الولادة لي الحين 12 كيلو 7 بعد الولادة مباشرة و2 كيلو من بعد الولادة لي قبل الرجيم و3 كيلو من بديت الرجيم قبل اسبوع
ادعو لي بنات الله يقوي ارادتي ويصبرني وانزل ال 20 كيلو الباجين