السلام عليكم،
باركولي باجر يكمل ولدي الشهر وعقب باجر موعد التطهير >>> قلت لامي تدخل معاه انا ماراح اتحمله يبجي ويصيح ببجي معاه

ماميتو>> حمودي وين طهرتيه؟؟؟

بنات>>> سؤالي:::::شو اسوي لولدي عقب الطهور؟؟ عشان يخف بسرعة؟

بنت طيبة>>> بما انه اول ولد وماعندي حد يخربله النظام
انا بس اروح بيتي بنظمه أكثر بستخدم اسلوب الترضيع والحمام
حاليا لاحظته يقعد اكثر من اول>>> بعد ما يرضع يدوخ وعقب الحمام يدوخ عدل

سلامي للجميع

برد ومطر متواصل من 12 ســـــــــــــــــــــــاعة

أم عـبـدالـرحـمـن
الله يعطيك العافية على هالملف..
وأشكر حبيبتي OM LEEN اللي أعطتني الرابط..تراي قاعدة ساعة أتزيّن وأتكشخ قبل أجيكم..خبركم طالعة من نفاس وقاعدة ساعة أحاول أدخل بالمشد عشان يروح البطن:hahaha:

أسم العضوة : بسمة براءة
تاريخ الولادة :4/10/2006
اسم المولود : تــركي<==ياحبيلووو

مامتو لحمادينو
الله يعافيك على هالأسئلة..لو ماحطيتيها إن كان قعدت أهذر وأهذر..خطر يصكون الملف من هذرتي:22:

- شنو نوع الحفاظات اللي تستخدمينها ؟ وهل هي مناسبه ؟ وليش استخدميتها ؟
بامبرز..بس أحسها بسرعة تتسرب..صحيح ماتجيب طفح بس ما أحسها تمنع التسرب..شكلي ابجرب هجيز يمدحونها..استخدمتها لأني استخدمتها في ولدي البكر وماكان فيها أي مشكلة..

2- اذا كنتي ترضعين صناعي : شنو اسم الحليب ؟ وليش اخترتيه ؟ وهل مسبب اي شي في بطن البيبي؟ وكم سانتي يشرب؟
أستخدم:بليميل بلس..المستشفى عطوني كم علبة يوم طلعت وشفت إنه مناسبه واستمريت عليه..أعطيه رضعة تمر 90 مليلتر مرتين يوميا..وكل يومين ثلاثة رضعة نعناع وبس..

3- اي منتجات التنظيف اللي تستخدمينهم حق حمام البيبي ؟
كنت أستخدم جونسون,,بس اكتشفت إن بشرة ولدي حساسة,, فـ كتب له الدكتور صابونة طبية إسمها Vanicream ومعها كريم مننفس الماركة والحمدلله خف التحسس كثيرررررر..وأفكر أستخدم سيباميد لأنهم يمدحونها..

4- تمهدين البيبي ولا لأ ؟ طول اليوم ولا بس حق النوم؟
لازم ..يوميا والا ما ينام زين..خصوصا هاليومين مع شدة البرد أرتاح إذا مهدته..أحسه ينام دفيان..

واي وحده تعطي البيبي غير الحليب تقول لنا شنو تعطيه وليش وعلى اي اساس ؟؟؟
أعطيه مريسة=منقوع التمر..مرتين باليوم..من يوم استمريت عليها خف الامساك كثير ولله الحمد..بس كثرت الغازات شوي,,صرت أسوي له نعناع وارتاح عليه..

وسلامتكم..
بس ودي أسألكم..عوّدتو بيبيهاتكم على المصاصة؟
أنا عودته وأنا بالأربعين,,بس أحس تعلق فيها مرة لدرجة إذا طاحت وهو بينام يقعد يصيح لين أجي وأعطيه إياها..أخاف يصير من هالبزران اللي يكمل سنتين وهو مصاصته بفمه!

ام لين و بسمه براءه حياكم الله

بسمة براءة

هلا وسهلا فيج نورتي الملف حبوبه .. بالنسبة للمصاصه ودي ولدي يتعلق فيها لكنه مب راضي يمسكها ما ادري ليش .. ابا يتعود عليها عشان ارتاح شوي في الطلعه وما يظل يصيح لين ارضعه .. يعني يتصبر شوي بالمصاصه .