1- شنو نوع الحفاظات اللي تستخدمينها ؟ بامبيرز واوقات هاكيز يعني حسب العرض بشتري الحفايض
وهل هي مناسبه ؟ اي والحمد لله
وليش استخدميتها ؟ شفتها اكوس نوع فلذلك استخدمتها

2- اذا كنتي ترضعين صناعي : شنو اسم الحليب ؟ وليش اخترتيه ؟ وهل مسبب اي شي في بطن البيبي؟ الحمد لله ماارضعه صناعي
وكم سانتي يشرب؟ ارضعه تقريبا 80 مل واوقات يشرب 100 مل
3- اي منتجات التنظيف اللي تستخدمينهم حق حمام البيبي ؟ جونسون فقط
4- تمهدين البيبي ولا لأ ؟ طول اليوم ولا بس حق النوم؟ امهدو طول اليوم عشان معدته ماتبرد وبنام كويشس اذا مهدته

والله اسالتك حلوة
وياريت كل وحدة تجحاوب عليها

انا راح اجاوب حاليا وبشوف اجوبتكم لاحقا <<< حلوه لاحقا ههههههه

1- شنو نوع الحفاظات اللي تستخدمينها ؟ وهل هي مناسبه ؟ وليش استخدميتها ؟

الحفاظات اسمها ليبرو لأني استخدمتها حق حمود ولي الحين استخدمها حقه الصراحه صج غاليه بس ما تطلع ريحه ولا تسرب وقطن مريحه ما تسبب اي التهابات والصراحه مناسبه جدا لهم ما عانيت منها بشي

2- اذا كنتي ترضعين صناعي : شنو اسم الحليب ؟ وليش اخترتيه ؟ وهل مسبب اي شي في بطن البيبي؟ وكم سانتي يشرب؟

اول شي من المستشفى عطوني اس 26 الله لا يعوده لنا ذبح بنتي من الامساك والغازاااااااات والبكااااااء طوووول اليوم والحين من استشارة الطبيب عطاني ابتاميل كمفورت صج شكله غريب خاثر وثقيل وغيرت الحلمات لميديوم عشان تقدر تشرب بس ريحها تقريبا خفت عليها الغازات والامساك صج موجودين بس نسبيا للحليب السابق اخف ودندونه تشرب 3 سانتي اذا كانت جوعانه و2 اذا مو جوعانه وايد بس احس انه شويه ودي اعطيها 4 سانتي عشان يمليها وتكبر <<<< شنو ناويه عليها لوووول

3- اي منتجات التنظيف اللي تستخدمينهم حق حمام البيبي ؟

والله حاليا امي اللي شاريتهم عشان اهي اللي تحممها وتغسلها وتستخدم سيباميد (الشامبو والصابونه واللوشن) اما البيبي اويل وكلينيكس مرطب والبودرة جونسون لكن اذا رديت بيتي عندي هناك منتجات مذركير

4- تمهدين البيبي ولا لأ ؟ طول اليوم ولا بس حق النوم؟

لا والله ما امهدها نهائيا بس مهدتها اول 10 ايام فقط وبعدين دايما انومها على بطنها طول الليل عشان لا تتفزز وتتعصر من بطنها واشوفها الحمدلله مرتاحه على هالنومه وتطول بنومتها جذي

اعطيها غير الحليب شاي ينسون بحبة حلوة ونقطة عسل رضعه او رضعتين باليوم على حسب حالة بطنها



نزين بنات بغيت اسألكم طلع بوجه بنتي حبوب يقول لي الطبيب لا تحطين لها شي يروح بروحه مادري انتو يطلع حق عيالكم مثلها ؟؟؟

مامتو لحمادينو
هلا عزيزتي
حلوة اسألتج ومفيدة
العفو حبيبتي .. وبالعكس ملاحظتج على العين والرأس

يالله بجاوب على اسألتج

1-شنو نوع الحفاظات اللي تستخدمينها ؟ وهل هي مناسبه ؟ وليش استخدميتها ؟
حفاظات بامبرز واحسبها تعيسه جدا .. ومب عارفه شو آخذ بدييييييل

2- اذا كنتي ترضعين صناعي : شنو اسم الحليب ؟ وليش اخترتيه ؟ وهل مسبب اي شي في بطن البيبي؟ وكم سانتي يشرب؟
الحمدلله ارضعه طبيعي وافكر اعطيه الصناعي بعد 6 شهور وان شاء الله بعطيه نان

3- اي منتجات التنظيف اللي تستخدمينهم حق حمام البيبي ؟
بيبي جونسون للتحميم أما مناديل التغيير للحفاظ سببته حساسيه وحاليا بس اغسله بالماء

4- تمهدين البيبي ولا لأ ؟ طول اليوم ولا بس حق النوم؟
امهده حق النوم وحق الطلعه عشان ما يبرد

نزين بنات بغيت اسألكم طلع بوجه بنتي حبوب يقول لي الطبيب لا تحطين لها شي يروح بروحه مادري انتو يطلع حق عيالكم مثلها ؟؟؟
انا ولدي نفس الشي اخدوده ورأسه شوي وما استخدمت له الا بودرة جونسن احسبها نشفت الحبوب شوي

س:_ كم مره تحممون البيبي حمام كامل في الاسبوع ؟؟
انا عني يوميا اغسله عدل بس حمام كامل تقريبا كل 4 ايام

:_ كم مره تحممون البيبي حمام كامل في الاسبوع ؟؟

والله انا يوميا اغسلها الصبح اول ما تصحى واذا خرجت بطنها اغسلها بعد
اما الحمام الكامل يوم بعد يوم