أم عـبـدالـرحـمـن :

مردف حبوبه بجاوب على سؤالج .. نادر ما تلقين ريال تغير من بعد الانجاب .. بس انتي دام ريلج من النوع الي دوم لاهي .. حاولي تعلقين الولد فيه وايد حاولي يشاركج لو شي بسيط مسؤوليتج ويا ولدج .. لو يمسكه شوي عنج يو بتدخلين الحمام عزج الله .. اهم شي يتعلق في ولده من الحين لين يكمل الولد سنتين بتلقينه ما يقدر يستغنى عنه شي ثاني كثري طلعات وياه لو مالج حاجه .

مردف حبوبه بجاوب على سؤالج .. نادر ما تلقين ريال تغير من بعد الانجاب .. بس انتي دام ريلج من...

مامتو لحمادينو :

السلااااااااااام جيتكم بعد كم يوم غيبه رديت عند زوجي في بيت اهله وبدأ الشقا والتعب حمود متعلق فيني بشكل مو طبيعي ما يبيني اتحرك شبر واحد عنه حتى مكرمين الحمام ما يخليني ادخل يبكي اذا خليته واذا كنت ماسكه دانه يتصرف تصرفات تنرفزني بس عشان يلفت نظري واقوم له ودانه اسم الله عليها حنانه وتبكي من احطها بفراشها كل تبي اشيلها سهر بالليل وماكو نوم بالنهار حتى لو دانه نايمه اكون قاعده مع حمود زوجي مشغول بالمخيم مو متواجد معانا بالبيت وساعات يرد متأخر وساعات ينام هناك ، الحالة تعيسه واليوم زعل مني طلعت مني كلمة غير مقصوده وخذه بخاطره عليها وما يكلمني بعد ما وصلني بيت اهلي اتصل عليه ما يرد علي وهو من النوع الحساس ويعصب بسرعه ويكبر المسائل تأسفت له بس ماكو فايده الله يستر لا تطول الزعله :( نفسيتي تعبانه من كل صوب والله حتى الأكل ما آكل صج اني مسوية رجيم لكن حتى وجباتي الأساسية ما آكلها أحس اني مضغوطه نفسيا وجسديا وعقليا اكلمكم وانا ابكي من القهر اللي بقلبي ماني عارفه شلون اتصرف نوني آسفه رديت عليج متأخره اللهوم من حواي ايراني امي شاريته اما على حمود طهرته بطيبه كلينيك ام حمني على النيو لوك ان شاء الله باكر بروح الصالون بس اقص شعري صبغ ما اقدر اصبغ لأني مملسه شعري وراح يحترق اذا صبغته بنطر عليه كم شهر جدام وبحط حنه احلى على نوم اليهال اتمنى انه يتعدل لأنهم كلهم بغرفه وحده كل واحد يبكي يصحي الثاني لو نايم :( أدري دخلتكم بهمومي بس شسوي انتو خواتي ومالي غيركم سامحوني

السلااااااااااام جيتكم بعد كم يوم غيبه رديت عند زوجي في بيت اهله وبدأ الشقا والتعب حمود متعلق...