لجونه

ما تشوفين شر عمري

بأعطيك دوا طبيعي بس تاخذينه وما تقولين وععع

ملعقه كبيرة شاي تلهمينها مثل اللهوم يعني تبلعينه وتشربين فوقه ماي
وتخلطين لومي اسود مطحوم + بن وتاخذين ملعقة وسط

واعملي لك بطاطا مسلوقه + رز مسلوق بدون دهن + روب خالي الدسم (لأن الدسم يزيد الإسهال) واكليهم وبتشوفين الفرق من اول يوم (عن تجربة) امي دايما تسوي لنا جذي ومن اول يوم نطيب

ام حمني
احسن يجي له وهو صغير احسن من اذا كبر لا يضيق خلقج ياخذ مناعه من هو صغير بس اهم شي كل يوم حمميه ولا تغسلينه بصابون وداومي على الدوا وبتشوفينه بسرعه ينشف ويطيب

صوت الكناري
اهم شي الإراااااااااااده ثم الإراده خففي أكل كثر ما تقدرين وداومي على المشي والسباحه وبتشوفين شلون جسمج بيتعدل وبالتوفيق

أخباري
الحمدلله كل شي تمام تقريبا مشكلتنا بتنحل انا وزوجي بس ادعو لنا الله يسهلها علينا ويفرجها يارب بحق هذه الأيام المباركه
حمود بدت شهيته تنفتح من المشهي وبدا ياكل بس ودي اقطع عنه الرضعه متعلق فيها بزياده هالأيام ليس اسوي حق دانه الرضعه يقول ابي وما يشربها كلها
دانه بديت اعطيها ماي التمر بس مادري احس ان كل يوم رضعه يمكن يضرها لأن من أمس بالليل قامت تتبرز وايد وسائل بعطيها يوم وترك يوم

بالرجيم نزلت كيلو ونص هالاسبوع في تطور يعني من بديت الرجيم لي الحين 4 كيلو ونص صج بطيء بس احسن من لا شيء

كل يوم أقول بمشي اليوم وما يصير عندي وقت واصلا ما شريت حذاء المشي لازم اشتريه بالأول ان شاء الله هالاسبوع بتسوق للعيد ومره وحده بشتري لي ملابس الرياضه

بنات دورة الأربعين لي الحين ما جات شالسالفه هل طبيعي جذي ولا جاتني بالنفاس وانا مادري لأن دم النفاس انقطع فترة وبعدين رد دم غزير لمدة ثلاث ايام فقط وراح فجأه مادري هل هذي الدورة ولا لأ
ولي الحين ماني عارفه شنو آخذ مانع محتاااااااااره
الحبوب موزينه لي
اللولب خوفوني منه يعمل نزيف والتهابات وممكن احمل عليه
الابرة ما سألت احد مجربها
مادري شنو آخذ وشنو أسوي !!! مضايقه وزوجي يقول يلا لا تمصخينها اخذي مانع عشان لا نحاتي

انتو شرايكم ؟

مامتو لحمادينو
هلا وغلا يا اختي اشحالج واشحال عيالج حبوبه .. والله يا اختي ضايق خلقي وخايفه عليه غامضني وايد صغير وين يتحمل تنغيز الجدري .. بالنسبة للمانع جربي الواقي الذكري في ناس يضلون عليه لمدة 4 سنوات بلا حمال

ام حمني
لا تخافين عليه ان شاء الله ما فيه خطورة وبسرعه يطيب لا تخافين دامه صغير
اما عالواقي مو مضمون الدكتورة تقول اذا تبين تحملين بطريقه غير مباشرة استعملو الواقي
زوجة عمي بعد 4 سنين حملت واهي تستعمل الواقي وما كانت مفكرة بالحمل

هلا بنات اخباركم انا والله زوجي كالعاده مسافر وقاط العيال في حلقي الله لايحرمني منهم بس واجد متعبيني
ام عبد الرحمن
والله كنت متوقعه ان عبودي بيجيه العنقز بس تراه على الصغار خفيف المشكله مع البالغين الله يشفيه يارب
لجونه
سلامتك لايكون معك تسمم الله يقومك بالسلامه
صوت الكناري
وش الهزازاللي استعملتيه لولدك بصراحه مافهمت الله يجزاك خير وضحي لي شوي

مشكوره حبيبتي مامتو لحماديتوا وان شاء الله بجرب الخلطه