يوم من الايام ....... سمعت صوت بساس قريب من البيت
رحت استطلع لقيت كرتون فيه 4 بساس (3 أولاد وبنت ) بلدي يعني شوارع توهم مولودين عيونهم مغمضه
طبعا قلبي ماقدر يتحمل واخذتهم للبيت ---- وجلست ابكي واتباكى
عند امي لمن رضيت تخليهم هذي صورتهم اول ماحصلتهم اتوقع عمرهم اقل من اسبوع
نظفتهم ورعيتهم كانهم اولادي شربتهم الحليب بالابره وكنت انظف برازهم وانتو بكرامه لانهم مايقدرو يسوها لوحدهم لازم اساعدهم بدل امهم وللمعلوميه هذي الاشياء انا مااسويها مع اولاد اخواني اتقرف بس ماادري كيف قدرت اسويها مع بساسي --اتوقع ربي سخرني لهم لانهم ايتام -- الان بيسوا بنفسهم في الحمام الخاص تبعهم --ياكلو اكل بيت واكل جاهز لهم --يحبو اللعب ويحبو الناس --انبسط لمن اتفرج عليهم وعلى مضاربتهم ولعبهم مع بعض
لهم عندي 5 شهور تقريبا --احس اني اعشقهم مااقدر اتخيل اني افارقهم قلبي بينفطر عليهم
والمشكله مضطره اتركهم لان امي عندها حساسيه منهم
ماابي ارجعهم للشارع لانهم مايعرفو معنى بساس ثانيه يخافو منهم ويضاربوهم يحسبو كل البساس حبايبهم -- مايعرفو معنى سيارات وغيرها من الاخطار وكله كوم والاكل ماادري شلون بيحصلونه
نفسي الاقي احد يتبناهم ويهتم فيهم
