كوبونات الراقية تسجيل الدخول

جولييت فاقده روميو

||*~ مـــكــيــآآجي .. وطــريـــقـــتــي فــي تــرتـــيـــبــه ,, وشغلآت كيووت^^ ~*||

المكياج والعطور •

السلآم علييكم



شخبااركم يا حلواااات
الموضوع منقول ****
عجبني وقلت تشوفونه معي دعواتكم لي ربي يجعل حياتي الجايه احلى من مااتوقع واحلم اللهم امين


هالموضوع يا بناات بحط فيه مكيااجي وطريقة ترتيبي له ,, وعندي اغراض يديده وحاابه اراويكم اياها مره ثاانيه تدروون لييش ؟ لانه كييفي لوووول << فاااضيه هع


صدق والله من الفضااوه قلت بصووره لكم مره ثاانيه






نبدا بسم الله بطريقه ترتييبي للمكيياج عقب بعرضه لكم كااامل ,,


اوول شي ,, صندووق بلاستيك شفاف خذته من دايسو << للجحاال والماسكراات والفررش والايلاينراات
صندووق اسووود كان لنظارتي وخليته للمرطبات والقلوسات والاروااج





ثااني شي ,, صندوق الادرااج ~ فيه 3 دروج ماخذته من الجمعيه

الدرج الاول << فيه البلاشرات واللمعاات قياسهم بالضبط



الدرج الثااني ,, الشدوات الصغيره + فرش الحواجب ولشدو اللي تحت العين + كحل اثمد ومراود



الدرج الثالث والاخير ,, الفاونديشنات والباودر والكونسيلرات والبيس << هم قيااسهم بالضبط << سبحان الله هع هع




والحين درج من دروج التسريحه حاطه فيها الباليتات الكبار + الاسفنجات + شنط الميك اب + القطن




واخر شي المناكيراات







-----------------------------------------------------




الحين الميك اب ~~ وكل شي بقول رايي فييه وبسوي عليه سوااتش وهم ابيكم تقولون راايكم اذا عندكم شراته او مجربين شي منه ..


نبدأ اكييد بالبييس



بيس d.m.g.m خبرتكم عنه قبل ,, رووووعه يخلي البشره مخمليه بدون زيوت وناااااااعمه مثل البيبي فيس ويغطي المسامات يعني لما تحطينه وفوقه البودره او الفاونديشن تخف المسامات وااايد .. استخدمه على الجبهه والانف

بيس ميك اب فور ايفر ,, اي شي الصراحه حاله من حال اولاي ,, يفتح لون البشره ويرطبها هذا اللون يناسب كل انواع البشره ,, مايثبت ولا شي

كريم اولاي ,, ماالي غنى عنه ~ قبل كنت متخوفه استخدمه بس عقب حبيييته وماقدر اطلع بدونه ,, وحتى لو ماابغي احط كريم اساس او بودره اكتفي بهذا ويوحد لي لون ويهي بشكل طبيعي لانه صدق عقب قتره يصير طبيعي عالويه مب مصطنع ,, احسن من بيس فور ايفر بالنسبالي




الكونسيلر ~



اللي ع اليمين ريميل ستيك ,, وايد لونه فااتح رقم 1 ماناسبني لانه عندي هالات ,, بس قمت اخلطه مع كريم اساسي واسويه فاونديشن للمناسباات يطلع روعه

اللي بالوسط كونسيلر سائل من D.M.G.M خفيف وناسبني للهالات يفتح لونها درجتين وطبيعي

اخر واحد من ريميل , اهو تغطيته حلوة لكن لونه غااااامج اوييه كيف ياني الغبااء وخذت هالدرجه رقم 4 ,, بس بخليه للكونتووور

سواااتش


الاول ريميل المعصار ,, D.M.G.M ,, ريميل الستيك ~ جوفوا كيف الوانهم ولون ريميل برووونزي هع



الفاونديشناات ~



جيرلان رقم 2 << روووعه تغطيه متوسطه ودرجاتهم طبيعيه وعلاجي ومايحسس البشره ومع الوقت يوحد اللون ويعالج البقع انا مالاحظت هالشي لاني ماستخدمه كل يوم ,, صراحه احسن فاونديشن استخدمته

نيفيا رقم 2 افتح شي << تغطيه خفيفه او شبه معدومه ,, بالعربي مايغطي شي هع ,, بس يوحد اللون ويررررررطب وريحته حلووة ,, نفس المرطب الملون بس اقوى منه شوي
يناسب البشره الجافه الي الجافه وااايد ويناسب فتره الصبح انا الصراحه وايد حبيته ( احط منه اي وقت واكثر شي الصبح اذا كان عندي وقت وعقب اخفي الهالات واثار الحبوب واحط بودره )

فاونديشن فورايفر <<تغطيه متوسطه وحلوووة << هبييت فييه قبل مع انه ماكان يناسبني بس ماكنت اعرف لوووول لانه يناسب البشره الدهنيه وانا بشرتي وايد جافه ,, غير جيه لونه برونزي وانا بيضه الحمدالله والشكر شو المخ اللي عليه واصلا كل ماحطه يقولون لي صايره برونزيه وانا ماعرف لييش لوووووول الحين بخليه للكونتور لاني ماحب اللوكات البرونزيه << الحيين هاااه اخر وااحد مرطب + واقي ملون فيه نسبه بسيطه من الفاونديشن من استي لودر ,, ماحبيته لانه يسمرني مع انه الدرجه الفاتحه وقمت اخلط معاه اولاي ,, بس ماعيبني لانه يتقشر وريحته تعوور الراااس ( بحاول استخدمه الحين ف الصيف عشان افتك منه ) يتبــــــــــــــــــع
70
12K

يلزم عليك تسجيل الدخول أولًا لكتابة تعليق.

تسجيل دخول

جولييت فاقده روميو
جولييت فاقده روميو •
سوااتش



اول واحد عاليمين فور ايفر وامبين لونه غاامج ,, اللي عقبه جيرلان ,, واللي عقبه نيفيا ,, واللي عقبه استي لودر




البودراات ~



عاليميين جيرلان << ثقيله وتغطيتها حلوة بس احسها تتقشر او حبيباتها مب نااعمه حيل ( ريحتها رووعه اصلا كل منتجات جيرلان ريحتها خبااال )

اللي بالوسط فورايفر << مالها تغطيه بس لمعه صدفيه ولمعه زري حلووة للمناسباات عقب ماتخلصين كل المكياااج ,, انا كنت استخدمها لما اسير عند ربيعاتي احطها بدون فاونديشن وتطلع نعوومه

سواااتش عليها




بودره D.M.G.M << وااايد حلووة وتغطيته متوسطه او خفيفه وحبيباتها نااااااعمه وصدق صدق تهبببل والوانهم محدده البيج الفااااتح و البرونزي والوردي هالدرجه اللي ناسبتني ورقمها 5 تناسب البيض او المايلات للبياض


واخر شي لوز باودر من مااك رقمها NW20 << حلووة ولونها طبيعي للصيف .. ماجربتها للحين بس ناويه احط قبلها كريم اولاي وعقبها بحط اللوز باودر لانها شوي مايله للبرونز .. ماعرف رقمها من درجات البرونز او شي ثاني اللي تعرف تخبرني لاني مب خبره ف ماك ومالي علاقه فييهم ؟؟
جولييت فاقده روميو
جولييت فاقده روميو •
الشدوااات ~

الباليتات الكباار


اللي فوق ماركه مبروك ,, شدوات مخمليه روووعه وقوويه ولا لوون فيها مب قووي ,, تندمج بالاصابع او الاسفنجات والحين ( قمت اخذ عود اذن وابلله واحط شوي من اي لون شدو ابغيه واكحل عيني من دااخل ) طريقه رووعه ماحسست عيني واللون يصير ووتر بروف بنشال بصعووبه .. الحين مب محتاجه اشتري اقلام كحل ملونه كل الالوان عندي ^^

اللي تحت عاليميين << ماركه مكيااجي الوانهم زوينه بس ماستخدمها الا نااادر بس اخذ البني والبنفسجي

اللي بالنص فوق << من بانكوك الشدوات مب ذاك الزود بس فيه كم لون حلوين + شدوات كريميه زوينه للوكات البسيطه او للصبح

اللي عدااله الباليت المفتووح << خذته من اريج ماركه اي شي بس حبيت الشدوات الاغلبيه الوان واضحه وناعمه للصبح وايد حبيتها

واللي تحت << باليت مكيااجي فيه كم لون حلويين مثل الفوشي والازرق والبرونز والبطيخي والاحمر





الشدواات الصغييره ~ شدوااتي شويييه لاني مب وايد احبهم بس للمناسباات اما بالايام العاديه مااحط



مـاك << اللي عاليمين نايلون ,, اللي بالنص باراديسكو ,, واخر واحد بينك فينوس

سواااتش



طبعا نايلون ماعليه كلاااام ,, باراديسكو اللون خبااااال بطيخي صدفي بلمعه ذهبيه << ولو اني للحين ماستخدمته لكن عايبني وااااايد ,, بينك فينوس البيبي بينك مع لمعه زري وايد احبه بنوووووتي وهذا اوول شدو خذته بحيااتي عشان جي متعلقه فييه لووول




شدوات مخمليه من بانكوك ~ نفس ماركه مبروك اللي فوق بس جوده احسن وارقى الوان واضحه وقويه



سوااتش





شدوات من اوربن ديكااي << ليومكم هذا وانا احلم فيها هالماركه انقرضت من عندنا



فوشي غامج المايل للبنفسجي شوي + كحلي بلمعه فيروزيه << عذااااااااااب \\ الشدوات المدوره هذي شدوات لمعه اما الشدوات البيضاويه مثل الفوشي هذي ماات

سواااتش




الكحلي شي مب طبيييعي خااطري اسوي لووك بهاللون



باليت صغيير مال مشي حااالج ,, بس الونه زوينه وانا خااااطري بباليت نفس جذي ,, يكون داخله بني غامج وبني فاتح وبيج ويكون مااااات << اذا تعرفون باليت بهالطريقه ياليت تخبروووني








البلاشرااات ~




من باليت مكياجي وباليت بانكوك بلاشرات وايد حلووة بالذات باليت بانكوك برونز رااقي بلمعه خفيفه والبطيخي شي شي

عقب البلاشر الدائري الصغير هذا من ميبلين مووس ماحبيته لانه لمعته قويه للمناسبات بس

تحته بلاشر بنفت السائل .. هاابه فيه وايد هالفتره لانه طبييعي ,, لما ماكون حاطه شي ع ويهي احط منه على خدودي شوي وع شفايفي ,, او اني احطه قبل البودره او بين الفاونديشن والبودره جي تبين الخدود ورديه طبييعي

تحته بيس من ماك استخدمه كلمعه للخدود وااااايد حلو

وعقب بلاشر مكياجي رقم 3 << ملك البلاشراات عندي << اللون ولا اروووع بيبي بينك او اللحمي الميل للوردي يوالم كل الوان البشره

واللي تحته بلاشر بدي شوب الوردي المتموج ,, هذا صدق ارقى لمعه عندي يعطيني لمعه صدفيه او لمعه المااي ويبرز الخدود واااايد



بلاشرات من باليتات بانكوك مال الشدو اللي وريتكم فووق ,, فيهم بلاشرات تحت واايد حلوييين



البطيخي والوردي البااربي والبرتقاالي




يتتتتتبع ~
+5
جولييت فاقده روميو
جولييت فاقده روميو •
اللمعاات طبعاا ذكرتهم




الكريم كلر بيس من مااك << اهو بيس للشدو بس خررط لا يثبت ولا برز اللون انا خذته كلمعه وصدق روووعه

وبلاشر بدي شووب << جربت البروونز شي مب طبييييعي لعشااق البرونز لايقفووتكم الصرااحه

سواااتش





اللي عاليمين مااك واليساار بدي شووب




العيووون ~

الجحااال او الكحل



من اليمين ,, كحل برونزي من فورايفر 52 الوانه واضحه بس البرونز طبيعته مايبين حتى البني ف مال داعي بس لمعه
من مكياجي اخضر وابيض رووووعه جحال مكياجي وايد حلو واضح ومايحسس العين
من مكياجي اخضر عشبي ووتر برووف << روووعه واااضح ومايسيح والاسوود اللي عندهم اتكحل منه وارقد وانش الصبح سايح شووووووويه بس ,, ينفع للي تحب تكحل عينها من داخل بس من فوق ومايطبع تحت

كحل فيروزي ماعرف من اي ماركه مايبين داخل العين بس اذا حددت عيني من برع يطلع حلو وواضح
كحل ذهبي من اوربن ديكااي << رووووعه ولون قووووي لانه كريمي شوي << ابي هالمااركه
كحل تركواز وابيض من برستيج وااايد حلوووو بعد وااضح نفس مكياجي
مجموعه الاسوود >> جيرلان حلو سوااده بس شوي يسيح ,, مكياجي ماعليه كلام سواده فحم فيه ناس يسيح عندهم بس انا لا مايسيح عندي ,, كحل من لانكوم سواده واايد حلوو بس يضبب عيني ماقدر عليه ف اخليه للسموكي او احدد عيني فيه من برع

سوااتش علييهم بنفس الترتييب




الايلاينراات ~ صرت ناااااادر مااحط ايلاينر << من ززماااان عنه والله ,, الحين كله كحل جاف



من بالاديو << يمشي الحال بس فيه احسن منه وفرشاته شوي متينه << اول اي لاينر خذته
برستيج << روووعه لونه غاااامج وفرشاته سهله وايد
ايلاينرات ووتر بروف من ماك ,, برونز على برتقالي + اسووود << ثابتين واايد لو شوو مايسيحون او يتغيرون بس عيبهم ثقيلييين وريشه مب فرشاه وانا ماعرف للريشه صعبه علي ومخلتنه جي زيينه
ايلاينر قليتري بنفسجي من مكيااجي << حلوووو ,, اختي كل شهر تاخذ لون والحين عندها كل الالواان ,, انا احدد عيني بكحل اسود او تركواز او ايلاينر اسود وعقب احط الايلاينر القليتر فووقه << خبااااال جربوها


سوااتش على ايلاينر ماك البرونزي و ايلاينر مكياجي القليتري





المسكرااات ~ عشششششقي امووت في شي اسمه ماسكرا << سررالجمااااال والله



من اليمين ديانا اوف لندن << تعبت وانا امدحها ,, تكثثف وتفرق الرمووش بس ماتطوول تنفشششهم نفشش ماتلزق رمشتين ببعض الوحيده اللي لما احطها ماحتاج احط قبلها او عقبها شي

نيفيا << ذميتها قبل لين قلت بس ,, بس الحين اعشششقها لانه لها طريقه مختلفه شوي وتكحل العيوون بالذات مع العدسات شي ,, تكثف اكثرر

ماكس فاكتور الدببه << رهييييبه تعطي ستااايل للرموووش ,, تقوس واتطول واتكثف شوي وتفرررق

ريميل السودا والحمرا << حصلتها هديه .. حليوه تكثثف بس لازم قبلها ماسكرا تفررق او امشها بفرشاه لانها مشط

ريميل العنابيه << للحين مب عارفه كيف اتفاهم وياها << ماعطتني النتيجه اللي اتوقعتها ,, وتلزق الرموش يبالها ماسكرا تفرق قبلها وبعدها << واتطييح الرمووووووش

جيفنشي اي فلاي << روووعه وفرشاتها ارووع حتى يوم اسحبها اتطلع صووت زووووت خخخ تفرررررررق من الخااطر واتطووول بس ماتكثف

ماسكرا جيرلاان << السائل اللي داخلها كثيييييف وهي تكثف مال ضربه ضربتين بس كاافي ,, ولازم عقبها ماسكرا تفررق لانج لو تميتي تمشطين رموشج فيها بتندمييين

ماسكرا مكياجي << اتطووووووول وااايد واتكثف بس تخصصها تطويل الرمووش

ماسكرا برستيج << زوينه للايتخدام اليومي << مششط

والماسكرتين الصغار اللي فوق وحده منهم استي لودر XL واايد حلووة الصراحه تكثف وتفررق بس ناشفه الحين واستخدمها لتفريق الرمووش
واللي عقبها جيفنشي اي فلاي هم نااشفه واخليها للتفرييق
+4
جولييت فاقده روميو
جولييت فاقده روميو •
الشفاااايف ~


المرطباات



لابييلو اموووت فيييه ,, الفرااوله كل مااطالع روحي بالجامعه حطيته وطعمته سكررر
الوردي احطه اذا ابغي اخفف لون الرووج لانه ثقيل شوي
الكررز احطه برووحه روووعه


الارواااج << صارلي فتره ماحط الا اروااج و مستغنيه عن القلوساااات للابد



من اليمين فلومار اللون البطيخي << عذااااب بس يبااله بشره صافيه وفاتحه
ريميل 040 << هذا نفس لون شفايفي والروج اللي لونه يلووق على كل شي كل شي مااتخيلون اي لون البسه او اي لون مكياج احطه ,, اللحمي المايل للوردي ,, والترطييب ماعليه كلاام ويحررق شوي اونه يتفخ هع وهذا لون الروج اللي دووم احطه كل يووم

اللي عقبه اللون التووتي 080 واايد رووووعه بس غاامج

اللي عقبه ريميل 500 احمممر راااااقي وترطييب وحمايه من الشمس

اللي عقبهم روجين مال اي شي بس ينفعوني ساعات اللون الفوشي الغاااااامج واللون المووف

واللي عقبهم فووشي او يسمونه PUSSY من نيفيا << الروج الوحييد اللي اضمن لكم ثباااته 35 FUSHIA


سواااتش بالترتييب

جولييت فاقده روميو
جولييت فاقده روميو •
القلوسااات ~


من مكيااجي قلوسات بقليتر ,, الاول مووف والثاني شفااف بس انا حاطه فيه لوون ,, قلوس من لورياال قليتر مب طبييعي تشبيين شببب من بعييييد ,, قلوس لحمي على وردي فااتح ماعرف من وين



الالواان اللحميه والطبيعيه

الاول من ماك << لحمي بس باهت ماحبيته مووول وريحته جوكلييت يم يم
الثاني من ريمييل << احلى لووون قلوس بحياتي جربته لحمي على وردي
اللي عقبه هم ريميل << لحمي على موف بس بااهت بعد ماحبييته ويحرررق
قلوس من استي لودر << هم لون لحمي على وردي وفيه لمعه وطعمه سكرر بس لونه مب قووي اللهم لمعه بس
قلوس من جيرلان << بعد لحمي باهت على مووف
اخر واحد من ارتديغو << لونه زويين ونعوووم

هالالواان كاانت تلووق علي قببل ايام الثانويه لما كانت بشرتي شوي اسمرر عن الحين ,, بس الحينه فتحت وتقشررت عن قبل لوووول ف صارت ماتلووق لي




قلووس شفااف من NYX خفيف وعاادي وفيه احسن عنه

قلوس من نيفيا برتقالي فاتح بلممعه كيوووت

قلوس بطيخي من ديور << كيووت بعد بس يباله بشره صافيه وفاتحه

قلوس من NYX << رووووووعه لونه خفيف نفس لابيلو الاحمر بس يخلي الشفايف زجاجيه ويكبرها ويبرزها وريحته حلاوه وفرشاته تهببل << صدق احلى قلووووس وماركه NYX اقدرها وااايد ولو انها رخيصه بس احسها رااقيه وبنوووتيييه




قلوس فوشي من نيفيا بس لونه وردي عاادي مب فوشي ومب غامج رقمه 35 FUSHIA

قلوس فووشي من ماركه كارلوس اند روما ,, روووعه يوالم اللي شفايفهم كبيره احسه يلمها وماتبين كبيره نفس الروج السائل




روج سائل من جيرلان << التوتي والعنابي ,, الروج السائل وايد يوالم اللي شفايفهم كبيره عن تجربه احسه يلم الشفايف ويصغرها مب نفس القلوسات العاديه





باليت ارواج من فورايفر 52 ,, تخيلوا ولا لون يوالمني لوووول ,, ثاني لون اللحمي على وردي حلو علي بس اصلا هالنوعيه من الاروااج ماتناسبني كانها صبغ على شفايفي



والفرررش << ماتتسمى فررش لووول



ولا شي مااركه الصرااحه بعترف لكم لووول

الاولى للبودره ,, اللي عقبها للمعه عالخدود ,, اللي عقبها فرشاه شدو الدمج روووعه ,, فرشاتين للشدو اي شي بعد .. واللي عقبهم فرشاه استخدمها للضاءه تحت الحاجب وعند مدمع العين ,, واخر شي فرشاه الكونسيلر من مكياجي




واخييرا ماسكرا للشعر ,, تسوين فيها خصلات لشعرج اذا ماتبين تصبغيين ,, يعطي لمعه حلووة ,, من محل ريسيرف ناتورال ,, عندي الذهبي والماروني ,, وفيه البني والاسوود
+3