السلام عليكم ورحمة الله وبركاته......
شلونكم بنات ****لله مرتاحين؟؟؟
اول شي ابي اعرفكم عن نفسي انا كويتية و عمري 22 مخطوبة والسنه اليايه زواجي وحاليا ادرس علوم سياسيه وبكمل بره الكويت ****لله والحين بتكلم في الموضوع الي اشترك بالمنتدى عشانه.............
بنات انا شخصيتي طيبة وايد وعلى نياتي وفي نفس الوقت ذكية وايد واطوف قد ما اقدر بس مو على حساب كرامتي انا تعرفت على بنات وايد اكثرهم تميت وياهم اسابيع مو وايد لاني عرفت انهم صديقات مصلحه لا اكثر ولا اقل ...........
بس في وحده تميت وياها سنتين والله العظيم يا بنات تنام في بيتنا وانام في بيتها ناكل من صحن واحد ونام على فراش واحد ونتبادل التيشيرتات والجينزات وكل ملابسي اهيا تلبسهم وانا نفس الشي احنا مو متحجبات ****لله اتحجب قريب ادعولي بنات.............
تخرجنا من الثانويه ابوها شارالها سيارة مرسيدس وانا ابوي شارالي بورش كنا نتبادل السيارات دخلنا الجامعه مع بعض ونفس التخصص ............
يتنا شلة بنات تعرفوا علينا انا في البداية ما ارتحتلهم بس قلت مابي اظلهم خليني اعاشرهم بعدين احكم عليهم .....
انا الحمدلله ابوي مو مقصر معانا وااااااااااااايد مدلعني فلبسي كله ماركات الحمدلله فا كانوا يشوفونا نتبادل انا وريفيجتي قالت وحده ابي جنطتج والثانيه ابي سيارتج والثالثه ابي ساعتج ماحبيت اكسر بخاطرهم عطيتهم مره مرتين ثلاث لين ما تمادوا وياي وبعدين ابتعدت عنهم ............
قلت حق ريفيجتي هذولا بنات مصلحه اذا عايبينج روحي معاهم انا مو مجبوره اروح وياهم قالتلي لا اهما زينين وياي (رفيجتي واااايد طيبه وينقص عليها) قلتلها اوكي بس انا مابيهم يقربون صوبي .....
سمعوا ني انا مابيهم وابتعدت عنهم فا قاموا يطلعون سوالف وحجي وجذب عني حق ريفيجتي انه انا اشكيلهم و اقولهم ريفيجتي ذبحتني من كثر ما تطر مني !!!!!!!!
المشكلة انه ابو ريفيجتي عنده خير وابوي عنده دبل الخير مو ملزومه انها تطر مني بس احنا صديقات يعني خوات من كثر ما نحب بعض نلبس لبس بعض نستخدم اغراض بعض بس من كثر غيرتهم ما يبونا انا انكمل ويا بعض وطبعا مافي صديقات ما افترقوا من بنات الغيرة والحسد......
المهم مابي اطولها معاكم راحت وياهم وصدقتهم وبعد فترة يتني البيت انا كنت مسافرة وعطت حارس بيتنا بطاقة عرسها وقالت قول حقها لازم تيين عرسي بعد ثلاث ايام........
بنات والله ما اجذب عليكم دق علي حارس بيتنا مصري وقالي صديقتك القديمه يت وعطتني بطاقة عرسها وقالت ضروري تيي طبعا مت انا من البجي ............
حجزت ورديت واهلي كلهم في لندن قاعدين مطولين بس قلت حق ماما ابي اروح عرس ريفيجتي وماما تدري اهيا اشكثر عزيزة علي.........
المهم رديت لكويت ورحت لبيتها وامها حضنتي تبجي تقولي ليش تخلين بنتي وتزعلين عليها طبعا امها مو فاهمه السالفه مسكينه فقلتلها وينها الحين قالت بغرفتها ......
رحت لها وجسمي كله يرجف اشتقت لبيتهم ودرجهم ومطبخهم وغرفتها قاعد اصعد الدرج مو قادرة اشيل اريولي وقاعد امسح دموعي بس من كثر مابجيت راسي احسه بينفجر.....
دخلت غرفتها واهيا نايمه على فراشها شافتني جان تقعد تصارخ وتبجي لمتني حيل وتبوسني وتقولي سامحيني والله قصوا علي طلعوا جذابات كسروا سيارتي باقوا اغراضي سوولي مشاكل.......
قلتلها انا ما ييت عشان اعرف موضوعج واشصار معاج انا ييت عشان العشرة وايامنا الحلوة واجب علي اوقف معاج في يوم عرسج الحين مابي اسمع اي شي منج نروح الصالون الحين عشان اليوم كان عرسها........
رحت معاها وخلص العرس مع ذكريات ايام الثانويه وايام الجامعه وايام افراقنا........
بعد شهر من عرسها ردت من النمسا دزتلي مسج هذا رقمي اليديد ولا تتصلين علي بالليل واذا تبين اي شي دزيلي مسج عشان ريلي ما يرضى.......
دزيتلها مسج الي علي سويته وهذا اخر مسج وانسي رقمي واسمي الي من بعد طول العشرة ما تعرفيني عدل صج حسافة......
الحين انا بروح ادرس برى لكويت ودي تكون معاي وحده بالغربه تكون من عايله متفتحه عشان تفكيرنا ما يصير عكس بعض نساعد بعض نوقف مع بعض لاني راح احتاج وايد حق صديقه صدوقه و وفيه واهم شي تكون راقيه وطموحه وبنات انا مخطوبه يعني ابي صديقة بنت او مخطوبه ولا متزوجه بس ما يكون عندها عيال عشان ما تكون مشغولة ...
واتمنى ما تضايقتوا من موضوعي بس عشان تفهمون انا شنو محتاجه........
واتمنى التوفيق للجميع....
دعواتكم لي .....
الزين كويتية @alzyn_koyty
عضوة نشيطة
مـــنـــو مــحــتـاجــة صـــــديـــــــقــــــــة تــكــون مــعــاهــا بالــغـربــة؟؟
17
2K
يلزم عليك تسجيل الدخول أولًا لكتابة تعليق.
لا انا ادرس بجامعه خاصة بس من صارتلي السالفه طلعت منها وكملت بره عشان تفوقي الدراسي ما يتاثر ومشكورة على كلامج الراقي وانا ما اقدر اراسلج على الخاص لانه مشاركاتي ما وصلت خمسين وان شاء الله راح ارد عليج قريب واحلام الورود الله يوفقنا يا رب ثانكيو لكم
8
8
العفووو ياقلبي ماسويت شي :)
بس ليش ماتكملين بجامعة الكويت ؟
واااايد يمدحون تخصصج "علوم سياسيه" اللي بـ كلية العلوم الاجتماعيه بالشويخ .. والكليه وااااايد حلوووووه لانها بنيانها توه يديد ودكاترتها زينين واااايد
مجرد رأي "
والراي الاول والاخير اكييييد لج :)
موفقه يااااارب الله يكتبلج اللي فيه الخير ..
وبخصوص الرسائل الخاصه ايه هذا من قوانين المنتدى بعد ماتعدين الـ 50 مشاركه تقدرين ترسلين ولا يهمج اذا عندج اي سؤال تفضلي راح اجيك ع موضووووعج هوووووون
8
العفووو ياقلبي ماسويت شي :)
بس ليش ماتكملين بجامعة الكويت ؟
واااايد يمدحون تخصصج "علوم سياسيه" اللي بـ كلية العلوم الاجتماعيه بالشويخ .. والكليه وااااايد حلوووووه لانها بنيانها توه يديد ودكاترتها زينين واااايد
مجرد رأي "
والراي الاول والاخير اكييييد لج :)
موفقه يااااارب الله يكتبلج اللي فيه الخير ..
وبخصوص الرسائل الخاصه ايه هذا من قوانين المنتدى بعد ماتعدين الـ 50 مشاركه تقدرين ترسلين ولا يهمج اذا عندج اي سؤال تفضلي راح اجيك ع موضووووعج هوووووون
حبيبتي تسلمين بس انا دخلت الجامعه الامريكية عشان ولد عمتي هناك يدرس وعارف كل شي فيها وجامعه وايد راقية بطالباتها وحتى طلابها وانتي تعرفين جامعة الكويت قلة فيها مالوت دراسه وانتي عارفه قصدي كانت بنت عمتي فيها وطلعت منها تقول كل البنات مو زينين هناك ماكو دراسه وحتى الدكاترة يشجعون على الغياب ويخربون البنات زيادة وانا خطيبي ما يحب جامعات الحكومه لازم خاصة وطلعت منها الحين ورايحه اكمل وياه وبس انتي كلميني عن نفسج؟؟؟؟؟؟؟
الصفحة الأخيرة
الحمدلله بخير انتي شلووونج
انتي تدرسين بجامعة الكويت ؟ ولا خاصه ؟
ياقلبي واااايد جذي رفيجات مصلحه وزين انج عرفتيهم وانتهى موضوعهم ،
واللي حصل بينج وبين رفيجتج عاااااادي يصير باحسن العائلات > مر علي هالموقف ..
لان باختصار :
دوام الحال من المحاااااااااال
بس لاتزعلين منها وايد لان يمكن صج اهوا ريلها مايرضى ترا في وايد جذي رياييل مايرضون بالبدايه بعدين عااادي
لاتتحسسين من هالموضوع وايد ، بالعكس خلي روحج رياضيه خاصة انها رفيجتج من عمر ومثل الخوات ..
ترى الصديق الوفي بهالزمن صار عمله ناااااادره لووول .
يعني نااادر ماتلقين صداقه مثلكم :)
والله يوفقج ان شاء الله وتلقين وحده صادقه معاج بالغربه
بس حبيت انصحج لاني احبلج الخيـــــــــــر :)
بالحجاب لانه فرض ع المسلمات ياقلبي وبيحليج اكثر واكثر الستر زيــــــن ياقلبووووو
اتمنى تقبلين نصيحتي اللي لوجه الله
واسمع عنج اخبار حلوووه ياااارب
موفقـ‘ـــــــــــه