الســـــــــــــــــــــلام عليـــــــــكم ...
اليوم جيت ومعايا شي يمممممي طبعا معشوقه الجميع المكرونه >> فيه احد ما يحووووبها ^_~
فقبل كم يوم سويت مكرونه فوتشيني ... وطلعت يمممممممي وصورتها وقلت انزلها لكم لانها مميزه جدا ..
المقادير :
علبه مكرونه فوتشيني او المكرونه العاديه احبها اكثر
صحن صدور دجاج مقطع مكعبات او بالطول >> أفضل دجاج اليوم من المراعي مافيه زنخه وطازج
بصل مقطع جوانح
فصين ثوم مدقوقه
زيتون اسود شرايح
فلفل رومي اخضر >>> ممكن تحطين الاحمر والاصفر بس ما كان متوفر عندي
فطر طازج >> ايضا ما كان متوفر بس عموما ألذ من المعلب
كريمه خفق علبه ونص صغيره .. او علبه وسط
جبن موزاريلا كيس كامل
2 ملعقه جبن سايل
ملح
2 ملعقه حلى بهارات البيتزا
1 ملعقه حلى بودره البصل
1 ملعقه حلى بودره الثوم
1 ملعقه حلى بابريكا
نجي للطريقه ^_^
اول شي نجهز المكرونه نسلقها ونحط لها زيت وملح
وبعد ماتخلص نصفيها ونضيف عليها الزبده ..
نجيب صاج ونحط شوي زيت ونشوح البصل ليما يذبل ..
نضيف قطع الدجاج ونخليها تطبخ لين مويه الدجاج تقرب تجف
ونزيد على الدجاج مويه مغليه ونخليه يطبخ عشان نضمن انه استوى ومايكون ني ..
وانا هذي طريقتي بكل الطبخاااات والحشوات للمفروم لازم تنطبخ مع المويه .. ونضيف المــــــلــح
بعد ما تنزل المويه ويبقى مويه قليله ويكون الدجاج استوى اضيف الثوم المهروس
والبهارات كلها >> هذا سر انو ما اضفتها مع الدجاج من اول ما حطيته عشان تحتفظ بنكهتها وماتروح مع كثر الطبخ ..
اضيف الفلفل الرومي والفطر اذا موجود والزيتون الشرايح
هنا خلاص طفيت النار .. وصار جاهز ..
يــــــــــــتبع ===>
نجيب قدر ونحط فيه ملعقتين كبيره جبن سايل وجبن موزاريلا تقريبا كيس كامل
وكريمه الخفق ونخليها على النار مع التحريك المستمر لين تذوب الموزاريلا
ونضيفها ع الدجاج ونولع النار عليهم شوي 5 دقايق بس
بعدين نضيف الخليط على المكرونه ونخلطه مع بعض ..
وهذا الشكل لنهائي ..
صوره اقرب ^_^ وينقالي اتعلم الاحترافيه ومنها تعذيب للجوعانين
ويتقدم معاها خبز محمص او سلطه خضرا بالفاصوليا الحمراء وببسي ويممممممممي ع الطعم ولا احسن مطعم في وسط ايطاليا ..
ويارب تعجبكم الوصفه ....
ادعولي بالتوفيق في اخر ترم لي بالجامعه ...
انتظر ردودكم الجميله واللي مافيها ترد تضغط لايك اذا اعجبها والله يسلم قلوبكم كلكم ...
(( سبحانك اللهم وبحمدك اشهد ان لا اله الا انت استغفرك واتوب اليك ))