مفاجأة زوجي الصادمة

السلام عليكم
كيفكم يابنات
نفسيتي جدا جدا سيئه لدرجه اني ما ابغى اشيل ولدي اللي توي والدته ما طلعت من النفاس ولا كملت حتى شهر وجاتني مفاجأه ما كانت فالحسبان اصلا
تجيكم السالفه انا مثل ما قلت قبل كذا سعوديه وزوجي كويتي فعايشه في الكويت لكن ازور اهلي كل كم شهر واذا ولدت انفس عند اهلي
في تاريخ ١٩-٨ ميلادي اقصد دخلت المستشفى عشان أولد ولأول مره من غير امي كانت معي ام زوجي وولدت ولله الحمد الفجر يعني يوم ٢٠-٨ وخرجت من المستشفى اليوم اللي بعده وبعدها بيوم رحت الرياض عند اهلي لاني نفاس بنفس عند امي كل شي طبيعي الى الان قعدت عندها من وصولي الى يوم٣٠-٨ اللي جاتني فيها المفاجأه الكبرى اللي هي طلاقي من زوجي بدون مقدمات كيف ليه مدري هو اللي وصلني ولا طرالي حتى انه يبي يطلقني انا قبل ولادتي بكم يوم متهاوشين بسبب خواته اللي فجأه صارو مايحبوني ومعاملتهم لي سيئه رغم هذا اعاملهم بأصلي لكن مافاد وام زوجي ما تتدخل ابد ويحاولون دايم يغثوني ويبغوني اتطلق منه كل ذا غيره المفروض ما تكون موجوده على اني تزوجت صغيره وحملت وهم وحده لسه ما تزوجت والثانيه ما الله رزقها بالذريه الى الان الله يرزقهم لكن والله العظيم يابنات ما قط عايرتهم ابد بس هم دايم يحبون يسون لي المشاكل من جبت بنتي ويكذبون على زوجي اني اعايرهم واقل ادبي عليهم رغم اني والله ما اسوي اي شي من اللي يقولونه لزوجي ذاك اليوم قبل ولادتي داخل علي زوجي بصياح وحالته حاله تخيلو على ايش يقول خلاص لا عاد تتهاوشين مع خواتي وتركيهم بحالهم ولا ترا قسم بالله مثل ما خذيتك من اهلك اردك لهم متخيلين وين وصلوني خواته طلقوني منه وانا اجهل السبب ادق عليه مايرد اخواني يبون يكلمونه يتناقشون معاه مايبغى تخيلو يقول مافي نصيب وعياله بيجي يشوفهم كل شهر عزت علي نفسي ورفضت ان اخواني يسافرون عشان يتناقشون معه بعد ما رماني كذا وفوق ذا ما يبغى يرد علي او يكلمني قهرني قهر كبير طيب ليه ليه ابغى سبب ما يرد علي ابغى اعرف هل من خواته ولا وش قالوله عشان يعاملني كذا ويسوي فيني ذا الشي اللي قهرني يا بنات قهر ما يعلمه الا الله بس قاعده وابكي واتحسب عليه وعلى اللي ظلمني وسبب طلاقي ان كانو خواته فحسبي الله ونعم الوكيل فيهم والله مقهوره حياتنا كانت كويسه الين حطوني خواته في بالهم وبدو يسوون لي المشاكل والله من غير ما ااذيهم ابد حسبي الله على كل من ظلمني وٌ قهرني 😭💔💔