بسم الله الرحمن الرحيم
السلام عليكم ورحمة الله وبركاته ..............
كيف حالكم يابنات انشاء الله تكونون بخير ............
انا طالبه فزعتكم يابنات
انا في مستوى اول قسم الرياضيات دخلته وانا مقتنعه والان تحسفت يوم شفت درجاتي
انا كنت متفوقه في الثانوي وذلحين مدري وش صار لي اذاكر واذا جيت على الورقه ماعرفت احل ...:06:
بنات تكفون وش اسوي ان قعدت على هالحال يمكن ارسب.
هل اقدم اعتذار هالسنه والسنه الجايه اغير القسم؟
او قولوا لي طريقه في المذاكره عشان انجح.
انا كرهت الكليه مدري ايش اسوي:44::06:

الحل انك تذاكرين كل يوم بيومه.. لاتراكمي الدروس للأخير، هذا مايمشي مع الرياضيات..
اهتمي بالتمارين، حليها أو حاولي تحليها كلها، اسألي المعيدات والدكتورات عن الأشياء اللي ماتفهمينها، هم مايقصرون.. منها تفهمين، ومنها يعرفون انك مهتمة بدروسك راح تستفيدين اذا المعيدة و الدكتورة حست انك مجتهدة.
حاولي تحصلين على دفاتر من السنوات السابقة وعلى أسئلة امتحانات السنوات السابقة، فتعرفين نوعية الأسئلة.. وتعرفين بعض الاسئلة، خاصة ان في دكاترة يكررون بعض الأسئلة.
اطلعي على الأسئلة قبل الامتحانات لأن غالبا ماراح يكون عندك وقت لها يوم الامتحان.
اسألي زميلاتك عن الأشياء اللي ماعرفتي تحليها، وريهم شلون فكرتِ وماوصلتي لنتيجة، هم راح يشرحون لك التمارين ويعلمونك شلون تحلينها، وفي نفس الوقت وريهم اللي عرفت تحليه وقارني اجاباتك باجاباتهم.. حتى يشعرون انك متعاونه ومجتهدة وتستاهلين اللي يعلمونك اياه، لأنك اذا اعتمدت عليهم بدون ماتحاولين تحلين شي، راح يصير في بالهم انك معتمدة على حلهم وتسرقين تعبهم وراح يتهربون من مساعدتك.
واذا طلبوا منك تشرحي لهم شي من اللي عرفتيه لاترفضين.. حتى مايرفضون مساعدتك اذا احتجت لهم.
خلي آذانك مفتحة لكل شي.. لاتصيرين آخر من يعلم اذا نزلت ملازم أو تمارين.. انتبهي لكل كلمة تنقال.
وفي الامتحان حاولي ان يكون هدفك المعدل المرتفع والتقدير، مو علامة النجاح بس، خلي عندك طموح للأفضل.

ان شاء الله بهالطريقة تقدرين تمشين مع القسم..

هذي من تجربتي الشخصية.. أنا كنت متحطمة أول السنين، وكنت أنجح لكن بعد الهم والغم والكوابيس والأزمات النفسية.. وبعد ما اكتشفت هالطريقة تحسن مستواي وصرت أجيب امتياز، لكن للأسف اكتشفتها متأخرة، في سنة رابعة.. لكنها ساعدتني اني آخذ مرتبة الشرف.

وفقك الله.

هلا اختي
انا ادرس ثالث رياضيات
اولا ابعدي اليأس عن نفسك وذاكري اول باول واستخدمي في المذاكرة اسلوب الورقة والقلم اكتبي اي شي تقرينه وابعدي عن اسلوب الحفظ واعتمدي على الفهم
وانا اعتمد بدراستي على المراجع واهم شي لاتسمعين كلام البنات اذا قالو الدكتور يصعب الاسئله او مايصحح تراهم بيضيعوك والله يوفقك واي مساعدة انا جاهزة

esperar
رنيم الفجر
مشكورين حبيباتي على المرور بصراحه احس رجع في الامل بعد فقدانه جزاكم الله خير ....
وهذي مني لكم:26: :26: