اللهم يامقلب القلوب ثبت قلوبنا على دينك
اللهم ماأمسى بي أو أصبح بي من نعمة أو بأحد من خلقك فمنك وحدك لاشريك فلك الحمد ولك الشكر
____
موضوعي متأخر شوي بس تو فضيت انزله
بيوم عرفه جاء زوجي وقلي انه مستلم يوم العيد واليوم الي بعده
وكان مره متضايق لأنه ماراح يعيد معانا ويفرح اولادنا بعد ماوعدناهم اننا نروح نتمشى
وانا من جد تضايقت << اهلي مجتمعين ومبسوطين واهل زوجي كذلك واحنا الوحيدين الي ماسافرنا عندهم
قلت الحمدلله على كل حال لعل في الأمر خيره لنا
فقررت اسوي له مفاجئه على فطور يوم عرفه وكلمت اولادي وماقصروا فديتهم هبلوا فيني
طخ طيخ امي شوفي امي اخذ حقتي في النهايه قلت اطلعوا برى صجيتوني :mad: ووريتهم العين الحمراء ابي اركز في شغلي وهم الله يهديهم
طلع زوجي بعد العصر وقلت فرصه ارتب كل شيء قبل يجي
وعملت حلى
الطبقة الأولى
كيك بيتي كويكر شوكولاته مفتت
الطبقه الثانيه
كريم كراميل + ملعقه كاسترد + نص ملعقه صغيره نسكافيه + كوبين مويه
تغلي على النار وتترك لتبرد وبعدين نصبها على الكيك اهم شيء تكون بارده
الطبقه الثالثة
دريم ويب + ملعقتين كاكاو بودره + قشطه + 2ملاعق حليب بودره
وزينته بحبيبات شوكولاته مع دمعات هيرشي
وعملت سمبوسه
ووردات خلية النحل نوعين
نوع محشي شوكولاته واسقيته نستله +شوكولاته هيرشي سائله
ونوع حشيته جبن واسقيته نستله ورشيته بقرفه وشوي سكر بودره
والمفاجأه اكلت زوجي المفضله مشاوي
سويت شيش طاوق دجاج+رز بالزبده وسلطة الزبادي بالخيار
الشيش طاوق
صدور دجاج قطعتها مربعات كبار وكوسه حلقات وبصل وطماط وفلفل رومي وتبلتها ( علبه زبادي + فصين ثوم + ملح + فلفل اسود + كمون + نص ليمونه ) وخليتها 6ساعات ولو تخلوها ليله كامله بالثلاجه افضل
قسمتها نصين
الكميه الأولى عملتها على صينية تيفال << وطلعت اروع والذ وارسلت منها للجيران
والكميه الثانيه رصيتها بصينيه ودخلتها الفرن
الرزبالزبده سريع وبسيط
تنقعي الرز اهم حاجه لنص ساعه<< انا استخدم الشعلان
في قدر حطي ملعقتين زبده كبار + ملعقتين كبار زيت
وشوحي فيه بصله مفرومه + جزره مبشوره + فصين ثوم + اعواد قرفه وخولجان وورق غار وعويدي وليمون اسود
اول مايذبلون ويقلب لونهم لذهبي
اضيفي مكعب ماجي وحطي الرز بعد ماتصفينه وقلبيه لحد ماتتبخر مويته وبعدين اضيفي كوب مويه او على حسب كمية الرز وملحيه وبس خليه يغلي على نار هادئه لحد مايستوي<< والله يالرز هذا الذ من حق المطاعم وانتم الحكم بعد التجربه
سلطة الزبادي بالخيار
علبتين زبادي + 3 فصوص ثوم + ملء قبضة اليد ورق نعناع +ملء قبضه اليد بقدونس اخضر +3خيارات + ملح وفلفل اسود
حطيهم بخلاط البصل وبعدين قطعي 4حبات خيار كبيره مربعات صغار واضيفيها للخليط والليمون على حسب الرغبه
طبعاً جهزت الطاوله وانتظر بس زوجي يجي لانه مابقي شيء على المغرب الا ويدق جوالي << يالله تجهزوا وخذي الفطور وبنطلع نفطر برى
قلت لا ماينفع شوي وبيأذن المغرب قال عادي ناكل تمر وبعدين نكمل بقية الفطور :icon33: قفلت
دخل البيت يالله يالله
قلت لا والله تعبي مايروح على الفاضي
عصب .. انا ابي امشيكم واخرجكم عشان ارضيكم واعوضكم عن استلامي بكره وانتوا ماهمكم
وانا ساكته :44: سحبته من يده ووديته الصاله وشاف الطاوله وانقلب وجهه الوان خخخخخخخخ << وراح الزعل
قلت خلاص نفطر وبعد صلاة العشاء نأخذ الدجاج والرز ونروح الأستراحه ووافق الغالي وماقصر فديته
والآن نشوف الصور
ماشاء الله لاقوة الا بالله
استغفر الله العظيم الذي لااله الا هو الحي القيوم واتوب اليه