هلا عيوونى باخشوين عندك واحد بالتخصصى اسمه باخشوين ميجا ستور
وواحد باسواق نجود

فى حدود ميزانيتك راح تلاقين بلورا اشلى دبنهامز كاس بالفيصليه وايكيا وسيتى بلازا
اذا تحبين الملونات (للبنوتات) كاس روعه
وترى احيانا تلاقين بمحلات الاثاث مفارش حلوة

واللى سالت عن الهويش هو بالامير عبدالله

لورا اشلى اللي في مركز النمر ما فييييه مفارش بس ملابس
وين فرعهم حق المفارش فيه ( أقول ياصبرك علي وأسئلتي اللي ماتنتهي)
بس اعذريني حايسه في هالأثاث كل ما خلصت من شئ طمرت للثاني :17:

تدرين يالغالية ..

رحت مرة لمحل في المستودعات مخرج 16 .... يالله أنخبصت على مفرش أكل عقلي أكل ... وما طلعت الا شاريته ..

المفرش لونه أحمر وعليه تطريز جدا فخم بلون ذهبي .. طبعا هو 10 قطعة ..عليه لحاف أحمر سادة ومطرز من جهة

وحدة .. معه مخدتين وخددايتين .. وعلبة مناديل ..مطرزة .. وخدادية دائرية .. مفرش مغاط .. ومفرش سادة بدون ..

المهم وكان سعرره وقتها 1200ريال .. أذا ناسبك الوصف أو السعر ممكن تروحين تشوفينه .. والمحل عموما ..

عنده أشكال ولا أروع ..

وأذا بغيتي المحل .. أذكر كان أسمه (....الجوير) أذا ما خانتني الذاكرة ..

على فكرة .. المفرش عملي الى أقصى حد .. ومقاسه مقاس الأمريكي ..

ودمتي ..

أنا قريت في عالم حواء انه كثير من البنات يفصلون مفارش من اقمشة الستائر والكنب وتطلع حلوه وارخص من الجاهز وفخمه وسبق ان رحت لباخشوين واسعار المفارش الفخمه بحدود 3000 الى 5000 0 ورحت للقثمي وأخذت من عنده اقمشه 0وسالته عن تفصيل المفارش هل هو دارج او انادر قال بالعكس دارج مره ويطلع افخم من الجاهز وقالي ان محلات تنجيد الكنب تفصل المفارش عاد رحت وديت اقمشتي لاحد هالمحلات وبيطلع الاسبوع الجاي ان شاء الله 0 ادعوا ان شاء الله يطلع حلو !!

حبيبتي فيه محل الهويش يفصل بس في ابن دايل الى في طريق الامير عبدالله سكر من زمان انا فصلت واحد 1600 ريال وكان االقماش تفته طيحه وكمان اورقنزا..........كل الى شافه يعطه اكثر