السلام عليكم و رحمة الله و بركاته ..
معليش يا إدارة المنتدى رجاء لا تنقلو الموضوع
لأنه هنا أكبر تجمع من ربات البيوت و أصحاب الخبرة :39:
حبايبي حبيت أسألكم عن الحريم إللي يفتشو الشغالات
أبغا وحدة في جدة تفتش الشغالات مزبووووط
يعني بالعربي تنفضها تنفييييض من فوق لتحت
لأنه صاحبتي عندها شغالة فلبينية و شاكين فيها
و لها فترة قليلة أدب و بتسوي مشاكل و حركات لفت نظر
و شكو فيها إنها بتسوي علاقات لأنها حالها مرة زاااايد
و هي إللي جاتهم فجأة تقول لهم ودوني السفارة حقت بلدي
كدة بدون سبب :mad:
و فجأة قالت لهم أبغا أرجع لأهلي .. أهلي قالولي أرجعي و أبغا أرجع بسرعة !!
و كمان لها فترة بس تقول بطنها توجعها و تتألم بس ما تبغا تروح المستشفى
و هي بالعادة لو صدعت أو بدأت معاها زكمة خفيفة تقول لهم ودوني الدكتور !!
و هي المفروض إنها حتجلس كمان سنة !!
يعني فجأة جالسة تتصرف لهم تصرفات زي المجانين
ألين صاحبتي و جوزها خافو منها على نفسهم و على عيالهم و على بيتهم
و جوزها قرر تسفيرها اليوم قبل بكرة !!
لأنها كل كلمة و التانية تقول لهم ودوني سفارة الفلبين
أنا أبغا أشتكي عليكم !!
عشان جاتهم فترة كانت عندهم مناسبة عائلية و بيروحو و بيجو
و مبسوطين و بيخرجو خرجات مع الأهل و يقضو أغراض الفرح
و هي الهانم حقدت شكلها تبغاهم ياخدوها معاهم و لا يستشيروها في كل شي !!
لأنهم كل ما خرجو و رجعو يلاقوها قالبة خلقتها و مكشرة و تتأفف و ترد الكلمة بعشرة !!
خصوصا لو دخلو و في أياديهم أكياس أو أغراض .. تصنقر لهم كأنها صاحبة البيت !!
مع إنهم ماهم مقصرين معاها أبدا لا في أكلها ولا في أغراضها الشخصية
و عايشة عندهم زي الملكة !!
لكنهم جنس وسخ ما يتمر فيهم أي شي الله يكافيهم :mad:
فخلاص حيسفروها اليوم أو بكرة لأنهم جوزها مستني تأكيد الحجز
و يبغو وحدة تجي تفتشها و تنفضها مزبووووط
لأنه أولا صاحبتي خوافة و طيوبة و غلبانة مررررة :35:
و تانيا جوزها رافض إنها تفتشها يقول لها عيب و حرام و إهانة لها !!
و تالتا إنه الشغالة قبل كدة ما رضيت تفتح شنطتها قدامهم و لا توريهم شي
تقول لهم مو من حقكم تفتشوني و ودوني سفارة الفلبين !!
>> مرة مصدقة إنها بنت رئيس الفلبين كل شوية تقول سفارتي و سفارتي !!
فالله يسعدكم إللي تعرف وحدة من إللي يفتشو الشغالات و يخوفوهم
تعطيني رقمها ضرووووري عشان صاحبتي تبغا تفتشها قبل ما يجي جوزها
و ياخدها للمطار لأنه ممكن يجي في أي وقت يقول يلا ناديها و يروحو :time:
أو قولولي كيف ممكن تقوي قلبها و تفتشها هي بنفسها ؟!
بس تخاف إنها ما تعرف فين تفتش لأنها بسرعة تتربش و تتوتر :(
و هي تبغا إللي يريح لها قلبها و يبرد لها قلبها لأنها مرة مقهورة من تصرفات الشغالة
و شاكة فيها مررررة خصوصا موضوع المغص و ألم البطن الغريب دا !!
و الود ودها توديها تسوي لها تحليل حمل عشان ترتاح
لكن ماهي قادرة تقول الموضوع دا لجوزها لأنه جوزها مرة طيب و نياتي و ما يتفاهم معاها
و كل شي يقول لها أستغفر الله حرام عليكي هادي آدمية مسكينة !!
و سمعت إنه فيه حريم يجو لابسين لبس زي حق السيكيوريتي إللي يفتشو في المطار
و يفهمو الشغالة إنهم جايين من المطار و هادا إجراء يمشي على كل العاملات
و يفتشوها قدام كفيلها أو زوجته و يشيلو منها كل شي يشكك و يقفلو لها شنطتها
و ينزلوها السيارة في وقتها كجزء من الإتفاق
و كمان تفتشها تفتيش شخصي و تفتش جسمها و ملابسها إللي لابستها و كل شي
فهل في جدة فيه شي زي كدة ؟!
لأنه أنا شخصيا ما سمعت شي زي كدة غير من الناس و من المنتدى هنا فقط !!
بإنتظار ردودكم :time:
أختكم .. جــــداويـــــــــة
يلزم عليك تسجيل الدخول أولًا لكتابة تعليق.
الصفحة الأخيرة
فينكم يا هووووه :(