مروووة حبيبتي سعيدة بوجودك..

ومقدرة ظروفك :04:

شكرا لذوقك وذوق زوجك ..

أنا بصراحة بحب المفارش الكبيرة ..

دايما كنت بشوف جدتي عاملاهم .. وشكلهم بيكون فخم جداااا..

المفرش القادم حيكون أكبر وأكبر..

سعييييدة بإن السكانر اشتغل وحنرجع لباتروناتك الجميييلة ..

في النتظارك :26:

و الله جننيتينا حرام عليكي ياريت تقوليلنا بالضبط طريقة عمله باسلوبك السهل في الشرح و بصراحه انا نفذت كام وحدة منهم و طلعوا كلهم يجننو ، ياريت تنزلي طريقه عمله لاني هاموت و اعمل واحد بالحجم ده....
:26: :26: :26:

حبيبتي
roma_badr

شوفي هالرابط ان شاءلله ايفيدك
كتاب عن فن الكروشيه بالصور

roma_badr

عزيزتي سعيدة بإنك جربتي وحداتي المتواضعة.. وعجبك شرحي .. هو طبعا بيكون شرح منقول من كتاب مش شرحي شرحي ;)

بالنسبة للمفرش صعب جدااااا أشرحه كله بالكلام .. عايز صفحات وصفحات..

لازم تحاول تفهمي الباترونات المرسومة.. لأن في مئات الباترونات الجميلة في المنتدى.. خسارة تضيع عليكي ..

وفي مواضيع كتييير بتشرح فهم الباترونات المرسومة Diagrams راجعيها وذاكريها .. واتمتعي بباترونات المنتدى كلهااااا..

وطبعا لو عندك أي سؤال أو استفسار اسألي ..

:26:

شكرا مروة على وضع الرابط :27:

السلام عليكم ورحمة الله وبركاته

ماشآء الله لا قوة إلا بالله .... جميل خالص يا عفريتة

و سبحان الله سبحان الله أنا كنت حاطه الباترون بتاع المفرش دا ضمن باترونات الخطة السنوية إنشآء الله

بالنسبة لشغل المفارش ما تخوفهمش يا عفريتة ، الموضوع مش صعب للدرجة دى .. يمكن عن نفسى انا

أنا فعلاً بدايتى مع الكروشيه كانت بالمفارش و بالإبر الرفيعة .......... ههههه يمكن بدايتى كانت بالمشقلب بقى ، 95% من إنتاجى من أيام ما كان عندى 11 سنة لغاية دلوقتى عبارة عن مفارش أشكال وألوان و كل موديل بحب أعمل منه أكثر من لون ......... بيج مثلاً و أخوه ابيض و اخوه كمونى و هكذا .......

المهم شغل المفارش رائع و ممتع جداً جداً ونتائجة مبهجة ، وبيطفى على المنزل لمسه جماليه حلوة لأن الواحدة بتيقى عارفة بيتها محتاج إيه و لون إيه بالضبط

لكن خلااااااااااص الوالدة ربنا يكرمها ما بقى عندها مكاااااااااااااان تضع فيه كل هالمفارش ،

كان نفسى والله أوريكم الموديلات و لو فى أى مساعدة أقدر اقدمها حاقول إنشآء الله ........

بس إللى منكن إنشآء الله تحب تشرفنى فى إسكندرية ممكن أفرجها على عالم المفارش بتاعى

بالأضافة إلى إن الموضوع مش بس موضوع مكان ...... و لو عايزنى أنزله فى موضوع بعنوان جديد ممكن

الحكاية إنى من ضمن أحلامى من زمان إنى أثبت إن المسلم لازم يتعلم ويتفوق فى كل كبيرة و صغيرة على قدر إستطاعته و جميل جداً إنه زى ما بيتفوق فى دراسته و بياخد شهادات كبيرة لازم يبقى عنده مهارات تانية ينميها و يتفوق فيها

يعنى ما فيهاش حاجة إنك تلاقى طبيب وفى نفس الوقت عنده مهارة النجارة مثلاً و بينفع بها نفسه وإللى حوله

يعنى الفكرة إنى عايزة اثبت إن المسلم فعلاً فعلاً لازم يتفوق فى حاجات كثيييييييييييييير فى الحياة لأنه مسلم و مش لأنه لازم يذاكر مثلاً علشان يدخل كلية كذا وبس كدا خلاص ويعتبر تقريباً راسب فى حاجات كثير فى الدنيا كان لازم يتفوق فيها

علشان كدا أنا بحب الكروشية وحاجات تانية كثير بتساعدنى من زمان على إنى أثبت الكلام دا كمسلمة و نفسى بقى اطبقه

علشان كدا فكرت فى فكرة كانت وأنا بادرس فى الكلية إتعرضت علي و هى إنى أورد إنتاجى لمشغل بتاع سيدة تديره ......... لكنى وقتها ما كنتش فاضية

عموماً أنا مش عايزه اخدكم كثيييير من حلاوة مفرش عفريتة

المفرش يا عفريتة لو حاتبيعيه بالجنيه المصرى عندنا هنا............. ثمنه بالنسبة لحجمه و تكلفة الخيط ودقة الشغل إللى فيه لن يقل عن 25 جنيه مصرى

أى نعم ما حدش كثير عنده إستعداد يشترى مفرش بالثمن دا .......... لكن هى دى قيمته الحقيقية

وبمناسبة بيع المفرش ...... لو فى أى مصرية تعرف مشغل أو عندها مشغل و تكون لها طبيعة خاصة هى وعميلاتها لغرض ما فى نفسى .........و بتتاعمل فى المفارش تقولى و أنا أقوم بالواجب إنشآء الله ( إللى ماشية على نفس خطى ... بس تقريباً هى إللى حاتفهمنى إنشآء الله)


معلش طولت
دى بعض موديلات المفارش إللى أنا عمله زيها مؤخراً .................... يتبع لأنى لسه حاحمل الصور

و مبروك عليكِ يا عفريتة