السلام عليكم..

اسمحوا لي يا أخوات لو كنت تأخرت عليكم..
بس شو انسوي.. اشغالنا وايد..
المهم..
أنا راح اضيف الصور مره ثانية.. لكن لما الموقع يسمحلي..
و راح اكمل الخطوات..

بسم الله الرحمن الرحيم..

انا توقفت عند الخطوة (15) و الي انهينا فيها مربع الوسط.. و الحين راح نبتدي بغرزة FAN الي راح نوصل نص الشال و نحنا نعملها..

16 – نعمل 3 غرز chain –( و بعدين غرزه trc – و بعدين 4 غرز dc نعملهم في أول فتحه لغرزة trc الي عملناها – و يصير عندنا شكل المروحة) – الي بين القوسين اسمه غرزة FAN .

17 – و بعدين نحسب – في الغرزة الثالثة من السلسة الي عملناها في الخطوة (15) نعمل 5 غرز dc – و بعدين في الغرزة الثانيه من السلسة الي بعدها نعمل 5 غرز dc – و بعدين في الغرزة الثالثة من من السلسة الي بعدها نرجع نعمل 5 غرز dc .

18 – و هنا نكون و صلنا الزاوية الثانية من المربع – في السلسة الي في الزاوية نحسب 3 غرز و بعدين نعمل 2 غرزة fan في نفس المكان.

19 – و نعيد الخطوات (17 – 18) حتى نرجع الزاوية الي ابتدينا منها.

20 – و الحين نعمل 4 غرز dc – علشان نوصلهم مع بعض.

21 - نعمل 3 غرز chain – غرزة و حدة fan في الزاوية – و بعدين نعمل fan في الفتحة الي بين (5 غرز dc ) الي عملناهم في الخطوة السابقة – حتى نوصل الزاوية – و في الزاويه نعمل 2 غرزة fan – و هكذا حتى نوصل النهاية.

22 - و الحين نعمل 4 غرز dc – علشان نوصلهم مع بعض.

23 – و راح نعيد الخطوات (21 – 22) 18 مرة – أو حتى يصير عندنا 24 غرزة fan في كل جهه من جهات المربع.

و لما ننتهي من هذه الخطوات بنكون و صلنا نص الشال..

24 - الان لازم نعمل عدد من المربعات (الخطوات من 1 – 14) و نوصلهم في الشال و مع بعض . و هكذا يصير عنك 36 مربع في وسط الشال.


و البقية قادمة..

و اسمحولي على الصور لكن ما قادرة احطهم – راح احاول و ارجعلكم..

انا كمان الصورة مش ظاهرة عندي

ممكن تنزليها اني لو تسمحي:27:

السلام عليكم..

اسمحولي يا أخوات.. بس المنتدى ما كان راضي يخليني أحمل الصور.. :44:
أنا استخدمت موقع ثاني.. بس نصيحتي للي تبغي تشتغل في الشال إنها تخزن الصور على جهازها.. و بهذي الطريقة تقتدر ترجع لها أي وقت.. حتى لو انحذفت من المنتدى مره ثانية..

و هذي الصور..

السلام عليكم ورحمة الله وبركاته ..

معلش يا أم دحان متزعليش نفسك .. مش كل عضوات المنتدى يقدروا يستعملوا خاصية التحميل .. بس أنا شوفت الصور كلها وفعلا جميــــــــــــــــل.. ونزلتهم كلهم على الجهاز :o
وفي انتظار الباقي .. :21:
وشكـــــــــــــــــــــــــــــــــــــــــــــــــرا على تعبك معانا :26:

السلام عليكم...

اسمحولي يا أخوات.. ادري اني تأخرت وايد عليكم.. بس شو اسوي .. بين الشغل.. و البيت.. و الحمل.. و التجهيز للبيبي.. ما الاقي وقت..

انا على فكره بعدني ما خلصت من الشال..

المهم.. خلوني أكمل الخطوات:

بسم الله الرحمن الرجيم..

نحنا وقفنا عند 36 مربع بيكونون في وسط الشال.. و بعدين..

25. نكمل مثل البدايه.. يعني (خطوه 15 من أول التعليمات) : 5 غرز chain – نقفلها في نفس المكان من الزاوية – 5 غرز chain - 1 غرزة sc في الدائرة التالية – 3 غرز chain - 1 غرزة sc في الدائرة التالية - 5 غرز chain - 1 غرزة sc في الدائرة التالية - 5 غرز chain – نقفلها في نفس المكان من الزاوية – و هكذا حتى النهاية - ثم نقفلها بغرزة slip . راجعوا الرسم !!!

26. نعمل 3 chain , 1 dc , 3 chain , 1 dc, في الزاويه, و بعدين 1 dc , 3 chain , 1 dc ( بنسميها mesh) بين كل (5 dc) سويناهم في الخطوه السابقة. حتى نهاية المربع.

27. بعمل 3 chain, و بعدين fan بين كل mesh حتي نهاية المربع.

28. نعمل الخطوات 26 و 27 سبع مرات , او حتى يكون عندنا 48 fan في كل طرف للمربع.

29. و الان نصل الى المجموعه الثانيه من المربعات , و نعمل نفس طريقة المربعات الي في الوسط و سيكون عندنا 68 مربع.

30. و الان نعمل نفس الخطوات السابقه (25, 26, 27) مره واحدة, و هكذا نكون انهينا الشال .. مبرووووك.
انا كنت افكر اذا قدرت احط طرابيش ؟؟؟ (fringes) في النهاية.. بس السرعة الي اشتغل عليها ما اعتقد..
و بعدين يا بنات.. اذا كنت تعرفين تعملين borders حلوات حاولي تتفنين.. و انت و ذوقك.. و خبرتك في الكروشيه..

و المره الثانيه انشاء اجهز كل الخطوات (حتى لو كنت ما اشتغليتعا) و احط كل شي مره وحده.. بس محتارة بين بطانيه أو شي ثاني..

و انشاء استفدتوا و عجبكم الشال.. و اذا قدرت أول ما اخلص احط صورة الي انا عملته.. و اتمنى انتوا تسوون نفس الشي..