وصباح الخيرات
وكل عام وومملكتنا بخير
اليوم يالغوالي صحيت بدري ومليت من الفطور المعتاد قلت خلني اسوي مفروكة بصل تذكرت جدتي الله يحفظها تسويها وتطلع جنان وقلت يالله يابنت مابدهاش وسويت العجينه نفس عجينة المراصيع
وسويتها على الصاجه نفس المراصيع بس كبرتها شوي
مثل كذا
وبعدين حطيتها بحافظه وسكرت لين كملت باقي العجين
وبديت افرك وضفت البصل المفروم ناعم لها وضفت لها سمن وصرت اسقيها شوي سمن وافرك مثل كذا
وبالاخير صار شكلها كذا بعد مارشيت عليها بهارات سودا
وبالعافيه على قلوب الجميع مع العلم انها تصلح لكبار السن عشانها بر وحلوه بالبرد وحلوه للنفاس مع اضافة الحلبه المطحونه لها ومن الممكن استبدال البصل بالعسل او التمر وبالعافيه