مفسر الاحلام اللي جنن صديقتي...ابغي رايكم

الأسرة والمجتمع

السلام عليكم ورحمة الله وبركاته
ياهلاااا ومرحباااااا بكل من شرفتني بمرورها
هذه مشكلة صديقتي مع مفسر الاحلام واللي بسببه سااااااْت نفسيتها للغايه
صديقتي عندها بنت في العشرينات من عمرها وهذه البنت دووووووم تحلم انها تلد طفل بنت او ولد
ويكون قلبها متعلق بهذا المولود وفرحااانه فيه حتى لما تصحى من النوم تكون شفقااااانه على هالطفل ودائماً يكون شكل المولود جمييييل جداً
ساْلت احد مفسرين الاحلام تتخيلون بماذا فسر لها هذا الحلم
قال لها احتمااااااال ان البنت يكون معمول لها عمل حتى لا تتزوج او ان بها مس

شفتو التفسييييير الفظيع
ومن يومها والبنت نفسيتها سيئه ومووسوسه والام نفس الشي
معقوووووووله
هذا تفسير حلمها......كل بنت تشوف مثل هالاحلام يكون فيها شي من اللي قاله
البنات اللي ماتزوجو.....امانه عليكم تردون علي ....واللي شافت مثل هالاحلام قبل لااتزوج اماااانه ترد علي
اللي زاد الطين بله انها قراْت موضوع لاحد الاخوات هنا عن سحر تعطيل الزواج وقرات نفس الكلام
كل كلمه راح تكتبونها بصورها لها حتى تشوف ردودكم وتجاربكم وتبعد عن الوساوس اللي يمكن تدمرها هي وبنتها
جزاكم الله خير الجزاااااء
58
20K

يلزم عليك تسجيل الدخول أولًا لكتابة تعليق.

تسجيل دخول

مهاوي اليل
مهاوي اليل
اختي الحلم يكون معلق على جناح طير ولما يتفسر يمشى على تفسيره
يعني اذا قلتي خير صار خير واذا قلتي هالحلم شر صار شر
لازم دايم تفسرين الحلم على انه خير حتى لو كنتي خايفه منه
ولازم ماتقولين للنساء
!i! سكر نبات !i!
!i! سكر نبات !i!
انا دايما احلم اني اتولد وانا بنت هههههههههههه

او اني اولد خواتي يعني اساعدهم في الولاده

بس تدرين ليش؟؟ لاني دايما اسمع اختي توصف ولادتها وصرت دايما احلم

يعني شي معشعش في ذاكرتي لازم احلم فيه ........... يمكن هي تحب الاطفال ومن داخلها تحب يكون لها طفل حتى لو مافكرت في هي الشي لازم تحلم فيه
سبحان الله كذا الاحلام

وعادي لاتقلق واذا مره مره خايفه تقرى على نفسها الرقيه الشرعيه وتسمعها كثير وسورة البقره بعد ولاتنسى الورد والاذكار.................. اجل وش فايده تقلق من شي وهي ماسوت شي !!

تدرين انا الحين بديت اوسوس:(
لاني للحين ماتزوجت وعمري 24
<< اكبر موسوسه
Rosee
Rosee
الولاده يعني فرج مب معناة سحر ولاهم يحزنون

الحمل للعزباء يعني هم الولاده هي فرج لهذا الهم ... وخاصه اذا كان المولود بنت خير احسن من الولد
de lyon
de lyon
صح الولادة السهلة في الحلم يعني هم وراح شقاء وبعده راحة والله اعلم
ديـــــراوية
ديـــــراوية
اللي نعرفة أن الحمل بالحلم يكون هم ولما تولد وتجيب بنت ينفرج همها عشان البنت فرجها مفتوح يعني يسهل تفريج همها
واذا ولدت بولد يقولوا همها ما ينفرج بسهولة لان فرج الولد مقفل

هذا اللي اعرفة والله اعلم