بالنسبة للمفطح او اغلب رز العزايم والبوادي طريقتها وحدة
حطي بالقدر زيت وحطي اللحم ولما يتغير لونه من الاحمر للابيض اقلبيه وحطي بصل مفروم وكل شوي قلبيهم لين يذبل البصل حطي هيل حب ومسمار وكمون ولا تحطين ملح ابد (اذا لحم واذا دجاج عادي)
لان الملح يقسي اللحم ويخليها تطوول ماتستوي
المهم بعد ماذبل البصل واللحم عررق
صبي موية حارة ولاتغرقين الدنيا عشان مايضيع الطعم
وخليها تطبخ من ساعة الا ربع لين ساعه ونص حسب حجم اللحمة بالتقطيع كل ماكانت كبيرة تاخذ وقت اكثر
لما تستوي املحي القدر وخليها 5 دقايق عشان تتطعم من الملح
بعدها ارفعيها بصينية الفرن وادهنيها بخلطة(شوية من مرقة اللحم اللي طبختيها فيها وشوية زيت وملح خفيف وكركم وبهارات)
وبالفرشاة ادهني اللحمة بالخلطة كلها ودخليها تتحمر
بهالوقت صفي موية اللحم وذوقي الملح وحطي فلفل طازج وليمون اسود ودارسين
وكبي الرز تكونين ناقعته ومنظفته قبل شوفي مقياس الرز مع الموية
واتركي النار عالية لين يتشرب الرز لما يتشرب تكونين مزينة كشنة(بقدر صغير زيت وبصل ودارسين مطحون وليمون اسود مطحون وكمون وكركم ولما يذبل البصل ويتكرمل حطي زبيب ومكسرات وصنوبر << حسب الرغبة )
خذي الكشنه وصبيها كلها عالرز على جنب وغطي الرز وقصري النار مرررة
ولما يستوي الر ز بس نص ساعه اذا منقوع
شيلي الكشنة ومعها شوية رز حطيهم بصحن على جنب واغرفي الرز بالبادية والكشنه والرز اخلطيهم سوى ورشيهم ووزعيهم على الرز بالبادية
جيبي اللحم وحطي بالنص وتصيرين سالقه بيض ومقطعة شرائح طماطم وليمون وبصل وصفيهم حوالين اللحم
وبالعافيه عليكم