مفعوصه علاج بشرتك جاك الفرج

بسم الله الرحمن الرحيم

السلام عليكم ..هذي اول مشاركه لي معاكم مع اني قارئه قديمه في هذا المنتدى واستفدت كثير من مشاركاتكم جزاكم الله خير..
المهم مابقول قصة حياتي ..
لي اكثر من اسبوع ابي اشترك ومعييي معي الحمدلله قدرت اكتب
مفعوصـــــــــــــــــــــــــه قطعتي قلبي واشتركت مخصووص عشان اقولك لاتشين هم بشرتك
اختي لها مثل تجربتك وكانت بشرتها افضع مما تقولين الحبوب ملت وجهها وكانت كل حبه تصرع الحبه الثانيه وكانت ماتقدر تحط خدها على المخده من هالحبوووب
ابشري..ولاتاخذين علاج تخافين منه بس اتبعي الخطوات التاليه وبتشفين بأذن الله..

هذي وصفه من منتدى اخر جربتها اختي مثل ماقلت لك والحين وجهها صافي ومافيه ولا حبه

يالله جينا للمهم.....

اولا.. خذي قاروة ماء معدني (صحه)وفرغي نصها واملي نصها الثاني بماء ورد

ثانيا.. خذي مره(المر) من عند العطار لونه اشقر على احمر..اكيد تعرفينه وحطيه في القاروره الي نصفنها ماء صحه وماء ورد--تقريبا ملعقتين ونصف مطحون ومكسر او مفتت لقطع صغار وكوني رجيها كل شوي لمده يوم لين يصير لون الماء الي بالقاروره اصفر غامق مايل للبرتقالي.. وامسحي وجهك به بعد كل وضوء للصلاه وبالليل طبعا قبل تنامين..

ثالثا...يفضل لو تاخذين فيتامين E بقوة 400

رابعا..اغسلي وجهك بغسول خاص بالبشره الدهنيه حسب مايناسبك مثلا غسول زيت شجره الشاي حق البودي شوب اوغيره المهم يكون مطهر ويجفف شوي مو كثير

والاهـــــــــــــــــــــم لاتغسلين وجهك بطرقه تنشر الحبوب فوجهك كله لا..اغسلي بلطف ونعومه وكل جزء لحاله بتتعبين بس بتلقين النتيجه باذن الله..

خامسا...روحي للعطار قولي له ابي حلول..خلطة اعشاب جاهزه تغلينها وتشربينها (خذي الطريقه من عند العطار وخذي بالك لما تحطينها على النار ما تحركينها بالملعقه ولا تروحييين فيها من الالم..هذي تشرب كل اربعاء مثل ماوصانا الرسول صلى الله عليه وسلم..تطهر الجسم من السمووم وتنظفه..وبالتالي تصير بشرتك رهييبه وشعرك اررروع..واذا كنتي تعانيين من الامساك..فهذا سبب الي صاير فبشرتك المهم كل اسبوع تشربين كوب وبطنك فاضي وبعد نص ساعه كلي الي تبين باستثناء الاشياء البارده لانها تعطل مفعووله..

سادسا..مرتين بالاسبوع سولي لك ماسك الطين المغربي حق البشره الدهنيه مفيد جدااا يسحب الدهون سحب وينظف البشره..وطريقته سهله.

والاهم من هذااااااااااا كلــــــــــــــــــــــــــــــــــــــــه لاتلمسين البثور ابــــــــــد بيدك ولاتحاولين تتعبثين بهااا ولا تقولين بتخلص من الدهون الي بهااا..لان بشرتك اذا تخلصت من البثور ماراح تخلص من الندبات ابد الا بتقشير وعذااب

خذيها قاعده يدك ابعديها عن البثوووووور نهائيااا..ولاتلومين الانفسك لو تعبثتي بها هذا عن تجربه

سابعا...كلي الفواكه والخضار وتجنبي الشكولا والمشروبات الغازيه والاشياء المشبعه بالدهون...

ثامنا... نظفي بشرتك بالليموون وبعدها حطي خيار وبعدها ثلج وراح تلاحظين تحسن رهيب.

توكلي على الله وادعي هالدعاء..اللهم يامكبر الصغير ومصغر الكبير صغر مابي..واقري الفاتحه سبع مرات وانفثي بيدك وامسحي وجهك..علاج لكل شي مع لاحول ولاقوة الابالله كرريها كثيررر

وثقي ان هالعلالاج ناجح بنسبة 100% بس مع الاستمرار والصبر والانتظام (من تجربه قدام عيني بس طولي بالك لاتخسرين بشرتك)

والله يشفيك ويعافيك ..

واسمحولي طوللللللللللللللللللت كثييير:11: