مفهوم الصداقه عندنا؟

بسم الله الرحمن الرحيم..
السلام عليكم ورحمه الله وبركاته ..
كيف حالكم يابنات عالم حواء ..
ان شالله انكم بخير وعافيه ..
.
.
يابنات وش مفهومكم للصداقه؟
وشلون تختارين صديقتك؟
هل صديقتك من ايام الدراسه الابتدائي والمتوسط؟
هل صديقتك من ايام الجامعه وجمعكم التخصص
هل صديقتك بنت الجيران
هل صديقتك انتي اخترتيها او ظروف الحياه فرضتها عليك؟
وايش الفرق بين الزميله والصديقه؟
الزميله >>تربطك معها علاقه عمل اودراسه موقته فتره طويله او قصيره
انتي ملزمه انك تبينين الجانب الايجابي فيك والاحترام المتبادل في كل الاوقات..
يعني بالنهايه العلاقه رسميه وتنتهي بنهايه المصلحه القائمه..
.
.
الصديقه>> تعرفك مين انتي تعرف شخصيتك .طريقه تفكيرك .. تعرف سلبياتك قبل ايجابياتك ..
تقدم لك النصيحه من قلب .. توقف معك بوقت الناس تخلو عنك..
توقف معك باليوم الاسود قبل الابيض.. تعذرك ان قصرتي وتفرح لنجاحك كاخت ..
.
.
الملاحظ الان والشكوى المعروفه ..
صديقتي تزوجت وسحبت ..صديقتي ولدت وانا ماعرفت ..صديقتي تعينت ولا قالت ..
الجواب :هذي عمرها ماكانت صديقه حقيقيه ..
هذي مجرد زميله وانتي بخطأ منك رفعتيها لمنزله الصديقه ..
الحل افرحي لها وباركي لها >زي ماقلنا عن طريقه التعامل مع الزميله اظهار الجانب الايجابي فقط
ولا تكبرين شرهتك عليها ..
.
الصداقه الحقيقيه عمرها ماكانت بكثره الطلعات والعزايم ..
الصداقه الحقيقه عباره عن مشاعر صادقه..مهما بعدت المسافات
وهي بالنهايه رزق من الله ..
.
.
قولو لي عن صديقاتكم هل تعتبرونها صداقه حقيقه او زماله
تعرضتم لخذلان منهم بعز حاجتكم لهم؟
انا عن نفسي لحد الان مافيه صداقه مجرد زماله دراسه وجيره
.
.
اتحفوني بمشاركاتكم.